Tindastóll úr leik í bikarnum.
Tindastóll og ÍR léku á föstudagskvöld í 16 liða úrslitum Subway bikarsins í gærkvöldi. Ekki náðu Stólarnir að hefna fyrir tapið í deildinni á dögunum og lágu aftur fyrir heimamönnum í Hellinum. Voru lokatölur leiksins 69 – 56.
Í umfjöllun um leikinn á körfunnu.is segir að gestirnir frá Sauðárkróki hafi framan af verið með frumkvæðið en hafi leikið án Darrels Flake og munað hafi um minna. Flake fór í hnéaðgerð sl. föstudag og verður frá næsta mánuðinn. Félagarnir Friðrik Hreinsson og Óli Barðdal voru að nýju komnir með KS merkið á bringuna og fékkst ekki betur séð en að kapparnir verði fljótir að finna taktinn með Stólunum. Ómar Sævarsson bauð þó upp á tilþrif leiksins og það í fyrsta leikhluta þegar hann kom keyrandi inn miðjuna, fékk góða sendingu á ferðinni, vippaði sér upp og tróð með tilþrifum og staðan 12-10 fyrir ÍR. Stólarnir leiddu þó eftir fyrsta leikhluta 16-18.
Gestirnir leiddu í hálfleik 31-32 þar sem Helgi Viggósson var kominn með 14 stig fyrir Stólana og Svavar Atli Birgisson 8. Hjá ÍR var Hreggviður með 10 stig og Steinar Arason 8.
Hreggviður fór mikinn í síðari hálfleik í kvöld og kom ÍR í 38-34 með því að skora 7 fyrstu stig heimamanna í síðari hálfleik. Tindastólsmenn áttu bágt með að hafa gætur á Hreggviði sem hitti bæði vel fyrir utan og lék menn grátt á blokkinni. Baráttan í síðari hálfleik var mögnuð en fyrir vikið varð lítið úr sóknarleik beggja liða. Ísak Einarsson fór fyrir Tindastól í seinni hálfleik og átti fína spretti en gestirnir voru í mestu vandræðum með leikstjórnendastöðuna þar sem Fall var ekki með hugann við leikinn.
ÍR náði forystunni í þriðja leikhluta og leiddu að honum loknum 50-45. Heimamenn höfðu frumkvæðið í fjórða leikhluta en gestirnir voru aldrei langt undan. Maður leiksins, Hreggviður Magnússon, gerði svo út um leikinn þegar rétt rúm mínúta var til leiksloka. Hreggviður sökkti þá þriggja stiga skoti og breytti stöðunni í 68-54 og það reyndist gestunum ofviða og lokatölur eins og fyrr greinir 69-56.
Fleiri fréttir
-
Stóri plokkdagurinn á sunnudaginn, 27. apríl
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 09.30Stóri plokkdagurinn verður haldinn hátíðlegur sunnudaginn 27. apríl næstkomandi og þá plokka landsmenn sem aldrei fyrr. Eftir veturinn bíður okkar heilmikið verkefni við að hreinsa allt sem undan snjónum kom ásamt öllu öðru rusli sem finnst á víðavangi.Meira -
Grunnskóli Húnaþings vestra tekur þátt í hæfileikakeppninni Fiðringurinn
feykir.is Austur-Húnavatnssýsla, Vestur-Húnavatnssýsla, Lokað efni 23.04.2025 kl. 09.05Þann 7. maí nk. fer fram hæfileikakeppnin Fiðringurinn á Norðurlandi sem er fyrir nemendur í 8.-10. bekk og er í anda Skrekks í Reykjavík og Skálftans á Suðurlandi. Er þetta í fjórða sinn sem þessi keppni fer fram og verður hún haldin í Hofi á Akureyri. Í ár taka tíu skólar þátt og er Grunnskóli Húnaþings vestra einn af þeim en þetta er í fyrsta skipti sem skólinn tekur þátt og einnig sá eini frá Norðurlandi vestra. Það eru Samtök sveitarfélaga á Norðulandi eystra og Menningarfélag Akureyrar sem styrkja þetta verkefni.Meira -
Styrkir til að fjölga óstaðbundnum opinberum störfum á landsbyggðinni
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.04.2025 kl. 08.32Byggðastofnun auglýsir styrki til að fjölga óstaðbundnum opinberum störfum á landsbyggðinni. Í tilkynningunni segir að aðgerð B.7. á byggðaáætlun hefur það markmið að búsetufrelsi verði eflt með fjölgun atvinnutækifæra og auknum fjölbreytileika starfa á landsbyggðinni. Þannig geta ríkisstofnanir nú sótt um styrki til að fjölga óstaðbundnum opinberum störfum.Meira -
Elís og Hafdís voru fyrst til að ná mynd af lóunni í ár
feykir.is Austur-Húnavatnssýsla, Vestur-Húnavatnssýsla, Lokað efni 22.04.2025 kl. 14.07Sveitarfélagið Skagaströnd efndi til ljósmyndasamkeppni þar sem leikskólabörn og krakkar í 1.-4. bekk í grunnskólanum á Skagaströnd voru hvött til þess leita að fyrstu lóunni og ná af henni mynd. Það er ekki annað að sjá en að lóan sé mætt í allri sinni dýrð á Skagaströnd, segir á heimasíðu sveitarfélagsins.Meira -
Ert þú í Verslunarmannafélagi Skagafjarðar?
feykir.is Skagafjörður, Austur-Húnavatnssýsla, Vestur-Húnavatnssýsla 22.04.2025 kl. 13.45Verslunarmannafélag Skagafjarðar hefur ákveðið að bjóða félagsfólki sínu á leiksýningu Leikfélags Sauðárkróks í Sæluvikunni. Sýndur verður farsinn FLÆKTUR Í NETINU sem er ærslafullur gamanleikur eftir Ray Cooney í leikstjórn Valgeirs Skagfjörð. Frumsýning verður sunnudaginn 27. apríl kl. 20:00 og er listi yfir félagsfólk Verslunarmannafélagsins í miðasölunni. Þeir sem ætla að nýta sér boðsmiðann þurfa að kaupa miða inni á tix.is en þegar þeir mæta á sýninguna þurfa þeir að tilkynna sig í miðasölunni og láta haka við sig. Stjórn Verslunarmannafélagsins verður svo í sambandi við þá aðila sem nýttu sér miðann til að endurgreiða miðakaupin.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.