Tindastóll mætir Stjörnunni í kvöld
Tindastóll og Stjarnan úr Garðabæ mætast á Króknum í kvöld en leikurinn er 17. umferð Iceland Express deildar karla. Stólarnir unnu Stjörnuna í fyrri leik liðana í Garðabæ og er það eini útisigur Tindastóls enn sem komið er í vetur.
Stjarnan hefur verið í kringum toppinn í deildinni í allan vetur og eru eins og er í þriðja sæti deildarinnar. Þeir styrktu leikmannahópinn á dögunum með tilkomu serbnesks miðherja að nafni Djorde Pantelic og þá snéri Ólafur J Sigurðsson frá Danaveldi og leikur með þeim til loka tímabilsins. Í liði Stjörnunar eru tveir af fimm stigahæstu leikmönnum deildarinar þeir Justin Shouse og Jovan Zdravevski og hefur leikur þeirra snúist í kringum þá í vetur. Það verður fróðlegt að sjá einvígi Justin Shouse og Cedric Isom í kvöld en þar fara tveir af bestu leikstjórnendum deildarinnar.
Hópurinn hjá Tindastóli: Cedric, Axel, Svavar, Donatas, Rikki, Helgi Rafn, Sveinbjörn, Hreinn, Halldór, Pálmi Geir, Sigurður og Sigmar Logi. Helgi Freyr er meiddur, en aðrir eiga að vera í fínu formi.
Leikurinn hefst að vanda kl. 19:15.
Fleiri fréttir
-
Sveinbjörg Rut Pétursdóttir tekur við sem tímabundinn framkvæmdastjóri
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 18.03.2025 kl. 14.28Sagt var fá því í frétt fyrr í dag að Katrín M. Guðjónsdóttir hefur sagt starfi sínu lausu sem framkvæmdastjóri Samtaka sveitarfélaga á Norðurlandi vestra (SSNV) og mun láta af störfum 1. apríl nk. Stjórn SSNV hefur ákveðið að ráða Sveinbjörgu Rut Pétursdóttur, verkefnastjóra SSNV tímabundið, sem framkvæmdastjóra til 1. september 2026.Meira -
Nýjung á heimasíðu safnsins
feykir.is Skagafjörður, Lokað efni 18.03.2025 kl. 14.20Fyrir þau sem hafa í hyggju að bjóða Byggðasafni Skagfirðinga grip geta nú nálgast eyðublað á heimasíðu safnsins þar sem hægt er að senda inn upplýsingar um gripinn.Meira -
Viðgerð á götulögn
feykir.is Skagafjörður 18.03.2025 kl. 11.00Vegna viðgerða á götulögn hitaveitu við Sauðármýri verður lokað fyrir rennsli kl. 13:00 í dag, þriðjudaginn 18. mars.Meira -
Breyting á talmeinaþjónustu í Húnaþingi vestra
feykir.is Vestur-Húnavatnssýsla 18.03.2025 kl. 10.55Þann 1. apríl 2025 verður breyting á talmeinaþjónustu í Húnaþingi vestra, þetta kemur fram á vef þeirra hunathing.is. Hingað til hefur Tappa séð um fjarþjónustu í gegnum tölvu en eftir 1. apríl mun Brynhildur Þöll Steinarsdóttir talmeinafræðingur sjá um þjónustu, greiningar og gerð þjálfunaráætlana fyrir nemendur, starfsfólk og foreldra.Meira -
Langþráður nýr björgunarbátur í Skagafjörðinn
feykir.is Skagafjörður, Aðsendar greinar 18.03.2025 kl. 09.29Sl. laugardag afhenti FISK Seafood Björgunarsveitinni Skagfirðingasveit nýjan björgunarbát að gjöf. Andvirði bátsins, sem hlotið hefur nafnið Aldan, er um 20 milljónir króna og boðar koma hans á Sauðárkrók byltingu í búnaði til sjóbjörgunar og sömuleiðis björgunarstörf á hinum mikilfenglegu en um leið viðsjárverðu vötnum héraðsins. Með tilkomu Öldunnar eru tveir öflugir harðbotna björgunarbátar beggja vegna í Skagafirðinum. Aldan er í vestri en að austanverðu er Skafti í eigu björgunarsveitarinnar Grettis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.