Tindastóll fær 20 þúsund í sekt
Aga- og úrskurðarnefnd KKÍ hefur dæmt körfuknattleiksdeild Tindastóls til að greiða 20 þúsund krónur í sekt vegna atviks sem varð eftir leik Tindastóls og Stjörnunnar 16. febrúar sl. Áhorfendur köstuðu flöskum og fleiru lauslegu í átt að dómurum.
Í umræddum leik var mikill hasar og spenningur milli liða og réðust úrslit ekki fyrr en á lokamínútunni þegar Stjarnan náði að stela boltanum og sigrinum. Þóttu dómarar leiksins ekki starfi sínu vaxnir hjá áhorfendum þar sem þeir töldu að Stjörnumenn hefðu gerst brotlegir í atganginum og fengu óspart að heyra það. Þegar leik var lokið og dómarar að yfirgefa salinn tóku einhverjir sig til og hentu flöskum og fleiru lauslegu í átt að þeim sem kærðu athæfið fyrir vikið til aganefndar KKÍ.
-Það þarf engum blöðum um það að fletta að verknaður sem þessi getur haft alvarlegar afleiðingar í för með sér fyrir félagið, segir á heimasíðu Tindastóls en segja má að það sleppi með skrekkinn í þetta skiptið því í versta tilfelli gæti það þurft að sæta heimaleikjabanni með tilheyrandi tekjutapi auk sektar.
Körfuknattleiksdeildin vill koma þeirri frómu ósk á framfæri við áhorfendur að gæta þess að svona nokkuð endurtaki sig ekki.
Fleiri fréttir
-
Sveinbjörg Rut Pétursdóttir tekur við sem tímabundinn framkvæmdastjóri
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 18.03.2025 kl. 14.28Sagt var fá því í frétt fyrr í dag að Katrín M. Guðjónsdóttir hefur sagt starfi sínu lausu sem framkvæmdastjóri Samtaka sveitarfélaga á Norðurlandi vestra (SSNV) og mun láta af störfum 1. apríl nk. Stjórn SSNV hefur ákveðið að ráða Sveinbjörgu Rut Pétursdóttur, verkefnastjóra SSNV tímabundið, sem framkvæmdastjóra til 1. september 2026.Meira -
Nýjung á heimasíðu safnsins
feykir.is Skagafjörður, Lokað efni 18.03.2025 kl. 14.20Fyrir þau sem hafa í hyggju að bjóða Byggðasafni Skagfirðinga grip geta nú nálgast eyðublað á heimasíðu safnsins þar sem hægt er að senda inn upplýsingar um gripinn.Meira -
Viðgerð á götulögn
feykir.is Skagafjörður 18.03.2025 kl. 11.00Vegna viðgerða á götulögn hitaveitu við Sauðármýri verður lokað fyrir rennsli kl. 13:00 í dag, þriðjudaginn 18. mars.Meira -
Breyting á talmeinaþjónustu í Húnaþingi vestra
feykir.is Vestur-Húnavatnssýsla 18.03.2025 kl. 10.55Þann 1. apríl 2025 verður breyting á talmeinaþjónustu í Húnaþingi vestra, þetta kemur fram á vef þeirra hunathing.is. Hingað til hefur Tappa séð um fjarþjónustu í gegnum tölvu en eftir 1. apríl mun Brynhildur Þöll Steinarsdóttir talmeinafræðingur sjá um þjónustu, greiningar og gerð þjálfunaráætlana fyrir nemendur, starfsfólk og foreldra.Meira -
Langþráður nýr björgunarbátur í Skagafjörðinn
feykir.is Skagafjörður, Aðsendar greinar 18.03.2025 kl. 09.29Sl. laugardag afhenti FISK Seafood Björgunarsveitinni Skagfirðingasveit nýjan björgunarbát að gjöf. Andvirði bátsins, sem hlotið hefur nafnið Aldan, er um 20 milljónir króna og boðar koma hans á Sauðárkrók byltingu í búnaði til sjóbjörgunar og sömuleiðis björgunarstörf á hinum mikilfenglegu en um leið viðsjárverðu vötnum héraðsins. Með tilkomu Öldunnar eru tveir öflugir harðbotna björgunarbátar beggja vegna í Skagafirðinum. Aldan er í vestri en að austanverðu er Skafti í eigu björgunarsveitarinnar Grettis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.