Þuríður í Delhí dagur 58
Þessir síðustu dagar eru sko leeeeeengi að líða. Ég ákvað að vera ekkert að flýta mér á fætur og reyna bara að sofa af mér sunnudagsmorguninn. Eftir að hafa ítrekað vaknað við að bankað var á hurðina og svo að endingu var hringt upp á herbergi til að athuga hvort ég ætlaði að fá kvöldmat, gafst ég upp á að sofa, það var nú ekki seinna vænna en að hafa það á hreinu kl. hálftólf hvort ég ætlaði að fá kvöldmat. Ég urraði geðvonskulega nó í símann, nó dinner and nó luns tomorrow, svo slamm þegar ég skellti á. Mamma skildi ekkert í þessum pirringi, ég tautaði eitthvað um að ég væri sko alveg búin að fá nóg hérna, mikið yrði gott að komast bara heim.
Seinni partinn ætlaði ég að fara út en komst þá ekki lengra en að lyftunni, hún var náttúrlega biluð og engin leið að vita hvenær viðgerð yrði yfirstaðin.
Í dag birtist á baksíðu moggans frétt um mig og meðferðina sem ég er að undirgangast, mér skildist á systur minni að hægt væri að misskilja fréttina þannig að ég hefði alfarið fjármagnað ferðina sjálf, ég ætla hér með að leiðrétta það. Ég og fjölskylda mín höfum notið ótrúlegs velvilja fólks, bæði ættingja, vina, og ókunnugra, það er mjög einfalt að ef fólk hefði ekki brugðist við eins og það hefur gert og styrkt mig til fararinnar þá hefði ég ekki getað farið. Öllu þessu fólki þakka ég hjartanlega fyrir hjálpina og vona að ég verði svo gæfusöm að njóta velvilja fólks áfram því ég er rétt að byrja í meðferðinni og aðeins er að verða búin ein ferð af kannski níu og þarf nú að fara að huga að að geta farið í næstu ferð.
Líklega hefur blaðamaðurinn hjá Mbl. meint að við fengjum enga aðstoð frá opinbera kerfinu eða Tryggingastofnun alla vega kýs ég að leggja þann skilning í fréttina, enda er það rétt.
Í fyrramálið fer ég í síðustu stóru sprautuna, hún verður reyndar framkvæmd hér þannig að ég þarf ekki að fara á hinn spítalann og slepp því alveg við að ferðast í svörtu rúgbrauði. Eftir að hafa belgt mig út af pizzu og kóki var ekkert annað að gera en að glápa á sjónvarpið þar til svefninn tæki yfir. Mamma pakkað nánast öllu sem ég er með í töskuna í dag – útilegunni er að ljúka og ekki á morgun heldur hinn höldum við af stað heim aldeilis reynslunni ríkari, og ég með aðeins virkari líkama en áður.
Fleiri fréttir
-
Dagur Þór heiðraður með Silfurmerkinu
feykir.is Skagafjörður, Íþróttir, Lokað efni 17.03.2025 kl. 12.24Þann 15. mars sl. fór fram Körfuknattleiksþing KKÍ á Grand Hótel í Reykjavík en þingið er haldið annað hvert ár. Á þessu þingi sitja fulltrúar frá aðildarfélögum og sambandsaðilum KKÍ og er stjórn KKÍ kosin á þessu þingi. Þá eru einnig veitt heiðursviðurkenningar og var Dagur Þór Baldvinsson, formaður Körfuknattleiksdeildar Tindastóls, heiðraður með Silfurmerkinu að þessu sinni. Þeir sem hljóta Silfurmerkið þurfa að hafa unnið vel og dyggilega að eflingu körfuknattleiksíþróttarinnar í áratug eða lengur. Feykir óskar Degi til hamingju með viðurkenninguna.Meira -
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.