Þuríður í Delhí - Dagur 15
Tókum því ofurrólega í morgun alveg þangað til hjúkkurnar fóru að ólmast á hurðinni þær þurftu að gefa mér sprautuna, svo lobbýkallinn sem þurfti að fá að vita hvað ég ætlaði að borða í hádeginu og í kvöld. Ég klæddi mig þegar Sigurbjörn var búin að koma líka að gá að okkur enda klukkan orðin 11. Hann sagði okkur að gatan væri algjörlega steindauð, ekki einu sinni umferð og við sem vorum búnar að búa okkur undir að vakna við trumbuslag og læti. Þegar við komum niður voru aðrir vistmenn hér að tínast út. Úti var borð með 4 diskum á fullum af litadufti sem var ætlað okkur ef við vildum klína þessu framan í hvort annað eða vegfarendur. Jeff og Daniel komu vopnaðir niður, þeir voru búinir að fylla 100 vatnsblöðrur sem þeir ætluðu að dúndra á þá sem færu hjá. Eftir smá stund stoppuðu tveir litskrúðugir piltar á hjóli, komu til okkar og klíndu á liðið lit og óskuðu um leið Happy Holy, þetta sem sagt byrjaði allt frekar sakleysislega en þegar Jeff, Daniel og fleiri fóru að skjóta blöðrunum inn í Túk Túk bílana og í andlitið á mótorhjólagaurunum sem geystust hjá fór leikurinn að harðna. Umsvifalaust snéru þeir við komu að hópnum og hreinlega ötuðu menn lit, hópurinn var fljótlega orðinn hinn skrautlegasti á að líta. Við Lúkas sluppum að mestu leyfðum þeim þó að setja litaklessu á hendurnar á okkur, pjattið að drepa okkur. Það voru sem sagt engar skrúðgöngur farnar um götuna hjá okkur og líklega er ekkert svoieiðis, fólk hinsvegar safnast saman á torgum og markaðsgötum þar sem það reyndi að koma lit og vatni og stundum lituðu vatni á alla sem fyrir urðu. Þeir sem hættu sér út á Green Park markaðinn komu skrautlegir til baka, þar var sko fjörið og fjöldinn. Ég sem sagt sat ekki upp á svölum heldur sat ég mestan tíman fyrir utan Nu Tech, þetta var skemmtilegt og hápunkturinn þegar apatemjarinn kom við hjá okkur með 2 apa í bandi sem hann lét leika ótrúlegustu kúnstir. Þetta er orðið gott af fríi, mér finnst ég vera búin að gera ekkert í alltof marga daga þannig að það verður ótrúlega gott að vakna í fyrramálið til að fara í æfingar. Ég er líka svoldið spennt að sjá hvort eitthvað hafi breyst. Ég hef reyndar sterkari spasma í neðri partinum núna sem stundum svipta mig jafnvæginu ef ég er eitthvað að brasa þannig að ég verð að reikna þá með í dæmið svo ekki fari illa þegar ég er t.d. að færa mig úr stólnum yfir á klósett eða í rúm.
Fleiri fréttir
-
Ríkisábyrgð á 1.490 milljarða króna? | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.03.2025 kl. 09.14Tryggð innlán í fjármálastofnunum á Íslandi námu 1.490 milljörðum króna um síðustu áramót samkvæmt upplýsingum frá Tryggingasjóði vegna fjármálafyrirtækja (TVF) sem nemur um þriðjungi vergrar landsframleiðslu á síðasta ári. Tryggð innlán jukust um 131 milljarð króna frá því að staðan var tekin í upphafi síðasta árs. Í byrjun árs 2021 voru tryggð innlán á Íslandi um 1.000 milljarðar króna og hafa þau þannig aukizt um tæplega 50% á einungis síðustu fjórum árum.Meira -
Sveinbjörg Rut Pétursdóttir tekur við sem tímabundinn framkvæmdastjóri
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 18.03.2025 kl. 14.28Sagt var fá því í frétt fyrr í dag að Katrín M. Guðjónsdóttir hefur sagt starfi sínu lausu sem framkvæmdastjóri Samtaka sveitarfélaga á Norðurlandi vestra (SSNV) og mun láta af störfum 1. apríl nk. Stjórn SSNV hefur ákveðið að ráða Sveinbjörgu Rut Pétursdóttur, verkefnastjóra SSNV tímabundið, sem framkvæmdastjóra til 1. september 2026.Meira -
Nýjung á heimasíðu safnsins
feykir.is Skagafjörður, Lokað efni 18.03.2025 kl. 14.20Fyrir þau sem hafa í hyggju að bjóða Byggðasafni Skagfirðinga grip geta nú nálgast eyðublað á heimasíðu safnsins þar sem hægt er að senda inn upplýsingar um gripinn.Meira -
Viðgerð á götulögn
feykir.is Skagafjörður 18.03.2025 kl. 11.00Vegna viðgerða á götulögn hitaveitu við Sauðármýri verður lokað fyrir rennsli kl. 13:00 í dag, þriðjudaginn 18. mars.Meira -
Breyting á talmeinaþjónustu í Húnaþingi vestra
feykir.is Vestur-Húnavatnssýsla 18.03.2025 kl. 10.55Þann 1. apríl 2025 verður breyting á talmeinaþjónustu í Húnaþingi vestra, þetta kemur fram á vef þeirra hunathing.is. Hingað til hefur Tappa séð um fjarþjónustu í gegnum tölvu en eftir 1. apríl mun Brynhildur Þöll Steinarsdóttir talmeinafræðingur sjá um þjónustu, greiningar og gerð þjálfunaráætlana fyrir nemendur, starfsfólk og foreldra.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.