Þessir gömlu góðu gengu í endurnýjun lífdaga í Bifröst
Það voru þakklátir og sælir Skagfirðingar sem stigu nýungir - og kannski varanlega síungir - útí skagfirskt vorkvöld í gær eftir að hafa upplifað ferðalag 50 ár aftur í tímann í félagi við hljómsveit Félags harmonikkuunnenda í Skagafirði, söngvarana Dagbjörtu og Stefán Jökul, að ógleymdum sögumanni, Birni Björnssyni.
Um var að ræða skemmtun í tali og tónum, Manstu gamla daga, þar sem sögusviðið var Skagafjörður í kringum 1960 og sá Björn Björnsson um að skutla sýningargestum lipurlega undir Nafir þess tíma með upprifjunum úr dagblöðum og sögum af glönnum, glæpum og skotheldum Skagfirðingum. Síðan skiptust Björn og tónlistarfólkið á við flutninginn.
Dagbjört Jóhannesdóttir (Hanna Jobba) og Stefán Jökull Jónssonar í Miðhúsum sáu um sönginn og stóðu sig með miklum sóma. Gummi Ragnars sá um að plokka bassann og útsendari Gracelands, Kristján Þór Hansen, penslaði trommurnar. Organistinn Röggi Valbergs fitlaði við gítarstrengina og Alli Ísfjörð stóð vaktina við hljómborðið auk þess sem hann greip í saxófón og nikkuna líkt og Jón Gíslason í Miðhúsum sem nikkaði reyndar út í eitt allt kvöldið.
Meðal laga sem hljómuðu í gærkvöldi voru; Vertu ekki að horfa, Magga, Dream a Little Dream, Simbi sjómaður og Hvítir mávar, en hápunkturinn var flutningurinn á Vegir liggja til allra átta. Í blálokin fengu Alli og Jón að láta hendur standa fram úr ermum svo um munaði. Varð fjörið í Bifröst slíkt að Jón nánast hringsnérist um sviðið og Björn varð að benda Alla á að það mótaði fyrir brosi á vörum nikkaranna, en oft er talað um að harmonikkuleikarar séu ekki mikið fyrir að brosa - nema þá kannski með fingrunum.
Áheyrendur voru hinir hæstánægðustu og klöppuðu listamennina upp og var talið í finnskt nikkulag og meira fjör. Og svo var svifið í sæluvímu.
Áætlaðar eru tvær sýningar á Manstu gamla daga. Sú fyrri var í gærkvöldi en hin seinni er að kvöldi uppstigningardans og hefst kl. 20:30. Nú er bara að vona að Skagfirðingar láti þetta tímaflakk ekki fram hjá sér fara og sjái til þess að það verði að fjölga áætlunarferðum úr Bifröst og aftur í tímann!
Fleiri fréttir
-
Tveimur mótum af sex lokið í Meistaradeild KS
feykir.is Skagafjörður, Íþróttir, Lokað efni 29.03.2025 kl. 12.00Meistaradeild KS í hestaíþróttum hóf göngu sína á ný í Svaðastaðahöllinni á Króknum þann 26. febrúar sl. Sjö lið eru skráð til leiks með fimm úrvals knöpum í hverju liði og var byrjað á að keppa í fjórgangi. Einnig var/verður keppt í gæðingalist, fimmgangi F1 (11. apríl), Slaktaumatölti T2 (25. apríl), 150m og gæðingaskeið (26. apríl) og Tölt T1 og flugskeið (2. maí). Liðin í ár eru Hrímnir/Hestaklettur, Hofstorfan/66°Norður, Team Lífland, Íbishóll, Þúfur, Storm Rider og Uppsteypa.Meira -
Fasteignagjöld víða hærri í landsbyggðum en á höfuðborgarsvæði
feykir.is Skagafjörður, Austur-Húnavatnssýsla, Vestur-Húnavatnssýsla 29.03.2025 kl. 10.00Byggðastofnun hefur fengið Húsnæðis- og mannvirkjastofnun (HMS) til að reikna út fasteignamat á sömu viðmiðunarfasteigninni um land allt. Viðmiðunareignin er einbýlishús sem er 161,1 m² að grunnfleti og 476 m³ á 808 m² lóð. Fasteignagjöld eru reiknuð út af Byggðastofnun samkvæmt álagningarreglum ársins 2025 eins og þær eru í hverju sveitarfélagi, út frá fasteignamatinu sem HMS reiknar og gildir frá 31. desember 2024. Útreikningar voru gerðir fyrir 103 matssvæði í 48 sveitarfélögum.Meira -
Rarik endurnýjar mæla í Húnabyggð
feykir.is Austur-Húnavatnssýsla, Vestur-Húnavatnssýsla 29.03.2025 kl. 09.00Á heimasíðu Húnabyggðar segir að í næstu viku munu starfsmenn frá Rarik hefja endurnýjun snjallmæla fyrir hita og rafmagn á Blönduósi. Haft verður samband við viðskiptavini fljótlega og upplýsingar sendar um mælaskiptin bæði með SMS skilaboðum og nánari upplýsingum í tölvupósti. Þá munu Rarik starfsmenn vera í sambandi til að finna tíma sem hentar.Meira -
Skagafjörður óskar eftir tilnefningum fyrir Samfélagsverðlaun Skagafjarðar
feykir.is Skagafjörður, Mannlíf 28.03.2025 kl. 14.59Skagafjörður óskar eftir tilnefningum fyrir Samfélagsverðlaun Skagafjarðar, en samfélagsverðlaunin eru veitt árlega einstaklingi, fyrirtæki, stofnun eða félagasamtökum í Skagafirði sem þykja standa sig afburða vel í að efla skagfirskt samfélag, segir á vef sveitarfélagsins. Verðlaun verða veitt á setningu Sæluviku sem verður í Safnahúsinu á Sauðárkróki sunnudaginn 27. apríl nk. Í fyrra hlutu hjónin Árni Björn og Ragnheiður Ásta á Hard Wok verðlaunin en nú er spurning hver verður handhafi þessara verðlauna í ár.Meira -
Opið fyrir umsóknir um framlög til verkefna á sviðið almenningssamgangna
feykir.is Skagafjörður, Austur-Húnavatnssýsla, Vestur-Húnavatnssýsla 28.03.2025 kl. 14.42Innviðaráðherra hefur opnað fyrir umsóknir um framlög til verkefna á sviði almenningssamgangna, sem veitt eru á grundvelli stefnumótandi byggðaáætlunar fyrir árin 2022-2036, aðgerð A.10 - Almenningssamgöngur á milli byggða. Markmiðið er að styðja við áframhaldandi þróun almenningssamgangna milli byggða, m.a. til að tengja ýmsa sérakstursþjónustu við almenningssamgöngur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.