„Þegar áföll dynja yfir stöndum við saman í þessu landi“
Rúv.is hefur eftir Magnúsi Magnússyni, sóknarpresti í Húnavatnsprestakalli sem stýrði upplýsingafundi lögreglunnar fyrir íbúa á Blönduósi í gærkvöldi, að fjölmennt hafi verið í félagsheimilinu á Blönduósi, nánast fullsetið og mikil eining og samhugur. Fánar voru víða dregnir í hálfa stöng í bænum í gær og augljóslega mikil sorg í samfélaginu.
Í fréttinni segir að flestir sem sóttu upplýsingafundinn sóttu kyrrðarstund í kirkjunni á Blönduósi í framhaldi. „Þar leiddi ég stutta bænastund í upphafi og svo hafði fólk tækifæri til að kveikja á kertum. Fólk var einfaldlega að sýna hvort öðru styrk og stuðning sem nauðsynlegt er á tímum sem þessum,“ segir Magnús í samtali við Rúv.
Fjölmargar samúðarkveðjur hafa borist samfélaginu í Húnabyggð, meðal annars frá forseta Íslands, Guðna Th. Jóhannessyni, en þar segir: „Á þessari sorgarstundu hugsum við Íslendingar til ykkar á Blönduósi og í Húnabyggð allri. Íbúar sveitarfélagsins eiga skilið stuðning og samúð. Þegar áföll dynja yfir stöndum við saman í þessu landi. - Ég færi ykkur í forystusveit Húnabyggðar hlýjar kveðjur. Ég við þig líka að koma á framfæri þökkum mínum til allra þeirra sem sinnt hafa löggæslu, hjúkrun og áfallahjálp eftir hinn voðalega atburð.“ Bréfið er stílað á Guðmund Hauk Jakobsson, forseta sveitarstjórnar Húnabyggðar.
Þeir eru margir sem sækja styrk í trúna eða hafa þörf fyrir að koma saman í kirkjunni á stundum sem þessum. Blönduóskirkja er opin og þangað er öllum frjálst að koma, tendra kerti eða eiga kyrrðarstund. Nánari upplýsingar varðand sálgæsluviðtöl má finna á FB-síðu Blönduóskirkju. Nú milli 16 og 18 eru meðlimir úr áfallateymi Rauða krossins með viðveru í kirkjunni og verða daglega út vikuna.
Fólki í nágrannasveitarfélögum er brugðið og má nefna að fólk getur sótt kyrrðarstund í Hólaneskirkju á Skagaströnd kl. 20 í kvöld og bænastund verður í Hvammstangakirkju á sama tíma..
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.