Þátttakendur The Wild North funda á Húsavík
The Wild North verkefnið (Hið villta norður) er alþjóðlegt samstarfsverkefni um sjálfbæra þróun náttúrulífsferðamennsku. Verkefnið varð til hjá Selasetri Íslands og fer Hrafnhildur Ýr Víglundsdóttir framkvæmdastjóri þess með verkefnisstjórn. Leiðandi þátttakandi er Fræðasetur Háskóla Íslands á Húsavík.
Dagana 9. og 10. desember síðast liðinn komu samstarfsaðilar verkefnisins saman á Húsavík til að ræða framkvæmd þess og fjármögnun. Markmið fundarins var að vinna í aðgerðaráætlun næstu þriggja ára og hefja vinnu að umsóknum fyrir alþjóðlega sjóði líkt og Norðurslóðaáætlun Evrópusambandsins og NORA (Norræna Atlantsnefndin).
Wild North blandar saman rannsóknum, vöruþróun og fræðslu í því markmiði að vernda villta dýrastofna fyrir neikvæðum áhrifum aukinnar ferðamennsku. Þetta er og verður gert með því að rannsaka áhrif ferðamanna á dýr á völdum áfangastöðum og nýta niðurstöður rannsóknanna til skipulagningar aðkomu ferðamanna á viðkomandi stöðum. Einnig mun verkefnið standa fyrir námskeiðahaldi og vöruþróunarverkefnum. Ekki er vitað til þess að Wild North eigi sér fordæmi á verkefnissvæðinu.
Wild North hlaut árið 2007 undirbúningsstyrk frá NORA (Norrænu Atlantsnefndinni) auk þess sem Grænlandssjóður og NATA (North Atlantic Tourist Association) styrktu ferðir til að leita að samstarfsaðilum í Færeyjum og á Grænlandi. Vaxtarsamningur Norðurlands vestra styrkir einnig þátttakendur á sínu samningssvæði myndarlega til þátttöku í verkefninu.
Samstarfsaðilar verkefnisins eru frá Íslandi, Noregi, Grænlandi og Færeyjum. Má þar m.a. nefna Ferðamála- og viðskiparáð Grænlands (GTBC), Ferðamálaráð Færeyja (Samvit) og Norsku náttúrufræðistofnunina (NINA).
Wild North stuðlar að nýrri hugsun, þar sem samvinna og sjálfbærni eru lykilatriði. Verkefnið skapar einnig tækifæri fyrir Íslendinga að vera leiðandi á sviði sjálfbærrar náttúrulífsferðamennsku á Norðurslóðum. Heimasíða verkefnisins er www.thewildnorth.org.
Fleiri fréttir
-
Styrkir til að fjölga óstaðbundnum opinberum störfum á landsbyggðinni
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.04.2025 kl. 08.32Byggðastofnun auglýsir styrki til að fjölga óstaðbundnum opinberum störfum á landsbyggðinni. Í tilkynningunni segir að aðgerð B.7. á byggðaáætlun hefur það markmið að búsetufrelsi verði eflt með fjölgun atvinnutækifæra og auknum fjölbreytileika starfa á landsbyggðinni. Þannig geta ríkisstofnanir nú sótt um styrki til að fjölga óstaðbundnum opinberum störfum.Meira -
Elís og Hafdís voru fyrst til að ná mynd af lóunni í ár
feykir.is Austur-Húnavatnssýsla, Vestur-Húnavatnssýsla, Lokað efni 22.04.2025 kl. 14.07Sveitarfélagið Skagaströnd efndi til ljósmyndasamkeppni þar sem leikskólabörn og krakkar í 1.-4. bekk í grunnskólanum á Skagaströnd voru hvött til þess leita að fyrstu lóunni og ná af henni mynd. Það er ekki annað að sjá en að lóan sé mætt í allri sinni dýrð á Skagaströnd, segir á heimasíðu sveitarfélagsins.Meira -
Ert þú í Verslunarmannafélagi Skagafjarðar?
feykir.is Skagafjörður, Austur-Húnavatnssýsla, Vestur-Húnavatnssýsla 22.04.2025 kl. 13.45Verslunarmannafélag Skagafjarðar hefur ákveðið að bjóða félagsfólki sínu á leiksýningu Leikfélags Sauðárkróks í Sæluvikunni. Sýndur verður farsinn FLÆKTUR Í NETINU sem er ærslafullur gamanleikur eftir Ray Cooney í leikstjórn Valgeirs Skagfjörð. Frumsýning verður sunnudaginn 27. apríl kl. 20:00 og er listi yfir félagsfólk Verslunarmannafélagsins í miðasölunni. Þeir sem ætla að nýta sér boðsmiðann þurfa að kaupa miða inni á tix.is en þegar þeir mæta á sýninguna þurfa þeir að tilkynna sig í miðasölunni og láta haka við sig. Stjórn Verslunarmannafélagsins verður svo í sambandi við þá aðila sem nýttu sér miðann til að endurgreiða miðakaupin.Meira -
Diskósúpa í Hlöðunni á Stórhóli
feykir.is Skagafjörður 22.04.2025 kl. 13.35Næstkomandi laugardag 26. apríl verður Diskósúpa í Hlöðunni á Stórhól í Skagafirði frá klukkan 12-15.Meira -
Karlakórinn Lóuþrælar með sína árlegu vortónleika
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.04.2025 kl. 13.15Það er komið að vortónleikum Karlakórsins Lóuþræla en þeir verða haldnir þann 23. apríl kl. 20:00 í Félagsheimilinu á Hvammstanga. Tónleikarnir eru orðnir fastur liður á vorin en kórinn var stofnaður í febrúar 1985 og eru því 40 ára á þessu ári.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.