Taiwo Badmus til liðs við Tindastólsmenn
Í gær greindi Feykir frá því að Sigtryggur Arnar hefði skrifað undir árssamning við lið Tindastóls og í dag getum við sagt frá því að körfuknattleiksdeild Tindastóls hafi sömuleiðis samið við Taiwo Badmus um að leika með liðinu næsta tímabil. Samkvæmt tilkynningu frá Stólunum er Taiwo 28 ára gamall, 200 sm á hæð og mikill íþróttamaður.
Hann er með breskt-írskt vegabréf og kemur því til liðsins sem Bosmaður. Taiwo lék síðast með Leyma Basquet Coruna sem er sama lið og Sigtryggur Arnar Björnsson lék með í lok síðasta tímabils í spænsku LEB Oro deildinni. Taiwo hefur einnig verið hluti af írska landsliðinu síðustu ár.
„Við hjá Tindastóli bindum miklar vonir við kappann og vonumst eftir honum á parketið í Síkinu þegar líður á ágúst,“ segir í tilkynningunni en hér að neðan er hlekkur á myndskeið sem sýnir Taiwo leika listir sínar.
Fleiri fréttir
-
Landsmót hestamanna hófst í gær
feykir.is Skagafjörður, Íþróttir, Hestar 02.07.2024 kl. 09.00Nú er hafið 25. Landsmót hestamanna en það fer fram á félagssvæði Fáks í Víðidal í Reykjavík. Mótið, sem hófst í gærog lýkur sunnudaginn 7. júlí, er haldið í sameiningu af tveim stærstu hestamannafélögum landsins, Hestamannafélaginu Fáki og Hestamannafélaginu Spretti. Setning Landsmótsins verður á fimmtudagskvöldið og í framhaldi af því fara leikar að æsast en reikna má með um 7.500 gestum á mótið.Meira -
Kvennamót GSS fór fram í blíðskaparveðri á laugardaginn
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 02.07.2024 kl. 08.33Kvennamót GSS fór fram í bongóblíðu á Hlíðarendavelli laugardaginn 30. júní og var þetta í 21. skiptið sem mótið var haldið. Völlurinn skartaði sínu fegursta, blómum skreyttur og snyrtilegur í alla staði. 51 kona, frá níu klúbbum, mættu til leiks og heppnaðist mótið vel. Sigurvegari í ár var Dagný Finnsdóttir frá Golfklúbbi Fjallabyggðar (42 punktar), í öðru sæti var Aldís Hilmarsdóttir frá GSS (41 punktur) og í þriðja sæti var Hulda Guðveig Magnúsdóttir frá Golfklúbbi Siglufjarðar (41 punktur).Meira -
Nýtt starf menningar- og tómstundafulltrúa Skagastrandar
feykir.is Austur-Húnavatnssýsla 01.07.2024 kl. 16.16Húnahornið segir frá því að sveitarfélagið Skagaströnd hafi í hyggju að búa til nýtt starf menningar- og tómstundafulltrúa samhliða skipulagsbreytingum vegna starfsemi tómstundastarfs aldraðra og félagsmiðstöðvarinnar Undirheima.Meira -
Aðför að smábátaútgerð á Sauðárkróki | Magnús Jónsson skrifar
feykir.is Skagafjörður, Aðsendar greinar 01.07.2024 kl. 14.55„Það veldur undrun félagsmanna Drangeyjar að eitt stærsta útgerðarfélag landsins með um 21.000 þorskígildistonna aflaheimildir skuli ásælast 140 tonna byggðakvóta sem á liðnum árum hefur að mestu leyti farið til útgerða smábáta á Sauðárkróki,” segir m.a. í pistli sem Magnús Jónsson, formaður Drangeyjar – smábátafélags Skagafjarðar skrifar.Meira -
Fyllt grísalund og Oreo ostakaka
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst 30.06.2024 kl. 12.46Matgæðingar vikunnar eru Gestur Sigurjónsson, kennari í Árskóla, og Erna Nielsen, bókari hjá RH endurskoðun. Gestur og Erna búa á Skagfirðingabraut ásamt fjórum af sex börnum þeirra. Kristu Sól (21), Sigurjóni Elís (10), Brynju (7) og Freyju (7) og hundinum Kappa (2).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.