Tæplega sólarhrings steyputörn lokið á nýju brúnni yfir Laxá í Refasveit

feykir.is Skagafjörður, Austur-Húnavatnssýsla 22.11.2022 kl. 11.14
Ellefu steypubílar óku rúmlega 800 rúmmetrum af steypu í dekkið á nýju brúnni yfir Laxá í Refasveit í allan gærdag og fram á morgun eða í 22 tíma alls. Fjöldi manns komu að verkinu og sjá má á myndinni að margir lögðu hönd a plóg á brúnni og eru þá margir ótaldir sem annars staðar unnu sín verk. Myndir PF.
Ellefu steypubílar óku rúmlega 800 rúmmetrum af steypu í dekkið á nýju brúnni yfir Laxá í Refasveit í allan gærdag og fram á morgun eða í 22 tíma alls. Fjöldi manns komu að verkinu og sjá má á myndinni að margir lögðu hönd a plóg á brúnni og eru þá margir ótaldir sem annars staðar unnu sín verk. Myndir PF.

Lokið var við að steypa dekkið á nýrri brú yfir Laxá í Refasveit klukkan fimm í morgun eftir nær sólarhrings törn. Að sögn Aðalgeirs Arnars Halldórssonar, verkstjóra hjá Steypustöð Skagafjarðar, gekk verkið greiðlega og allir ánægðir með vel heppnaða vinnutörn.

„Það gekk svona glimrandi vel. Við byrjuðum klukkan sex í gærmorgun en fyrsta steypa fór niður um átta leytið, vorum um 22 tíma að þessu,“ sagði Arnar ánægður með árangurinn er Feykir hafði samband við hann í morgun. Sagði hann að átta manns hefði að jafnaði verið að leggja niður steypuna, taka á móti og víbra og tólf múrarar. Ellefu bílar óku sleitulaust með steypu frá Sauðárkróki og tveir dælubílar sáu um að koma steypunni á sinn stað. Sagði Aðalgeir veðrið hafa verði afar hagstætt og ekkert komið upp á til að tefja verkið.

„Við erum ekki með endanlegar tölur,“ sagði Helga Dóra Lúðvíksdóttir, skrifstjóri á Steypustöðinni, er Feykir leitaði eftir hve mikil steypa hefði verið flutt yfir Þverárfjallsveginn þennan sólarhring. Sagði hún þær upplýsingar liggja fyrir þegar fólk væri búið að hvíla sig eftir langan en ánægjulegan vinnudag.

„Það má ætla að eitthvað yfir 800 rúmmetrar hafi farið í þetta. Þetta gekk mjög vel og nýja stöðin sannaði gildi sitt en þær voru báða í gangi,“ segir hún en ný blöndunarstöð hefur verið tekin í notkun hjá fyrirtækinu og veitti ekki af að keyra þær báðar við þetta mikla verk. Segir hún að sú nýja sé tvöfalt afkastameiri en sú gamla, nær að blanda í tvo bíla meðan sú gamla afgreiðir einn. Helga Dóra telur líklegt að þeir ellefu steypubílar, sem notaðir voru í þessu verki, hafi farið um 110 ferðir alls. Auk bíla Steypustöðvarinnar voru fengnir tveir steypubílar frá Dalvík og þrír frá Akureyri auk dælubíls.

Fyrirfram var reiknað með að verkið tæki um 30 klukkustundir og segir Helga Dóra þetta stærsta steypuverk sem fyrirtækið hafi unnið í einni lotu og hafi verið vel skipulagt. Ekki hafi þurft að virkja neinar auka aðgerðaráætlanir og allir heilir.

Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Jólatónleikar Tónlistarskóla Austur-Húnvetninga

    feykir.is Austur-Húnavatnssýsla, Listir og menning, Lokað efni 26.11.2024 kl. 16.07 oli@feykir.is
    Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.
    Meira

  • Sungið af hjartans lyst

    feykir.is Skagafjörður, Listir og menning, Lokað efni 26.11.2024 kl. 12.06 oli@feykir.is
    Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.
    Meira
  • Nemendur og kennarar í góðu yfirlæti í tékkneskum garði. MYND: FNV.IS

    Nemendur FNV á faraldsfæti

    feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55 oli@feykir.is
    Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.
    Meira
  • Hannes S. jónsson, skipar 2. sæti á lusta Samfylkingar. AÐSEND MYND

    Vilt þú breytingu á stjórn landsins? | Hannes S. Jónsson skrifar

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13 oli@feykir.is
    Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.
    Meira
  • Gengið í krinum jólatréð í gamla bænum á Blönduós árið 2022i. MYND AF FB-SÍÐU HÚNABYGGÐAR

    Ljós víða tendruð um helgina

    feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35 oli@feykir.is
    Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.
    Meira
Yfirlit frétta