Tækjamóti björgunarsveita frestað
Ákveðið hefur verið að fresta fyrirhuguðu tækjamóti björgunarsveita sem vera átti 27.mars n.k. á svæði 9 þar sem Bjsv. Húnar, Bjsv. Strönd og Bf.Blanda ráða ríkjum. Ástæðan er of góð tíð undanfarið.
Mótinu er frestað um óákveðinn tíma en undirbúningsnefndin er ákveðin í að bíða þolinmóð eftir betri aðstæðum svo hægt sé að halda gott tækjamót þar sem björgunarsveitum af öllu landinu er boðin þátttaka.
Mikið var um að vera í Húnabúð húsnæði Bjsv. Húna þriðjudaginn 9. mars en þá kom sr. Magnús með fríðan flokk úr TTT starfi kirkjunar í óvissuferð sem endaði í Húnabúð þar sem krakkarnir fengu að skoða og prófa ýmsan búnað sem sveitin hefur yfir að ráða. Hátt í þrjátíu börn voru í hópnum sem kom í heimsókn og eflaust var þarna að finna einhverja af tilvonandi björgunarmönnum framtíðarinnar. Eftir heimsóknina var krökkunum ekið á björgunarsveitarbíl til baka upp í kirkju.
Þar næst fór unglingadeildin í létta upprifjun inn við Höfða, þar sem þau æfðu m.a. sig með börur o.fl.
Um kvöldið var tekið til hendinni og m.a. haldið áfram með framkvæmdir við félagsaðstöðuna o.fl. Á sama tíma fóru tveir félagar til Siglufjarðar að skila MAN vörubíl sem félagið hefur haft um tíma og til að spara í kreppunni fluttu þeir með sér Húna 1 á pallinum norður á Siglufjörð til að hafa farartæki til að komast til baka á.
/Húnar.is
Fleiri fréttir
-
Skagfirski kammerkórinn fagnar 25 ára afmæli
feykir.is Skagafjörður, Lokað efni 19.03.2025 kl. 13.00Skagfirski kammerkórinn fagnar 25 ára afmæli sínu á þessu ári. Kórinn var stofnaður 6. janúar árið 2000 af fámennum hópi Skagfirðinga í stofunni á Syðstu-Grund. Þeirra á meðal var Sveinn Arnar Sæmundsson organisti og kórstjóri sem stjórnaði kórnum til ársins 2002.Meira -
Bláa boðinu frestað !
feykir.is Skagafjörður, Austur-Húnavatnssýsla, Vestur-Húnavatnssýsla 19.03.2025 kl. 12.10Vegna óviðráðanlegra orsaka verðum við að fresta bláa boðinu sem átti að vera miðvikudaginn 27. mars að Löngumýri.Meira -
Sóttu tuttugu og fimm kindur í Staðarafrétt
feykir.is Skagafjörður, Lokað efni 19.03.2025 kl. 12.00Farið var til eftirleita í Staðarafrétt sl. laugardag og náðust tuttugu og fimm kindur, sem voru víða af upprekstrarsvæðinu. Flestar voru kindurnar úr Hegranesi, eða níu talsins, sjö voru af Reykjaströnd, fimm úr Gönguskörðum, tvær af Langholti, eitt lamb frá Sauðárkrók og eitt úr Húnavatnssýslu.Meira -
Ferðin á Heimsenda frumsýnd á Blönduósi
feykir.is Austur-Húnavatnssýsla, Lokað efni 19.03.2025 kl. 11.50Leikfélagið á Blönduósi frumsýnir 3.apríl nk. barnaleikritið Ferðin á Heimsenda eftir Olgu Guðrúnu Árnadóttur rithöfund. Ferðin á heimsenda er barnaleikrit sem fjallar um ferðalagið á Heimsenda með verndargripinn geislaglóð sem þarf að fylla af sólarorku svo ekki fari illa fyrir álfaheiminum. Leikritið er fullt af ævintýralegum persónum, álfum, galdrakall, ömmu og hetjum. Verkið er sérstaklega skapað fyrir börn og til að börn geti notið þess að vera í leikhúsi og hentar allri fjölskyldunni. Feykir tók tal af Evu Guðbjartsdóttur formanni leikfélagsins á Blönduósi og spurði hana nokkrar spurningar um gang mála.Meira -
Rokkkórinn heimsækir þrjú sveitarfélög
feykir.is Skagafjörður, Vestur-Húnavatnssýsla, Lokað efni 19.03.2025 kl. 11.21Nú næstu daga stendur mikið til hjá Rokkkórnum þegar hann verður með þrenna tónleika í þremur mismunandi sveitarfélögum. Fyrst verða tónleikar í Lindakirkju í Kópavogi þann 22. mars. nk., því næst verða tónleikar í Miðgarði í Skagafirði 27. mars og að lokum í Félagsheimilinu Hvammstanga 29. mars.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.