Súrkálsréttur og fleira góðgæti
Ingi Hjörtur Bjarnason og Elsche Oda Apel vour matgæðingar Feykis í 25. tölublaði sumarið 2018. Þau búa á Neðri-Svertingsstöðum í Húnaþingi vestra með kýr og naut ásamt kvígum og kálfum, kindum, hestum, hund og ketti. Einnig eiga þau börnin Hönnu Báru, Bjarna Ole, Ingunni Elsu og Ingu Lenu. Elsche vinnur einnig sem sjúkraþjálfari á Heilbrigðisstofnun Vesturlands á Hvammstanga.
„Súrkálsrétturinn með lambalærisafgöngum er sígildur daginn eftir lambalærið en í honum eru allir afgangar frá deginum áður nýttir. Apríkósusultan er sígild á brauð og til að sæta eftirrétti og líka möndlu- og gráfíkjukremið en það bragðast allra best með heimabökuðu brauði eða súrdeigsbrauði,“ sögðu matgæðingarnir Ingi og Elsche.
AÐALRÉTTUR
Súrkálsréttur með lambalærisafgöngum
Ríflega 1 kg af forsoðnum kartöflum
afgangar af lambalæri
500 g súrkál
afgangar af rótargrænmeti
1 lítil dós af niðursoðnum ananas
afgangar af lærisfeiti
svolítið salt, pipar og kúmen
Aðferð:
Smyrjið stórt eldfast mót með smjöri og sneiðið næst forsoðnar kartöflur yfir botninn. Setjið bita af lambalæri yfir kartöflurnar og skellið súrkálinu yfir það. Setjið forsoðið rótargrænmeti yfir súrkálið og setjið ananasbita efst (hellið safanum í réttinn), krydd og feiti (sem hellt hefur verið úr forminu sem lærið var steikt í). Setjið réttinn inn í ofninn og bakið í u.þ.b. klst. við 180°C. Njótið réttarins, ef til vill með svolitlu af sýrðum rjóma eða grískri jógúrt.
RÉTTUR 2
Apríkósusulta með döðlum
100 g apríkósur (dökkar)
50 g þurrkaðar döðlur
ögn af engiferdufti
ögn af sjávarsalti
Aðferð:
Leggið apríkósurnar og döðlurnar í bleyti yfir nótt í svolitlu af vatni eða eplasafa. Bætið afganginum af innihaldsefnunum við og maukið saman í matvinnsluvél. Ef massinn er of þykkur má blanda við svolitlu af eplasafa eða vatni. Geymist í kæli í lokaðri glerkrukku í 1-2 vikur.
RÉTTUR 3
Möndlu- og gráfíkjukrem
250 g þurrkaðar gráfíkjur
250 g dökkt möndlusmjör (frá Rapunzel)
engiferduft á hnífsoddi
ögn af sjávarsalti
örlítið af sítrónusafa
1 tsk kakóduft
Aðferð:
Leggið gráfíkjurnar í bleyti yfir nótt. Hellið um ⅓ af bleytivatninu yfir í annað ílát næsta dag og geymið. Blandið hinum innihaldsefnunum saman við og maukið saman í matvinnsluvél. Bætið afganginum af bleytivatninu út í ef kremið er of þykkt. Geymist í lokaðri krukku um 1-2 vikur í kæli.
RÉTTUR 4
Skinkuhorn (partý snakk)
250 g spelt eða heilhveiti
250 g skyr
250 g smjör
Fylling:
Skinka (hrá eða soðin) eða reyktur lax eða bara ostur.
Aðferð:
Blandið öllu saman og nuddið vel, má bæta spelti eða hveiti við ef deigið er of þunnt. Setjið deigið í ísskáp yfir nótt. Takið litlar kúlur af deiginu og fletjið út í hring. Skerið í 8-16 bita.
Skerið fyllinguna í bita, setið svolítið af henni á hverja sneið og rúllið upp frá breiða endanum. Sett á plötu með bökunarpappír á og bakað í 10-15 mínútur við 180°C.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.