Sunddeild Tindastóls og þjálfaraskortur | Hildur Þóra Magnúsdóttir skrifar
Á sundæfingum yngstu hópana er börnum hjálpað að læra grunnatriði sunds á öruggan og skemmtilegan hátt. Fyrir börn getur sundið veitt þeim, ekki aðeins sjálfsöryggi í vatni, heldur einnig aukið hreyfigetu og samhæfingu. Það að kynnast sundíþróttinni ung að aldri getur haft mikilvæg áhrif á líkamlega og andlega heilsu þeirra til framtíðar.
Mikilvægt að fá þjálfara til starfa sem allra fyrst
Sem foreldri hef ég notið starfa sunddeildarinnar og hafa öll mín þrjú börn stundað þar æfingar í einhver ár á árum áður. Mér þykir vænt um það starf sem stunddeildin sinnir og er einstaklega þakklát því fólki sem þar býður fram krafta sína í óeigngjarnt sjálfboðaliðastarf í stjórn. Síðan í haust hefur deildinni skort þjálfara og þrátt fyrir vinnu stjórnar við að leita að starfsmanni til að taka að sér starfið hefur leitin ekki borið árangur. Það er næsta víst að ef ekki finnst þjálfari í verkefnið sem fyrst, mun deildin missa varanlega úr starfinu iðkendur, sem annars hefðu haldið áfram og jafnvel blómstrað í sundinu. Það er því mjög mikilvægt að við finnum þjálfara til starfa og það sem allra fyrst.
Í ljósi þess hve mikilvægur þáttur sundþjálfarar eru í æfingum barnanna, þá er það mikil áskorun fyrir sunddeildina að standa frammi fyrir skorti á þjálfurum. Það er brýnt að finna hæfa einstaklinga til starfa, þar sem hlutverk þeirra er að tryggja öryggi, leiðsögn og stuðning fyrir yngstu iðkendurna. Starf sundþjálfara er krefjandi en einnig ótrúlega gefandi. Ég vil því hvetja alla til að hafa augun opin fyrir einstaklingum sem gætu hentað í þetta mikilvæga starf, og stuðla þannig að áframhaldandi velgengni deildarinnar og heilsu barnanna í samfélaginu.
Hildur Þóra Magnúsdóttir
Foreldri í Skagafirði
Fleiri fréttir
-
Aðsend Jólasaga - „Anna litla og tuskudúkka“ | Rúnar Kristjánsson
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.12.2024 kl. 13.00Anna litla sat úti í einu horninu á litlu lóðinni kringum húsið og lék sér með tuskudúkkuna sína. Það var sólskin og blíða og hún var þarna ein að dunda sér. Henni fannst svo mikils virði að fá að vera í friði með sín hugðarefni. Það var svo sjaldan hægt að fá frið, því systkinin voru mörg og oft svo hávaðasamt á heimilinu. Eldri bræður hennar þóttust orðnir heilmiklir karlar og litu á hana sem smábarn og stóra systir gat stundum verið svo mikil skessa við hana. Önnu litlu fannst hún oft vera ein í heiminum. Það var eins og enginn skildi hana eða vildi gefa sér tíma til að sinna henni.Meira -
Héldu glöð, ánægð og hrærð út í kvöldhúmið
feykir.is Skagafjörður, Lokað efni 25.12.2024 kl. 10.00Kirkjukór Glaumbæjarprestakalls lagði land undir fót í aðdraganda aðventu í byrjun nóvember og hélt til Þýskalands til að syngja á menningarnótt í Rheinsberg þar í landi. Ferðin var farin ári á eftir áætlun og Feykir hafði samband við Gunnar Rögnvaldsson á Löngumýri og bað hann að segja okkur ferðasöguna.Meira -
Fyrst New York Times og nú Feykir
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.12.2024 kl. 09.00Ragnheiður Sjöfn Jóhannsdóttir er fædd á Landsspítalanum að morgni 27. júlí 1955 og flaug sína fyrstu flugferð tíu daga gömul til Sauðárkróks, með kjörforeldrum sínum, en hún er kjördóttir þeirra Jóhanns Sólbergs Þorsteinssonar mjólkursamlagsstjóra og Áslaugar Sigfúsdóttur og hefur verið Sauðkrækja síðan. Ragnheiður segist þurfa að búa á landsbyggðinni og bjó lengi í Borgarnesi og svo Mosfellsbæ áður en hún flutti á Hvammstanga þar sem hún býr í dag með manni sínum Guðmundi Hauki Sigurðssyni.Meira -
Gleðileg jól
feykir.is Skagafjörður, Austur-Húnavatnssýsla, Vestur-Húnavatnssýsla 24.12.2024 kl. 18.00Steikin inn í ofninum og spennan stöðugt vex, allir bíða eftir því að klukkan slái sex, eins og segir í textanum, nú þarf ekki lengur að bíða þess og óskar Feykir lesendum og landsmönnum öllum gleðilegra jóla og farsældar á komandi ári með kærri þökk fyrir það liðna.Meira -
Morgunblaðið ekki dreift í fyrramálið á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 23.12.2024 kl. 21.44Það hefur ekki farið framhjá neinum að á Norðurlandi vestra hefur verið slæmt veður í dag og í kvöld. Samkvæmt veðurspánni þá á þetta að ganga niður í nótt en tekur sig svo upp aftur annað kvöld og á að standa yfir til kl. 17 á jóladag. Mbl sagði frá því fyrr í kvöld að Holtavörðuheiði væri lokuð sökum þess að tvær rútur væru þar í vandræðum og að hugsanlega væru einhverjir fólksbílar líka í vandræðum. Björgunarsveitir úr Húnavatnssýslunum og uppsveitum Borgarfjarðar voru kallaðar út til að aðstoða fólk og vill lögreglan á Norðurlandi vestra brýna fyrir ökumönnum að leggja ekki af stað án þess að kanna fyrst aðstæðu á vef Vegagerðarinnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.