Sumarsýning Heimilisiðnaðarsafnsins opnar með pompi og prakt
Ragnheiður Björk Þórsdóttir, veflistakona er höfundur Sumarsýningar Heimilisiðnaðarsafnsins 2022. Nefnist sýningin ÞRÁÐLAG og opnaði Ragnheiður hana sunnudaginn 29. maí að viðstöddum gestum. Verkin eru flest ný og gefa góða innsýn í fjölbreyttan heim veflistarinnar.
Við opnunina sungu og spiluðu hjónin Hugrún Sif Hallgrímsdóttir og Jón Ólafur Sigurjónsson (Hugrún og Jonni) nokkur lög við góðar undirtektir áheyrenda.
Í ávarpsorðum Elínar safnstjóra, kom fram hve Sumarsýningarnar hafi ævinlega verið ólíkar, en eigi þó það sameiginlegt að gefa innsýn í fjölbreyttan listiðnað og handmennt íslenskra kvenna. Oft hafi verkin verið innblásin af munum safnsins og bæði sjónrænni og hugmyndafræðilegri upplifun af verkum sem varðveitt eru í safninu. Benti hún sérstaklega á ákveðin verk Ragnheiðar þar sem leiðarstefið er svuntudúkur sem unninn var um aldamótin 1900. Dúkurinn var ofinn úr fínasta þræði sem vitað er um að hafi verið handspunninn úr ull á Íslandi. Eru 25 þræðir í einum sentímetra en í verki Ragnheiðar teljast sex þræðir í sentímetra, úr fínasta þræði sem fáanlegur er í dag.
Nú eru nítján ár frá því fyrsta sérsýning Heimilisiðnaðarsafnsins var opnuð og líkja má þessum þætti í starfsemi starfsemi safnsins við lítið frjó sem í tímans rás hefur borið ríkulegan og fjölbreyttan ávöxt.
Þá rifjaði Elín upp að föðuramma Ragnheiðar og nafna, Ragnheiður Brynjólfsdóttir hafi verið kennslukona í Kvennaskólanum um árabil og svo hafi það gerst að sonardóttir hennar hafi nánast stígið í fótspor ömmu sinnar en undanfarin 5-6 ár hefur Ragnheiður Björk starfað hjá Textílmiðstöðinni í Kvennaskólanum.
Ragnheiður er hámenntuð á sviði vefnaðar, hún hefur haldið fjölda einkasýninga og tekið þátt í fjölmörgum samsýningum hérlendis og erlendis. Hún starfaði við Verkmenntaskólann á Akureyri í 30 ár þar sem hún var m.a. kennslustjóri listnámsbrautar og vefnaðarkennari skólans.
Þess skal getið að sýning Ragnheiðar er sölusýning.
Heimilisiðnaðarsafnið er opið alla daga frá 1. júní til 31. ágúst frá kl. 10:00 til 17:00 og á öðrum tímum ársins samkvæmt sérstöku samkomulagi.
/Elín S. Sigurðardóttir, safnstjóri Heimilsiðnaðarsafnsins
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.