Strembin vika hjá Brunavörnum Skagafjarðar
Síðasta vika hefur verið ansi erilsöm hjá Brunavörnum Skagafjarðar. Fyrst var allsherjarútkall í síðustu viku þegar farþegarúta valt út í Húsaeyjarkvísl en að sögn Svavars Atla Birgissonar, slökkviliðsstjóra, fór þar betur en á horfðist. Í gær og í dag hafa síðan kviknað eldar í Skagafirði; þrennir sinueldar í gær og gróðurhús brann til kaldra kola á Hofsósi í morgun.
Í hádeginu í gær var slökkviliðið kallað út vegna sinubruna nálægt Miklahól í Viðvíkurhreppi hinum forna, við veg 767. Einstaklingur sem kom að sinubrunanum reyndi að slökkva eldinn en þegar útséð var með að hann næði því kallaði hann á aðstoð. Brunavarnir sendu tvo menn á bíl á vettvang en áður en þeir komust á leiðarenda óku þeir fram á annan sinueld við veg 76, milli Ennis og Kýrholts. Svavar Atli segir allt benda til þess að um íkveikjur hafi verið að ræða sem getur reynst mjög hættulegur leikur. Sem betur fer var vindur hagstæður þannig að fljótt náðist stjórn á aðstæðum.
Um fimmleytið sama dag var annað útkall og þá vegna sinubruna milli Tumabrekku og Brekkukots. Svavar Atli áréttar að sinubrunar eru almennt óheimilir, nema að ströngum skilyrðum uppfylltum.
Í morgun kviknaði síðan eldur í garðhúsi við Austurgötu á Hofsósi. Það brann til kaldra kola og litlu mátti muna að illa færi því rúður í nærliggjandi húsi voru farnar að skjálfa vegna hitans frá eldinum. Illa hefði getað farið ef þær hefðu gefið sig. Í því tilfelli telur Svavar að líkast til hafi verið um svokallaða sjálfsíkveikju að ræða, eldur hafi kviknað í moltu eða álíka, þar sem ekki var rafmagn í húsinu. Loftun gæti mögulega komið í veg fyrir að svona atburðir verði.
Vikan hefur því verið óvenju strembin að sögn Svavars en auk þessa hefur slökkviliðið sinnt sjúkraflutningum sem hafa verið talsverðir
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.