Stórtónleikar í Höfðaborg
Sunnudaginn 13. september kl. 16.00 verða haldnir stórtónleikar í Félagsheimilinu Höfðaborg Hofsósi. Tónleikarnir eru helgaðir minningu rithöfundarins Bill Holm en hann lést síðastliðinn vetur. Fram koma stórstjörnurnar Jónas Ingimundarson píanóleikari, Kristinn Sigmundsson bassi og Sigrún Hjálmtýsdóttir sópran.
Á efnisskránni eru brot úr mörgum þekktustu óperuperlum heims eftir höfundana
Georg Gerhwin, Gustav Mahler, Johannes Brahms, Giuseppe Verdi og Vincenzo Bellini.
Ljóst er að þarna eru á ferðinni einstakir listamenn og er það mikill heiður fyrir Skagfirðinga að fá þau í heimsókn.
UM FLYTJENDUR
SIGRÚN HJÁLMTÝSDÓTTIR sótti fyrst einkatíma í Tónlistarskólanum í Reykjavík en nam síðan við Guildhall School of Music and Drama í London og lauk þaðan prófi í einsöng og kennslu. Hún fór í framhaldsnám til Ítalíu og tók þar þátt í keppnum og vann til verðlauna. Sigrún hefur haldið fjölda tónleika hér heima og erlendis og sungið með íslenskum og erlendum hljómsveitum. Hún söng í Ævintýrum Hoffmans í Þjóðleikhúsinu og hjá Íslensku óperunni hefur hún m.a. sungið Súsönnu í Brúðkaupi Fígarós, Gildu í Rigoletto, bæði Papagenu og Næturdrottninguna í Töfraflautunni, Luciu í Lucia di Lammermoor, Violettu í La Traviata og Adinu í Ástardrykknum. Hún söng sem gestasöngvari í Þrándheimi, hlutverk Súsönnu í Brúðkaupi Fígarós og í Gautaborg hlutverk Gildu í Rigoletto. Sigrún var á tímabili á starfslaunum listamanna og hélt tónleika víða um heim og heima. Sigrún hefur sungið inná ógrynni hljómplatna síðastliðin 30 ár. Á síðustu árum hefur hún hljóðritað 9 einsöngsdiska, þar af fjóra með Sinfóníuhljómsveit Íslands. Sigrún Hjálmtýsdóttir var sæmd Riddarakrossi hinnar íslensku fálkaorðu árið 1995.
KRISTINN SIGMUNDSSON hóf söngnám hjá Guðmundi Jónssyni við Söngskólann í Reykjavík. Síðan lærði hann hjá Helene Karusso í Vínarborg og John Bullock í Washington. Kristinn hefur svo til eingöngu sungið erlendis síðustu þrjátíu ár og hefur komið fram í flestum virtustu tónlistar- og óperuhúsum heims; Vínaróperunni, Metropolitanóperunni í New York, La Scala í Mílanó, Covent Garden í London, Óperunni í Barcelona, Berlín, París, San Francisco, Los Angeles og víðar. Hann hefur tekið þátt í nokkrum erlendum hljóðritunum á vegum Decca, Philips og Harmonia Mundi. Kristinn var sæmdur riddarakrossi hinnar íslensku fálkaorðu árið 1994 og útnefndur heiðurslistamaður Kópavogs árið 2005.
JÓNAS INGIMUNDARSON stundaði tónlistarnám við Tónlistarskólann í Reykjavík og framhaldsnám við Tónlistarháskólann í Vínarborg og hefur síðan starfað sem píanóleikari, tónlistarkennari og kórstjóri. Hann hefur haldið fjölda tónleika á Íslandi og erlendis og leikið inn á fjölda hljóm-platna, auk þess sem hann hefur staðið fyrir öflugu tónlistarkynningar-starfi. Jónas hefur hlotið margvíslegar viðurkenningar og var sæmdur Riddarakrossi hinnar íslensku fálkaorðu árið 1994 og Dannebrog orðunni árið 1996. Árið 2008 var hann fyrstur Íslendinga valinn í hóp Steinway-listamanna. Jónas er tónlistarráðunautur Kópavogs og árið 2004 var hann valinn heiðurslistamaður bæjarins. Jónas nýtur heiðurslauna Alþingis.
Fleiri fréttir
-
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornfið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira -
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.