Stórt feitt nei í þjóðaratkvæðagreiðslu vegna Icesave
Ekki voru Íslendingar á þeim buxunum að samþykkja lög ríkisstjórnarinnar frá því í árslok 2009 um Icesave-samning í þjóðaratkvæðagreiðslu sem fram fór í gær. Í Norðvesturkjördæmi greiddu 13.561 atkvæði sem er 63,6% kjörsókn. Já sögðu 295 eða 2,18%, nei sögðu 12.573 eða 92,71%.
Auðir atkvæðaseðlar í kjördæminu voru 660 eða 4,87% og ógildir 33 eða 0,24%.
Heildarkjörsókn á landinu var í kringum 62% en samkvæmt nýjustu tölum sögðu 93,2% nei við lögunum en 1,8% já. Þátttaka í kosningunum hlýtur að teljast vel viðunandi.
Athyglisvert er að gerð hefur verið skoðanakönnun þar sem MMR kannaði afstöðu fólks til þess hvort það vildi að ákvarðanataka vegna nýrra Icesave samninga yrði eingöngu í höndum Alþingis eða hvort það vildi að slíkir samningar væru bornir aftur undir þjóðaratkvæði.
Af þeim sem tóku afstöðu voru í heild 49,5% sem sögðu að nýr Icesave samningur yrði líka sendur í þjóðaratkvæði en 50,5% sögðust vilja að nýr samningur yrði eingöngu afgreiddur af Alþingi.
Það má síðan brosa út í annað þegar fréttavefirnir sem segja frá þessari niðurstöðu eru skoðaðir; Rúv.is segir að helmingur þjóðarinnar vilji ekki kjósa um ný lög en Mbl.is segir að helmingur vilji kjósa.
Fleiri fréttir
-
Ríkisábyrgð á 1.490 milljarða króna? | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.03.2025 kl. 09.14Tryggð innlán í fjármálastofnunum á Íslandi námu 1.490 milljörðum króna um síðustu áramót samkvæmt upplýsingum frá Tryggingasjóði vegna fjármálafyrirtækja (TVF) sem nemur um þriðjungi vergrar landsframleiðslu á síðasta ári. Tryggð innlán jukust um 131 milljarð króna frá því að staðan var tekin í upphafi síðasta árs. Í byrjun árs 2021 voru tryggð innlán á Íslandi um 1.000 milljarðar króna og hafa þau þannig aukizt um tæplega 50% á einungis síðustu fjórum árum.Meira -
Sveinbjörg Rut Pétursdóttir tekur við sem tímabundinn framkvæmdastjóri
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 18.03.2025 kl. 14.28Sagt var fá því í frétt fyrr í dag að Katrín M. Guðjónsdóttir hefur sagt starfi sínu lausu sem framkvæmdastjóri Samtaka sveitarfélaga á Norðurlandi vestra (SSNV) og mun láta af störfum 1. apríl nk. Stjórn SSNV hefur ákveðið að ráða Sveinbjörgu Rut Pétursdóttur, verkefnastjóra SSNV tímabundið, sem framkvæmdastjóra til 1. september 2026.Meira -
Nýjung á heimasíðu safnsins
feykir.is Skagafjörður, Lokað efni 18.03.2025 kl. 14.20Fyrir þau sem hafa í hyggju að bjóða Byggðasafni Skagfirðinga grip geta nú nálgast eyðublað á heimasíðu safnsins þar sem hægt er að senda inn upplýsingar um gripinn.Meira -
Viðgerð á götulögn
feykir.is Skagafjörður 18.03.2025 kl. 11.00Vegna viðgerða á götulögn hitaveitu við Sauðármýri verður lokað fyrir rennsli kl. 13:00 í dag, þriðjudaginn 18. mars.Meira -
Breyting á talmeinaþjónustu í Húnaþingi vestra
feykir.is Vestur-Húnavatnssýsla 18.03.2025 kl. 10.55Þann 1. apríl 2025 verður breyting á talmeinaþjónustu í Húnaþingi vestra, þetta kemur fram á vef þeirra hunathing.is. Hingað til hefur Tappa séð um fjarþjónustu í gegnum tölvu en eftir 1. apríl mun Brynhildur Þöll Steinarsdóttir talmeinafræðingur sjá um þjónustu, greiningar og gerð þjálfunaráætlana fyrir nemendur, starfsfólk og foreldra.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.