Stór sigur á Stjörnunni í Garðabænum
Eftir tvo tapleiki í byrjun móts var pínu presssa á liði Tindastóls að krækja í stig í Garðabænum í kvöld þegar Stólastúlkur sóttu lið Stjörnunnar heim. Eins og reikna mátti með sat lið Tindastóls aftarlega á vellinum en beitti snörpum skyndisóknum þegar boltinn vannst. Þrátt fyrir að heimastúlkur hafi verið talsvert meira með boltann í kvöld þá unnu gestirnir sanngjarnan sigur, gerðu eitt mark í hvorum hálfleik og hefðu hæglega getað unnið stærra. Lokatölur 0-2.
Byrjunarlið Tindastóls var skipað fyrirliðanum frá Brautarholti, tveimur Króksurum, tveimur 16 ára stúlkum frá Skagaströnd, einni úr Vatnsdalnum, einni þýskri og annarri finnskri og loks þremur bandarískum leikmönnum. Hver finnur upp svona snilldar kokteil?
Það var Jordyn Rhodes sem gerði fyrsta markið á 21. mínútu eftir laglega sendingu frá Laufeyju Hörpu frá vítateigshorninu vinstra megin. Jordyn náði ágætum skall sem fór á milli fóta Erin í marki Stjörnunnar og í markið. Heimastúlkur fengu mýgrút af hornspyrnum og innköstum en náðu ekki að skapa sér mikið, vörnin var ólseig eins og oft áður og bakvið hana var Monica algjör klettur, sterk og varði fáeinum sinnum snilldarlega.
Lið Stjörnunnar pressaði af krafti fyrstu 20 mínútur síðari hálfleiks en þegar Hugrún kom inn fyrir Löru Margréti og sóknaráhersla Stólastúlkna jókst þá sköpuðust oft aðstæður þar sem það munaði bara hársbreidd að gestirnir bættu við marki. Skyndisóknirnar voru vel útfærðar og boltinn gekk oft ansi laglega. Það var hins vegar ekki fyrr en á 92. mínútu sem Jordyn bætti við síðara marki Tindastóls, náði ágætu skoti á nærstöng eftir fínan undirbúning frá Hugrúnu. Hún bætti við þriðja markinu skömmu síðar eftir enn betri sókn en var metin rangstæð og það stóð því ekki.
Samheldinn og frábær hópur
Feykir náði í skottið á Donna þjálfara að leik loknum og spurði fyrst hvað hefði skapað sigurinn í kvöld. „Liðsheildin og baráttan skóp sigurinn i bland við bullandi gæði. Liðið hefur verið að spila vel og skapa góð færi en núna loksins small saman bæði góð vörn og sókn.“
Hverju ertu stoltastur af? „Ég er gríðarlega stoltur af leikmönnunum og hópnum. Þær eru svo samheldinn og frábær hópur og með þessu áframhaldi munu þær ná sínum markmiðum.“
Hvernig finnst þér nýir erlendir leikmenn Stólanna hafa byrjað mótið? „Nýju erlendu leikmennirnir [Jordyn, Gabbie og Annika] eru að smella vel inn í allt hjá okkur og verða ennþá betri með hverjum leiknum.“
Hversu mikilvægt var að ná í sigur á erfiðum útivelli? „Það er mjög mikilvægt að ná fyrsta sigrinum svona snemma í mótinu og stimpla sig inn. Þetta gefur okkur ennþá meiri trú á okkur ef hægt var og við munum verða enn öflugri þegar líður á mótið,“ sagði kampakátur þjálfarinn.
Lið Tindastóls því komið með þrjú stig eftir þrjá ágæta leiki. Næstkomandi fimmtudag ætti lið Fylkis að öllu jöfnu að koma í heimsókn á Krókinn en það er þó ólíklegt að völlurinn á Króknum verði metinn leikhæfur eftir tjónið sem hann varð fyrir á dögunum.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.