Stólastúlkur bitu frá sér gegn Íslandsmeisturunum
Lið Tindastóls tryggði sér sæti í 16 liða úrslitum Mjólkurbikarsins með sigri gegn HK í fyrstu umferð og síðan ÍR. Það var því bæði jákvætt og neikvætt þegar ljóst varð að andstæðingur liðsins í 16 liða yrðu Íslandsmeistararnir í Val. Slæmt því reikna mátti með afar erfiðum leik en ánægjulegt að fá meistarana í heimsókn á Krókinn og heiður að mæta þeim. Það fór svo að Valskonur reyndust of stór biti að kyngja og þrátt fyrir góðan síðari hálfleik hjá heimastúlkum þá var sigur Vals aldrei í hættu. Lokatölur 1-4.
Það var heiðskýrt á Króknum í dag og sólin lék sér á himninum. Það væri synd að segja að það hafi verið hlýtt á vellinum en töluvert skaplegra veður en á heimaleikjum Stólastúlkna hingað til á tímabilinu. Lið Tindastóls virtist svolítið lítið í sér í byrjun leiks og Valskonur léku á alsoddi, létu boltann ganga vel og opnuðu vörn og miðju heimastúlkna allt of auðveldlega. Þær eru sannarlega góðar stúlkurnar af Hlíðarenda en þær fengu að vera óþarflega góðar. Það tók þær rétt rúmar þrjár mínútur að brjóta ísinn, boltinn hreyfður hratt og ýtt inn fyrir vörn Stólastúlkna þar sem Ásdís Karen Halldórsdóttir skoraði af öryggi. Átta mínútum síðar var staðan orðin 0-2 og nú var það Þórdís Hrönn Sigfúsdóttir sem slapp í gegn. Vel studdar af síkátum syngjandi Grettismönnum í stúkunni þá náðu stelpurnar að herða á spilamennskunni þannig að vörnin fór að halda betur og færi og skot gestanna urðu viðráðanleg fyrir Amber í markinu. Staðan var 0-2 í hálfleik og varla hægt að segja að lið Tindastóls hafi farið með boltann yfir miðju fram að því.
Donni hefur væntanlega notað einhver spariorð í hálfleik því allt annað var að sjá til liðsins í síðari hálfleik. Nú var grimmdin komin í stelpurnar, þær voru ekki litlar í sér lengur, fóru að vinna návígin og koma boltanum upp að vítateig Vals. Allt í einu átti Hugrún skot rétt framhjá og eftir fyrirgjöf skallaði Murr boltann í þverslána. Lið Tindastóls var hreinlega betra liðið fyrsta stundarfjórðunginn. Valskonur nýttu sér hins vegar sóknarþrá heimaliðsins og þær refsuðu á 64. mínútu þegar þær snéru vörn í sókn og Ída Marín Hermannsdóttir gerði þriðja markið á 64. mínútu. Fjórum mínútum síðar bætti Cyera Hintzen við fjórða marki Vals þegar hún fékk allt of mikið pláss. Stólastúlkum til hróss þá lögðu þær ekki árar í bát og ætluðu sér greinilega að sækja mark. Það kom á síðustu sekúndu leiksins eftir hornspyrnu, boltinn féll inn á markteig þar sem Hugrún var fljót að átta sig og kom boltanum í markið við mikinn fögnuð áhorfenda og félaga hennar. Sárabótarmark sem virkaði eins og sigurmark!
Leikurinn var ágæt skemmtun og stemningin frábær en að sjálfsögðu var hún í boði Grettismanna sem tóku gleðina og fjörið úr körfunni með sér á grasið. Sigurinn sem fyrr segir sanngjarn en með smá heppni í upphafi síðari hálfleiks hefðum við kannski fengið smá spennu í leikinn – spennan kom reyndar en hún snérist fyrst og fremst um það hvort stelpurnar næðu að skora mark í dag.
Það hafðist en við náum ekki í Mjólkurbikarinn í sumar.
Fleiri fréttir
-
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.