Stólarnir sýndu ágæta takta þrátt fyrir sigur Keflvíkinga
Tindastóll og Keflavík áttust við í gærkvöldi í fyrstu viðureign liðanna í úrslitakeppninni í körfuknattleik. Leikið var í Keflavík og áttu sennilega flestir von á öruggum sigri heimamanna en Stólarnir voru seigir og það var ekki fyrr en langt var liðið á leikinn sem Keflvíkingar sigldu framúr. Lokatölur urðu 94-75 en aðeins munaði þremur stigum á liðunum í hálfleik.
Tindastólsmenn byrjuðu leikinn vel ot spiluðu af skynsemi, reyndu að halda hraðanum niðri og sjá til þess að Keflvíkingar næðu ekki einhverjum flugeldasýningum. Staðan að loknum fyrsta leikhluta var 25-22. Visockis meiddist í byrjun annars leikhluta sem var auðvitað hið versta mál og bætti ekki úr skák að Svavar var að spila veikur og varla hálfur maður fyrir vikið. Stólarnir létu þó ekki deigan síga og héldu vel í við Keflvíkinga og þegar flautað var til leikhlés var staðan 46-43.
Keflvíkingar náðu 9 stiga forskoti í upphafi þriðja leikhluta en Visockis kom aftur inná hjá Stólunum um miðjan leikhlutann og náði að binda vörnina saman. Isom var að setja niður fínar körfur og var að venju magnaður. Að loknum þriðja leikhluta var átta stiga munur á liðunum, 74-66, og í byrjun fjórða leikhluta náðu heimamenn að auka muninn og var eins og Tindastólsmenn vantaði trúna á að þeir gætu klárað leikinn. Stóru skotin í fjórða leikhluta rötuðu ekki í körfu Keflvíkinga og því fór svo að lokum að Keflvíkingar höfðu 19 stiga sigur, 94-75.
Kalli Jóns, þjálfari Tindastóls, var ánægður með leik Tindastóls að flestu leyti í fyrri hálfleik en liðið átti fína spretti í vörninni í síðasta leikhlutanum en náðu ekki láta það skipta máli því skotin fóru ekki niður hinum megin.
„Það sem skipti sköpum í gær var að okkur skorti trúna á að vinna þennan leik. Við lékum á áætlun í fyrri hálfleik, vissum að þeir myndu sækja grimmt að okkur í upphafi seinni hálfleiks og stóðumst það svona þokkalega, alla vega vorum við inni í leiknum að honum loknum. Þegar við hins vegar þurftum á stóru körfunum að halda og setja niður opin skot, vantaði sjálfstraustið í skotin og þau duttu ekki. Það er eitthvað sem við verðum að laga fyrir næsta leik. Við þurfum aðeins að vinna í tæknihliðinni, en að stærstum hluta verðum við að öðlast þá trú að við getum unnið þá. Það er því gríðarlega mikilvægt fyrir okkur að fylla Síkið á sunnudaginn því góð stemning og hvatning úr stúkunni getur sannarlega hjálpað okkur að öðlast þessa trú sem vantar“.
Sem fyrr segir meiddist Visockis í leiknum og er um hnémeiðsli að ræða. Það ætti að koma í ljós í dag hversu alvarleg meiðslin eru.
Stig Tindastóls: Isom 27, Visockis 14, Helgi Viggós 10, Rikki 9, Axel 6, Helgi Margeirs 4, Svavar 3 og Sigmar 2.
Fleiri fréttir
-
Madagascar frumsýnt í Bifröst
feykir.is Skagafjörður, Lokað efni 20.03.2025 kl. 15.05Það var líf og fjör í Bifröst á Sauðárkróki í morgun þegar blaðamaður Feykis leit inn. Þar voru krakkarnir í 10. bekk í Árskóla að gera sig klár fyrir generalprufu en þau eru að frumsýna í kvöld leikritið Madagascar í leikstjórn Sigurlaugar Vordísar Eysteinsdóttur og Eysteins Ívars Guðbrandssonar og svo var það Emelíana Lillý Guðbrandsdóttir sem hannaði dansana.Meira -
900 þús. úr Hvatasjóði til Norðurlands vestra
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 14.57Á umfi.is segir að þrjátíu verkefni um allt land hljóta styrki upp á samtals 20,3 milljónir króna úr Hvatasjóði íþróttahreyfingarinnar. Þetta var í fyrsta skiptið sem veitt er úr sjóðnum, sem styrkir verkefni sem stuðla eiga að útbreiðslu íþróttastarfs og þátttöku allra barna á Íslandi. Næsti umsóknarfrestur verður nú í vor en alls eru 70 milljónir króna í sjóðnum árlega.Meira -
Mislitir sokkar til að fagna fjölbreytileikanum
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 14.43Á morgun er alþjóðlegur dagur Downs-heilkennis en 21. mars ár hvert er tileinkaður heilkenninu og honum fagnað víða um heim. Allsherjarþing Sameinuðu þjóðanna samþykkti árið 2011 að 21. mars ár hvert skuli vera Alþjóðlegur dagur Downs-heilkennis en eitt barn af hverjum sjö hundruð sem fæðast í heiminum er með Downs-heilkenni.Meira -
Lára Sigurðardóttir söng sig inn á Samfés
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 13.38Síðastliðinn föstudag, 14. mars, fór fram Norður Org, söngkeppni félagsmiðstöðva á Norðurlandi, fram í íþróttahúsinu á Sauðárkróki. Var þetta í fyrsta skipti sem þessi keppni er haldin á Króknum og voru þar samankomin um 550 ungmenni frá félagsmiðstöðvum víðsvegar af Norðurlandi til þess að fylgjast með sínum fulltrúum spreyta sig á sviðinu.Meira -
Neikvæð áhrif innviðagjalds mikil á Norðurlandi | Arnheiður Jóhannsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.03.2025 kl. 13.12Áhrif innviðagjalds sem lagt var á skemmtiferðaskip fyrir ferðaþjónustuna eru orðin greinileg á landinu. Áhrifanna gætir með mismunandi hætti þar sem með svo skyndilegri gjaldtöku, falla áfangastaðir úr ferðaáætlun skipanna, helst þeir sem eru lengst frá suðvesturhorninu. Þetta hefur þær afleiðingar að á meðan það verður kannski 10% samdráttur heilt yfir í höfuðborginni, þá getur orðið tugprósenta samdráttur á öðrum stöðum á landinu. Í einhverjum tilfellum stefnir í að sumir áfangastaðir missi allar skipakomur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.