Stólarnir hraðafgreiddir í DHL-höllinni
Ekki sóttu Tindastólsmenn gull í greipar KR-inga þegar liðin áttust við í DHL höll Vesturbæinga í gærkvöldi. Þeir stuðningsmenn Tindastóls sem fylgdust með leiknum í beinni á netinu þurftu nánast á áfallahjálp að halda eftir fyrsta leikhluta en svo virtist sem heimamenn væru að afgreiða hraðsendingu, svo mikið lá þeim á að senda Stólana norður með skottið á milli lappanna. Lokatölur reyndust 106-71.
Tindastólsmenn urðu reyndar fyrir áfalli strax í upphitun þegar í ljós kom að leikstjórnandi liðsins, Michael Giovacchini, var meiddur. Hann reyndi að spila en það varð fljótlega ljóst að hann gat ekkert beitt sér og lék aðeins fyrstu 7 mínútur leiksins og var það sannarlega skarð fyrir skyldi. Stólarnir komust yfir 3-4 en síðan ekki söguna meir, KR-ingar gengu á lagið og gerðu næstu 11 stigin. Varnarleikur gestanna var ekki upp á marga fiska og lagaðist ekki þó Kalli tæki leikhlé til að stoppa í götin og að loknum fyrsta leikhluta var munurinn orðinn 22 stig, 36-14.
Ekki náðu Tindastólsmenn að snúa dæminu við í öðrum leikhluta en Fannar Ólafs lék Boyd oft illa og komst hvað eftir annað framhjá honum í sókninni. Helgi Margeirs var atkvæðamestur hjá Stólunum í fyrri hálfleik og gerði þá 12 stig. Staðan í hálfleik 60-30.
Heldur jafnaðist leikurinn í síðari hálfleik enda kannski ekki mikil ástæða fyrir heimamenn að keyra á fullu gasi, leikurinn í raun búinn í hálfleik. Að loknum þriðja leikhluta var staðan 80-49 og lokatölur sem fyrr segir 106-71. Stigahæstir í liði Tindastóls voru Boyd með 21 stig, Svavar með 17 og Helgi Margeirs með 14.
Frammistaða Tindastóls í þeim þremur deildarleikjum sem liðið hefur spilað frá áramótum hefur verið óásættanleg og það var í raun aðeins í heimaleiknum gegn Grindvíkingum í bikarnum sem liðið hefur sýnt lit. Nú eru átta umferðir eftir í deildinni og liðið á enn ágæta möguleika á sæti í úrslitakeppninni en til að komast þangað verða leikmenn að hrista af sér sliðruorðið og spila eins og þá raunverulega hungri í sigur.
Það er rétt að benda á að þessir þrír fyrstu leikir eftir áramótin hafa verið gegn nokkrum sterkustu liðum deildarinnar og því kannski rétt að Tindastólsliðið setji sig í þær stellingar að nú hefjist nýtt mót þar sem hver leikur er bardagi sem verður að vinnast. Áfram Tindastóll!
Fleiri fréttir
-
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornfið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira -
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.