Stólarnir heillum horfnir
Ágætt lið Reynis úr Sandgerði sigraði Tindastól 2-1 á Sauðárkróksvelli í gærdag. Gestirnir voru sterkari aðilinn allan tímann en Tindastólsmenn voru slakir í gær, virkuðu hreinlega ekki í formi miðað við andstæðinginn.
Aðstæður voru ágætar, smá sunnangola í upphafi og síðan rigningarskúr en rjómablíða eftir það. Sandgerðingar tóku völdin á miðjunni strax í upphafi og ógnuðu marki Stólanna af og til en Gísli var góður í markinu og vörnin hélt að mestu. Tindastólsmenn voru varla með fyrstu 35 mínúturnar hvað sóknarleikinn varðaði en liðið fékk 2-3 fín færi undir lok hálfleiksins en tókst ekki að nýta þau. Staðan 0-0 í hálfleik og máttu Stólarnir prísa sig sæla. Það var ekki að sjá að lið heimamanna væri að berjast fyrir sæti í deildinni, leikmenn voru á eftir gestunum á flesta lausa bolta, sendingar voru ónákvæmar, móttaka slök, menn voru seinir og virtust nánast þróttlausir. Stuðningsmenn vonuðust til að Tindastólsmenn hresstust í síðari hálfleik.
Það var öðru nær. Nú virtust gestirnir geta opnað vörn Stólanna þegar þá langaði til. Fyrsta markið kom á 54. mínútu en þá komst leikmaður Reynis upp vinstri kantinn, lék inn á teig og sendi fastan bolta inn á markteig og þar varð Stefán Arnar fyrir því óláni að pota boltanum í eigið mark undir pressu. Alli reyndi að tala Stólana upp um nokkra gíra en spilið var í molum og gestirnir gengu á lagið og bættu við laglegu marki á 67. mínútu. Stefán Arnar fékk síðan að líta rauða spjaldið á 73. mínútu eftir að hafa gripið utan um einn Reynismanninn sem var sloppinn inn fyrir vörn Stólanna.
Nú urðu Stólarnir engu að síður sækja einum færri og Árni Einar dreifði spilinu ágætlega en færin létu á sér standa. Hvað eftir annað áttu Sandgerðingar kost á fínum skyndisóknum en voru of æstir og sóknirnar runnu út í sandinn. Síðustu mínúturnar reyndu Stólarnir að pressa og á 90. mínútu uppskáru þeir mark alveg uppúr þurru, Sinisa Kekic skallaði aftur á markvörð sinn sem rétt náði að slá boltann í þverslána og Ingvi Hrannar fylgdi á eftir og minnkaði muninn í 2-1. Ekki leið mínúta þar til Stólarnir hefðu getað jafnað því eftir hornspyrnu náðu Stólar skalla að marki sem markvörðurinn blakaði í þverslána og yfir markið. Lokatölur 1-2 fyrir Reyni.
Tindastólsliðið var slakt í gær og sumir leikmenn nánast farþegar í liðinu. Það var auðvitað skarð fyrir skildi að Davíð Rúnars var í banni en hann heldur ekki liðinu einn uppi í 2. deild. Nú eru aðeins fjórar umferðir eftir í deildinni og lið Tindastóls í 11. sæti með 17 stig, Magni með 19 og ÍH/HV og KS/Leiftur með 20. Tindastólsmenn þurfa því að fara að vinna leiki ef þeir ætla sér ekki að sumrinu í hafragrautnum í 3. deild næsta sumar.
Fleiri fréttir
-
Stólastúlkur með sigur í síðustu umferð Lengjubikarsins
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 17.03.2025 kl. 23.08„Við erum mjög ánægð með leikinn í gær heilt yfir. Fylkir féll í fyrra og hefur misst nokkra öfluga leikmenn en voru þó með hörku leikmenn i gær og úr varð mjög flottur leikur,“ sagði Donni þjálfari Sigurðsson þegar Feykir spurði hann hvað honum hefði fundist um leikinn en lið Tindastóls bar sigurorð af Fylki í lokaumferð riðlakeppni Lengjubikarsins á sunnudaginn. Lokatölur 2-0.Meira -
Dagur Þór heiðraður með Silfurmerkinu
feykir.is Skagafjörður, Íþróttir, Lokað efni 17.03.2025 kl. 12.24Þann 15. mars sl. fór fram Körfuknattleiksþing KKÍ á Grand Hótel í Reykjavík en þingið er haldið annað hvert ár. Á þessu þingi sitja fulltrúar frá aðildarfélögum og sambandsaðilum KKÍ og er stjórn KKÍ kosin á þessu þingi. Þá eru einnig veitt heiðursviðurkenningar og var Dagur Þór Baldvinsson, formaður Körfuknattleiksdeildar Tindastóls, heiðraður með Silfurmerkinu að þessu sinni. Þeir sem hljóta Silfurmerkið þurfa að hafa unnið vel og dyggilega að eflingu körfuknattleiksíþróttarinnar í áratug eða lengur. Feykir óskar Degi til hamingju með viðurkenninguna.Meira -
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.