Stjórn LÍÚ fordæmir vinnubrögð ráðherra við takmarkanir á dragnótaveiðum
„Stjórn Landssambands íslenskra útvegsmanna fordæmir þau vinnubrögð sem sjávarútvegs- og landbúnaðrráðherra viðhafði í aðdraganda og við útgáfu nýlegrar reglugerðar um takmarkanir á dragnótaveiðum. Reglugerðin gildir til fimm ára frá og með 1. september næstkomandi og tekur til sjö fjarða." Svo segir í ályktun sem stjórn LÍÚ hefur samþykkt.
Ályktunin fylgir hér á eftir í heild:
Stjórn LÍÚ fordæmir vinnubrögð ráðherra við takmarkanir á dragnótaveiðum
Stjórn Landssambands íslenskra útvegsmanna fordæmir þau vinnubrögð sem sjávarútvegs- og landbúnaðrráðherra viðhafði í aðdraganda og við útgáfu nýlegrar reglugerðar um takmarkanir á dragnótaveiðum. Reglugerðin gildir til fimm ára frá og með 1. september næstkomandi og tekur til sjö fjarða.
Engin vísindaleg rök liggja að baki þessari nýju reglugerð. Ekkert tillit var tekið til nýlegrar skýrslu Hafrannsóknastofnunarinnar um rannsóknir í Skagafirði en þar segir að ekkert bendi til þess að dragnót hafi áhrif á botndýralíf. Ekkert tillit var heldur tekið til athugasemda dragnótamanna og annarra hagsmunaaðila, sem lögðust gegn þessum hugmyndum. Ráðherra kallar þetta í tilkynningu „að fara bil beggja."
Allt var þetta mál keyrt áfram á undarlega skömmum tíma. Fréttatilkynning var send út 30. apríl, frestur gefinn til 20.maí fyrir athugasemdir og niðurstaða ráðherra tilkynnt fjölmiðlum 1. júní án þess að kynna hana hagsmunaaðilum eins og lofað hafði verið. Þar gekk ráðherra á bak orða sinna.
Vinnubrögð á borð við þau sem hér um ræðir eru óásættanleg. Þau uppfylla ekki kröfur um fagmennsku né gagnsæja og hlutlæga stjórnsýslu. Það alvarlegasta í málinu er þó að hér er um verulega íþyngjandi takmarkanir að ræða sem ógna atvinnu og forsendum byggðar í fámennum sveitarfélögum. Stjórn Landssambands íslenskra útvegsmanna skorar á sjávarútvegs- og landbúnaðarráðherra að draga ákvörðun sína til baka.
/liu.is
Fleiri fréttir
-
Góð byrjun á árinu hjá Júdódeild Tindastóls
feykir.is Skagafjörður, Aðsendar greinar 04.04.2025 kl. 12.20Loka undirbúningur fyrir mótin á vorönninni hófst á fyrstu æfingu ársins 6. janúar.Meira -
Annað skiptið sem safninu hlotnast þessi viðurkenning
feykir.is Skagafjörður, Lokað efni 04.04.2025 kl. 12.04Á dögunum hlaut Byggðasafn Skagfirðinga viðurkenningu frá CIE Tours vegna ánægju gesta með heimsókn á safnið. CIE Tours er Írskt ferðaþjónustufyrirtæki sem var stofnað árið 1932 en fyrirtækið skipuleggur og heldur utan um ferðir í Evrópu. Í tilkynningunni segir að 2024 hafi verið annað árið í röð sem hópar frá þessu fyrirtæki sóttu safnið heim og þetta er jafnframt í annað skiptið sem safninu hlotnast þessi viðurkenning.Meira -
UMFÍ með sínar fyrstu sumarbúðir á Reykjum í sumar
feykir.is Skagafjörður, Austur-Húnavatnssýsla, Vestur-Húnavatnssýsla 04.04.2025 kl. 11.33Í sumar ætlar UMFÍ að halda sínar fyrstu sumarbúðir og verða þær staðsettar á Reykjum í Hrútafirði. Sumarbúðirnar eru ætlaðar krökkum sem eru fædd frá 2011-2013, segir á heimasíðu UMFÍ. Nú spyr ég... hafa ekki allir krakkar gott af því að prufa að fara í sumarbúðir og kynnast nýjum krökkum og hafa gaman? Þetta getur ekki klikkað!Meira -
Yndisleg kvöldstund á Löngumýri
feykir.is Skagafjörður, Lokað efni 04.04.2025 kl. 11.10Það voru fallegir tónar já eða hljómar sem komu frá Löngumýri sl.þriðjudagskvöld þegar tríóið Hljómbrá stóð fyrir vægast sagt notalegri kvöldstund. Tríóið Hljómbrá er skipað þeim Guðrúnu Helgu í Miðhúsum, Kolbrúnu Erlu á Úlfsstöðum og Írisi Olgu í Flatatungu og Rögnvaldur Valbergsson sér um undirleik.Meira -
Nýtt listaverk á Skagaströnd
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.04.2025 kl. 09.58Feykir sagði frá því um miðjan febrúar að nokkur ný ruslatunnulistaverk hafi bæst í safnið á Skagaströnd en þá var búið að mála á þrjár nýja tunnur, hver öðrum glæsilegri. Listamaðurinn sem á heiðurinn af tunnumálverkunum er Gígja Heiðrún Óskarsdóttir og nú er hún aftur á ferðinni því á dögunum bættist við ein ný tunna eftir Gígju.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.