Steikt svínasíða og öskudagsbollur
Það eru þau Frímann Viktor Sigurðsson og Ditte Clausen í Varmahlíð sem sáu um matarþáttinn í tbl 6 á þessu ári en það var hann Gunnar Bragi sem skoraði á þau að bjóða upp á eitthvað danskt því Ditte er frá Suður Jótlandi en hefur búið hér síðustu tíu árin.
Frímann er hreinræktaður Skagfirðingur og eiga þau saman þrjú börn. „Gunnar Bragi bað um að fá danskan mat þannig að hvað er betra en þjóðarréttur Dana, steikt svínasíða með steinseljusósu. Svo styttist í öskudaginn og því tilvalið að skella í danskar öskudagsbollur eða fastelavnsboller,“ segir Ditte.
AÐALRÉTTUR
Stegt flæsk med persillesovs (steikt svínasíða með steinseljusósu)
800g svínasíða í sneiðum
Steinseljusósa:
smjör
hveiti
nýmjólk
1 búnt steinselja (eða hæfilegt magn af þurrkaðri steinselju)
salt og pipar
Meðlæti:
kartöflur
soðnar gulrætur
Aðferð: Í Danaveldi finnur maður svínasíðu í sneiðum enda um þjóðarrétt Dana að ræða. Ég hef ekki séð tilbúnar sneiðar í kjötborðinu í okkar helstu búð.
Þess vegna legg ég til að kaupa svínasíðu og sneiða hana niður í 1/2 sm þykkar sneiðar. Saltið sneiðarnar með flögusalti og steikið þær á pönnu þangað til þær eru passlega stökkar, smekksatriði. Okkur finnst best þegar sneiðarnar eru fallegar brúnar. Ég á erfitt með fylgja uppskriftum þannig að ég slumpa alltaf í sósuna. Hún er eins og hver önnur uppbökuð sósa (jafningur). Smjörið er brætt í potti og hveiti stráð út í og hrært stöðugt með pískara þangað til úr verður slétt og fín bolla. Þynnt rólega í nokkrum skömmtum og hrært stöðugt í. Hökkuð steinselja er sett út í sósuna og hún smökkuð til með salti og pipar. Borið fram með kartöflum og soðnum gulrótum.
EFTIRRÉTTUR
Danskar öskudagsbollur - um 35-40 stk.
Deig:
250 g smjör eða smjörlíki
5 dl mjólk
1 bréf þurrger
75 g sykur
1/2 tsk. salt
1 egg
800-950 g hveiti
Fylling: Vanillukrem
Aðferð: Enginn öskudagur er án öskudagsbolla hjá okkur og þá sækjum við helst í danskar gerbollur með kremi. Smjörið brætt og sett í skál með mjólk, sykri, salti og eggi. Þurrgerið blandað við hluta af hveitinu og sett út í. Restin af hveiti sett út í smátt og smátt. Deigið á að vera mjúkt og teygjanlegt. Gott að hræra deigið með hrærivél í um tíu mínútur. Látið hvíla í um hálftíma. Á meðan deigið er að hvíla má gera vanuillukremið. Ég nota alltaf Dr. Oetker eða Gestus vanillukremið, einfalt og gott. Blandið saman 5 dl af mjólk og duftinu úr pokanum. Þegar deigið er búið að lyfta sér þarf að skipta því í tvennt. Fletjið aðra kúluna út í u.þ.b. 3-4 mm þykkt og skerið í ferkant, um 12x12 sm. Setið um eina teskeið af vanillukremi í hvern ferkant. Þá er bara að loka þeim þannig að kremið renni ekki út við bakstur, en það er vandaverk. Takið hvert horn inn á miðju, svo þarf að klemma kantana aðeins og taka nýju hornin inn. Gott er svo að rúlla bollunum varlega svo að þær lokist alveg. Já þetta hljómar mjög flókið en er það ekki. Bollurnar eru settar á bökunarplötu með bökunarpappír undir og látið hvíla í um 45 mínútur undir röku viskastykki. Hitið ofninn í 240°C (ekki blástur). Bollurnar verða flottari ef þær eru penslaðar með mjólk áður en þær fara inn í ofninn. Gott ráð er að búa til smá dæld í miðjunni áður en þær fara inn í ofninn. Bakað í um tólf mínútur og látið kólna áður en skreytt er með glassúr eftir smekk. Okkur finnst betra að setja súkkulaði á þær í staðinn fyrir glassúrinn.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.