Stefnt að því að styrkja bæði karla- og kvennalið Tindastóls fyrir átökin framundan
Senn lokar leikmannaglugginn í íslenska fótboltanum og ljóst að Tindastóll hefur stefnt að því að styrkja bæði karla- og kvennalið félagsins fyrir átökin framundan. Feykir hafði samband við Donna Sigurðsson, þjálfara beggja liða, og spurði hann út leikmannamálin og hvort hann hafi verið sáttur við úrslit helgarinnar hjá sínum liðum.
„Ég er klarlega sáttur við þrjú stig i dag en við viljum lika alltaf fá þrjú stig á heimavelli i kvenna svo auðvitað erum við ekki sátt við það,“ sagði kappinn en karlalið sigraði KÁ 5-2 í dag á meðan að stelpurnar gerðu 1-1 jafntefli í gærkvöldi. „Í dag hefði ég viljað ögn betri frammistöðu með boltann og bæði mörkin á okkur voru óskaplegur óþarfi fannst mér og mögulega kæruleysi. En frábært að skora fimm mörk og við sköpuðum okkur heldur betur færi til að skora fleiri. “
Donni viðurkenndi að fyrri hálfleikurinn í kvennaleiknum hafi verið frekar slakur af hálfu Stólastúlkna, fyrir utan mjög gott mark. „Seinni hálfleikur var klárlega betri og við skorum 100% löglegt mark sem er tekið af okkur sem var sárt en svona fyrir utan það þá var 1-1 nokkuð sanngjörn úrslit miðað við spilamennskuna.“
Þá er ljóst að leikmannamálin eru nokkurn veginn klár hjá kvennaliðinu. „Við vildum bæta við tveimur leikmönnum sem styrkja okkur og auka við breiddina í hópnum. Það tókst, sem ég er mjög glaður með, og ég er spenntur að sjá hvað áhrif þær hafa,“ sagði Donni en þegar hefur hin ástralska Claudia Valetta verið kynnt til leiks en sakvæmt upplýsingum Feykis á aðeins eftir að klára formsatriði varðandi síðari leikmanninn. „Hjá karlaliðinu erum við að leita af styrkingu fyrir úrslitakeppnina. Basilio er meiddur i baki og mun fara heim til Spánar sem er sameiginleg ákvörðun allra sem koma að. Hann er búinn að skora 18 mörk og leggja upp fjölmörg svo við munum þurfa að fylla i það skarð fyrir úrslitakeppnina. Auk þess vonast ég til að fá mögulega einn enn leikmann til að hjálpa okkur í baráttunni að komast upp um deild. Við erum með nokkra möguleika í sigtinu en viljum velja rétt þa sem henta okkur,“ segir Donni að lokum.
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.