Starfsfólk HSB ekki sátt við heilbrigðisráðherra
Undirskriftarhópur Heilbrigðisstofnunarinnar á Blönduósi sendi frá sér athugasemdir vegna viðtals ráðherra í Feyki fyrir skömmu þar sem bent er á nokkur atriði. Það er Bóthildur Halldórsdóttir starfsmaður Þvottahúss HSB sem fer fyrir hópnum.
Í fyrsta lagi viljum við bara fá að sitja við sama borð og aðrar stofnanir þegar kemur að niðurskurði, sem augljóst er að við gerum ekki því samkvæmt gögnum sem fyrir liggja og allir geta skoða, þá er mest skorið niður hjá okkur.
Í öðru lagi þá segir Álfheiður að HSB hafi á sínum tíma verið úthlutað of miklu í fjárlögum og að ofgreitt hafi verið fyrir sjúkrarúm sem ekki hafi verið nýtt og það þurfi að endurgreiða á 3 árum. Þetta kemur ekki fram í þingskjölum þegar niðurskurður er útlistaður nánar. Samkvæmt upplýsingum þá er biðlisti hér eftir sjúkrarými og enginn hér kannast við að þetta sé raunin, þ.e. að ofgreiðslur hafi átt sér stað.
Í þriðja lagi þá er þetta svokallaða reiknilíkan tæplega rétt upp sett og hefur kannski ekki verið lengi. Í þessum útreikningum sem ákvarða útgjöld HSB er ekki gert ráð fyrir t.d. sjúkrabílum, íbúðum, heilsugæslu á Skagaströnd né vöruhækkunum sem eiga sér stað á öllum sviðum, nú síðast í dag kom tilkynning um heitavatnsgjald sem án efa er ekki gert ráð fyrir í þessu reiknilíkani.
Nú í fjórða lagi á ekki að segja neinum upp í öllum þessum niðurskurði, bara lækka laun hjá þeim sem mest hafa hjá HSB, laun sem eru þó ekkert sérstaklega há né að um sé að ræða svo mörg stöðugildi að einhverju nemi.
Að lokum segir Álfheiður að HSB sé vel í stakk búið til að spara meira en aðrar stofnanir þar sem rekstur þess hafi verið með eindæmum góður síðastliðin ár og því sé óhætt að gera kröfu um meira. Þessi góði rekstur síðastliðin ár er kominn til vegna þess að hér hefur virkilega verið leitað allra leiða til að spara án þess að það komi niður á þeirri þjónustu sem hér á að vera hægt að bjóða upp á. Að ganga lengra í sparnaði en nú þegar hefur verið gert, vekur upp spurningar um hvort í kjölfarið hægt að bjóða upp á þá þjónustu sem við eigum kröfu á samkvæmt mannréttindayfirlýsingu.
Það er von okkar að þessi mál verði leiððrétt sem fyrst.
Með fyrirfram þökk
F.h. undirskriftarhópsins
Bóthildur Halldórsdóttir
Starfsmaður Þvottahúss HSB.
Fleiri fréttir
-
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira -
Ísmót á Svínavatni
feykir.is Austur-Húnavatnssýsla, Lokað efni 14.03.2025 kl. 09.45Til stendur að halda Ísmót á Svínavatni laugardaginn 22. mars eða sunnudaginn 23. mars það getur verið áskorun á Íslandi að ákveða dagsetningu fyrir þessa tegund af móti því þetta verður ekki gert nema veður, ís og önnur skilyrði reynast í lagi.Meira -
Stærsta gjöf í sögu Skagfirðingasveitar | Hafdís Einarsdóttir skrifar
feykir.is Skagafjörður, Aðsendar greinar 14.03.2025 kl. 09.30Á laugardaginn fáum við í Skagfirðingasveit rausnarlegustu gjöf í sögu björgunarsveitarinnar afhenta. Flestir hér í Skagafirði þekkja væntanlega raunasöguna um það hvernig nýjum og fullkomnum björgunarbáti sem við höfðum keypt og greitt fyrir var að stórum hluta til beinlínis stolið af okkur. Báturinn var því aldrei smíðaður og hátt í tíu milljónir króna sem við höfðum safnað fóru í súginn. Færri vita e.t.v. að FISK Seafood, sem styrkt hafði kaupin með umtalsverðum hætti ákvað að bæta okkur skaðann með því að fjármagna að fullu nýjan og jafnvel enn fullkomnari björgunarbát. Andvirði bátsins, sem hlotið hefur nafnið Aldan, er um 20 milljónir króna og þarf kannski ekki að taka það fram að þessi gjöf er sú langstærsta sem Skagfirðingasveit hefur nokkru sinni veitt viðtöku.Meira -
Ákveðið að selja skrifstofuhúsnæði sveitarfélagsins við Faxatorg
feykir.is Skagafjörður, Lokað efni 14.03.2025 kl. 08.09Á fundi sveitarstjórnar Skagafjarðar þann 12. mars sl. var samþykkt samhljóða að selja skrifstofuhúsnæði í eigu sveitarfélagsins við Faxatorg á Sauðárkróki. Feykir spurði Einar E. Einarsson (B), forseta sveitarstjórnar, út í ástæður þess að Skagafjörður leitast nú við að selja eigninaMeira -
Þriðja mótið í Skagfirsku mótaröðinni framundan
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 13.03.2025 kl. 15.30Þriðja mótið í Skagfirsku mótaröðinni verður haldið í Svaðastaðahöllinni 22.mars næstkomandi kl 10:00. Keppt verður í Tölti og skeiði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.