Stærðfræðikeppni FNV
Hin árlega forkeppni stærðfræðikeppni FNV og 9. bekkja á Norðurlandi vestra fer fram miðvikudaginn 10. mars kl. 10:00. Öllum nemendum 9. bekkja á Norðurlandi vestra er frjáls þátttaka.
Keppnin skiptist í forkeppni og úrslitakeppni. Forkeppnin fer fram í öllum skólum og komast 15 efstu áfram í úrslitakeppni sem verður haldin í FNV. Dæmi í forkeppni verða flest krossadæmi (líkt og í keppni framhaldsskóla).Nemendur fá 1 klst. til að glíma við dæmin. Úrslitakeppninverður svo í Bóknámshúsi FNV föstudaginn 23. apríl.
Þeir sem komast í úrslitakeppnina fá allir verðlaun, en sigurvegarinn hlýtur veglegustu verðlaunin. Fyrirtæki og stofnanir á Norðurlandi vestra og víðar eru tilbúin að styrkja keppnina en nánar verður skýrt frá verðlaunum síðar. Lögð er áhersla á að ekki er um próf að ræða heldur leik. Nemendur geta staðið sig vel, þótt þeir leysi aðeins hluta dæmanna. Hver nemandi fær síðan úrlausnir sínar aftur og niðurstöður um árangur og geta skólar/nemendur unnið nánar með niðurstöðuna ef þeir kjósa.
Tilgangur keppninnar er að auka áhuga á stærðfræði og þrautalausnum og efla tengsl grunnskóla á Norðurlandi vestra og FNV.
/fnv.is
Fleiri fréttir
-
Ríkisábyrgð á 1.490 milljarða króna? | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.03.2025 kl. 09.14Tryggð innlán í fjármálastofnunum á Íslandi námu 1.490 milljörðum króna um síðustu áramót samkvæmt upplýsingum frá Tryggingasjóði vegna fjármálafyrirtækja (TVF) sem nemur um þriðjungi vergrar landsframleiðslu á síðasta ári. Tryggð innlán jukust um 131 milljarð króna frá því að staðan var tekin í upphafi síðasta árs. Í byrjun árs 2021 voru tryggð innlán á Íslandi um 1.000 milljarðar króna og hafa þau þannig aukizt um tæplega 50% á einungis síðustu fjórum árum.Meira -
Sveinbjörg Rut Pétursdóttir tekur við sem tímabundinn framkvæmdastjóri
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 18.03.2025 kl. 14.28Sagt var fá því í frétt fyrr í dag að Katrín M. Guðjónsdóttir hefur sagt starfi sínu lausu sem framkvæmdastjóri Samtaka sveitarfélaga á Norðurlandi vestra (SSNV) og mun láta af störfum 1. apríl nk. Stjórn SSNV hefur ákveðið að ráða Sveinbjörgu Rut Pétursdóttur, verkefnastjóra SSNV tímabundið, sem framkvæmdastjóra til 1. september 2026.Meira -
Nýjung á heimasíðu safnsins
feykir.is Skagafjörður, Lokað efni 18.03.2025 kl. 14.20Fyrir þau sem hafa í hyggju að bjóða Byggðasafni Skagfirðinga grip geta nú nálgast eyðublað á heimasíðu safnsins þar sem hægt er að senda inn upplýsingar um gripinn.Meira -
Viðgerð á götulögn
feykir.is Skagafjörður 18.03.2025 kl. 11.00Vegna viðgerða á götulögn hitaveitu við Sauðármýri verður lokað fyrir rennsli kl. 13:00 í dag, þriðjudaginn 18. mars.Meira -
Breyting á talmeinaþjónustu í Húnaþingi vestra
feykir.is Vestur-Húnavatnssýsla 18.03.2025 kl. 10.55Þann 1. apríl 2025 verður breyting á talmeinaþjónustu í Húnaþingi vestra, þetta kemur fram á vef þeirra hunathing.is. Hingað til hefur Tappa séð um fjarþjónustu í gegnum tölvu en eftir 1. apríl mun Brynhildur Þöll Steinarsdóttir talmeinafræðingur sjá um þjónustu, greiningar og gerð þjálfunaráætlana fyrir nemendur, starfsfólk og foreldra.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.