Sódóma frumsýnd í kvöld
Nemendafélag FNV frumsýnir í kvöld söngleikinn Sódómu e. Felix Bergsson á Sal FNV. Leikstjóri er Stefán Friðrik Friðriksson og honum til aðstoðar er Sigurlaug Vordís Eysteinsdóttir. Alls koma 105 nemendur beint og óbeint að leikritinu, en leikendur eru 24 talsins auk dansara.
Með aðalhlutverk fara þau Bragi Björn Kristinsson í hlutverki Agga, Snævar Örn Jónsson í hlutverki Mola, Silja Ýr Gunnarsdóttir í hlutverki Mæju, Saga Sjöfn Ragnarsdóttir í hlutverki Unnar og Sveinn Rúnar Gunnarsson í hlutverki Axels.
Auk leikara á sviði sér hljómsveit hússins, undir forystu Helga Sæmundar Guðmundssonar, um flutning á lifandi tónlist í söngleiknum. Þess má geta að upphafslagið er frumsamið af hljómsveitinni Fúsaleg helgi. Mikill metnaður er lagður í alla umgjörð söngleiksins og flutning hans og gaman að sjá hvernig leikstjórinn tvinnar saman leik á sviði og kvikmyndaupptökur.
Leikararnir komast allir mjög vel frá hlutverkum sínum og ljóst að þarna er afar hæfileikaríkt fólk á ferðinni þar sem hver og einn fær að njóta sín og nær að kitla hláturtaugar áhorfenda.
Söngleikurinn er hin besta skemmtun fyrir alla aldurshópa sem enginn ætti að láta fram hjá sér fara.
Sýningar verða sem hér segir:
Fimmtudag 19. nóv. Kl. 20:00
Laugardag 21. nóv. Kl. 16:00 og 20:00
Sunnudag 22. nóv. Kl. 16:00 og 20:00
Þriðjudag 24. nóv. Kl. 20:00
Miðvikudag 25. nóv. Kl. 20:00
Fimmtudag 26. nóv. Kl. 20:00
Föstudag 27. nóv. Kl. 20:00
Miðasala fer fram kl. 16:20-19:30 í símum455-8070 og 843-9130
Miðaverð er kr. 2000
Kr. 1.500 fyrir 16 ára og yngri
Kr. 1.500 fyrir félaga í NFNV
Kr. 1.500 fyrir 67 ára og eldri.
Myndir: FNV.is
Fleiri fréttir
-
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira -
Ísmót á Svínavatni
feykir.is Austur-Húnavatnssýsla, Lokað efni 14.03.2025 kl. 09.45Til stendur að halda Ísmót á Svínavatni laugardaginn 22. mars eða sunnudaginn 23. mars það getur verið áskorun á Íslandi að ákveða dagsetningu fyrir þessa tegund af móti því þetta verður ekki gert nema veður, ís og önnur skilyrði reynast í lagi.Meira -
Stærsta gjöf í sögu Skagfirðingasveitar | Hafdís Einarsdóttir skrifar
feykir.is Skagafjörður, Aðsendar greinar 14.03.2025 kl. 09.30Á laugardaginn fáum við í Skagfirðingasveit rausnarlegustu gjöf í sögu björgunarsveitarinnar afhenta. Flestir hér í Skagafirði þekkja væntanlega raunasöguna um það hvernig nýjum og fullkomnum björgunarbáti sem við höfðum keypt og greitt fyrir var að stórum hluta til beinlínis stolið af okkur. Báturinn var því aldrei smíðaður og hátt í tíu milljónir króna sem við höfðum safnað fóru í súginn. Færri vita e.t.v. að FISK Seafood, sem styrkt hafði kaupin með umtalsverðum hætti ákvað að bæta okkur skaðann með því að fjármagna að fullu nýjan og jafnvel enn fullkomnari björgunarbát. Andvirði bátsins, sem hlotið hefur nafnið Aldan, er um 20 milljónir króna og þarf kannski ekki að taka það fram að þessi gjöf er sú langstærsta sem Skagfirðingasveit hefur nokkru sinni veitt viðtöku.Meira -
Ákveðið að selja skrifstofuhúsnæði sveitarfélagsins við Faxatorg
feykir.is Skagafjörður, Lokað efni 14.03.2025 kl. 08.09Á fundi sveitarstjórnar Skagafjarðar þann 12. mars sl. var samþykkt samhljóða að selja skrifstofuhúsnæði í eigu sveitarfélagsins við Faxatorg á Sauðárkróki. Feykir spurði Einar E. Einarsson (B), forseta sveitarstjórnar, út í ástæður þess að Skagafjörður leitast nú við að selja eigninaMeira -
Þriðja mótið í Skagfirsku mótaröðinni framundan
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 13.03.2025 kl. 15.30Þriðja mótið í Skagfirsku mótaröðinni verður haldið í Svaðastaðahöllinni 22.mars næstkomandi kl 10:00. Keppt verður í Tölti og skeiði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.