Slátur, ódýr og góður matur
Sá þjóðlegi siður að taka slátur er enn við líði þó mikið hafi dregið úr því hin síðari ár. En í sláturtíðinni ætti fólk að huga að því að mjög góð kaup má gera í góðum og hollum mat sem auðvelt er að útbúa.
Slátursala SAH Afurða á Blönduósi býður nú upp á allan almennan sláturmat uppvigtaðan eða í stykkjatali allt eftir óskum kaupenda. Einnig má kaupa þar dilkaskrokka í heilu eða niðursagaða svo og læri, hryggi og súpukjöt. Slátursalan er opin milli kl. 10 og 17 alla virka daga í sláturtíðinni.
Góð ráð varðandi kaup á sláturvörum.
Lambaþindar er ódýrt hráefni í lambahakk eða sem fitulítið hráefni í lasagne, bollur eða fars. Kílóið kostar kr. 140. Gott er að hreinsa þindarnar áður en þær eru hakkaðar. Þægilegast er að nota skæri og klippa burt fitu og himnur sem nýtast ekki. Þegar frysta skal hakkpokana er best að pressa þá í þunnar einingar. Það sparar pláss í frystinum og stutta stund tekur að þíða þá fyrir eldun.
Kíló af lifur kostar kr. 140. Hún er góð hvort sem hún er steikt á pönnu upp á gamla móðinn, skorin niður í pottrétti eða notuð í lifrarbuff. Passa þarf að steikja lifur ekki of mikið þá verður hún seig.
Gómsætt lifrabuff
450 gr. lifur
450 gr. kartöflur (hráar)
80gr. hveiti
20 gr. kartöflumjöl
½ laukur
Salt og pipar
Lifrin og kartöflurnar hakkað saman ásamt lauknum. Ef kartöflurnar eru nýjar þarf ekki að hafa fyrir því að afhýða þær. Sett í hrærivélaskál og hrært saman með salti og pipar. Deigið er nokkuð blautt og er það látið á steikarpönnu með lítilli ausu og steikt. Gott með brúnni sósu, kartöflumús og sultu.
Bollufars
800 gr. þindar
80 gr. hveiti
20 gr. kartöflumjöl
½ laukur
Salt og pipar (eða season all)
Þindarnar hakkaðar ásamt lauknum. Hveiti, kartöflumjöli, salti og pipar blandað saman við. Ef deigið er of blautt má bæta hveiti út í. Mótaðar eru litlar bollur og steiktar á pönnu þar til brún skorpa hefur myndast hvoru megin. Vatni bætt á pönnuna og bollurnar látnar malla þar til þær eru soðnar í gegn. Gott er að setja sósutening með og útbúa brúna sósu úr soðinu og hveitijafningi. Berist fram með nýjum kartöflum, rauðrófum og heimalagaðri rababarasultu.
Kjötfars og kæfa.
Stundum kemur fyrir að slög og bitar sem ekki rata á grillið verða eftir í frystikistunni. Það getur verið ansi hvimleitt. Bitarnir eru úrbeinaðir og notaðir í kötfars eða kæfu.
Kjötfars
250 gr. lambaslög
250gr. þindar eða hjörtu
300 gr. vatn
150 gr. hveiti
50 gr. kartöflumjöl
20 gr. salt
10 gr. laukduft
½ tsk. pipar
Lambaslög og þindar hakkað saman. Fyrir þá sem vilja ekki gróft fars skal hakka tvisvar eða setja hakkið í mixara. Deigið sett í hrærivélarskál, vatni, þurrefnum og kryddi hrært saman við. Ef mikið er til af afgangskjöti og uppskriftin verður stór má auðveldlega setja deigið í plastpoka og frysta.
Kindakæfa
1 kg úrb slög eða annað kjöt
4 dl soð
16 gr. Salt
10 gr laukduft
4 gr koriander
2 gr pipar
Kjötið mauksoðið. Veitt upp úr pottinum og sett í mixara og saxað smátt. Oft eru skálarnar á mixaranum það litlar að klára þarf uppskriftina í hrærivélaskál. Þá er salti og kryddi blandað við kjötið og soðinu að síðustu hellt saman við. Best er að setja kæfuna í dollur meðan hún er heit.
|
Innmatur |
|
Verð með vsk. |
|
Dilkalifur |
kr. kg. |
140 |
|
Dilkahjörtu |
kr. kg. |
190 |
|
Dilkanýru |
kr. kg. |
80 |
|
Dilkamör |
kr. kg. |
120 |
|
Eistu |
kr. kg. |
380 |
|
Dilkasvið - söguð/hreinsuð |
kr. kg. |
450 |
|
Hálsæðar óhreinsaðar |
kr. kg. |
60 |
|
Þindar |
kr. kg. |
140 |
|
Vömb - keppur hreinsað |
kr. stk |
200 |
|
Vömb - keppur óhreinsað |
kr. stk |
100 |
|
Keppir óhreinsað |
kr. stk |
70 |
|
Keppir hreinsaðir |
kr. stk |
140 |
|
Gerfivambir |
kr. stk |
110 |
|
Blóð |
kr.ltr. |
70 |
|
Heilslátur |
kr. stk |
900 |
|
Dilkakjöt |
kr. kg. |
736 |
Fleiri fréttir
-
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.