Skráningu í vetrartím að ljúka
Allir sem ætla að æfa eða eru að æfa íþrótt/-ir hjá Tindastóli í vetur þurfa að vera skráðir inní nýtt skráningarkerfi Skagafjarðar tim.skagafjordur.is
Þar eru í boði knattspyrna, körfubolti, frjálsar íþróttir, sund og skíði. Til að skrá börnin þarf að fara á heimasíðuna http//tim.skagafjordur.is (ekkert www. á undan) og fylgja leiðbeiningunum þar. Þeim sem ekki hafa aðgang að tölvu er bent á að koma í Hús frítímans á opnunartíma hússins og fá aðstoð þar.
Kerfið er hannað til þess að auðvelda foreldrum, þjálfurum, íþróttadeildunum og sveitarfélaginu að halda utan um iðkendaskrána og er rukkunin gerð með einum sameiginlegum greiðsluseðli. Einnig fyrir foreldra og börn að fá æfingatöfluna á einu blaði sem kerfið gerir sjálfkrafa og foreldrar geta prentað út.
Er foreldrum bent á að þegar námskeið eða íþrótt eru valin er hægt að fara með músarbendilinn yfir það sem birtist á FRÍstundatöflunni og þá koma upplýsingar og nafn þjálfara eða námskeiðshaldara og símanúmer þeirra.
Þegar skráningu er lokið er foreldrum bent á að prenta út FRÍstundatöflu barnsins síns til þess að hafa yfirlit yfir æfingar frá janúar og fram að sumri.
ATH. Að þeir foreldrar sem hafa greitt fyrir allt árið í körfunni (þ.e. sept-maí) skulu skrá börnin sín í körfu eins og þau hafi ekki greitt fyrir það. Síðan berum við saman listana og drögum fjárhæðina (jan-maí) frá endanlega reikningnum, þannig að barnið verður skráð í körfu, fær það á FRÍstundatöfluna sína og þjálfarinn fær iðkandann á mætingalistann sinn, en foreldrar greiða ekki tvisvar sinnum fyrir körfu, hafi þau greitt fyrir allt tímabilið í körfunni.
Hvert barn í Skagafirði á aldrinum 6-16 ára á rétt á hvatarpeningum einu sinni á ári að upphæð 10.000.- að uppfylltum ákveðnum skilyrðum. Hægt er að nota hvatarpeningana á vetrar TÍMabilinu (jan-maí og sept-des) eða Sumar TÍMabilinu (júní-ágúst). Hvatarpeningarnir koma því ekki inn á þennan reikning heldur verða reiknaðir ásamt vetrartímabilinu sept.-des. 2010 á samanlagðan reikning sem þarf að ná 30.000.- og þarf barnið að stunda að minnsta kosti eina íþrótt og eitt námskeið á tímabilunum eða ef um systkinaafslátt sé að ræða.
Einnig þarf að skrá börn á tómstundanámskeið í gegnum þetta kerfi en námskeiðin hefjast föstudaginn 5. febrúar og þarf skráningu þá að vera lokið. Hægt er að velja um fjölda námskeiða á vegum Húss frítímans fyrir börn á aldrinum 8-15 ára eins og leiklist, skartgripagerð, kertagerð, stuttmyndagerð og kórastarf. Þessi námskeið eru í boði í Húsi frítímans og Tónlistarskólanum á föstudögum þannig að öll börn í sveitarfélaginu eigi kost að sækja þau, því þá er í boði Frístundastrætó frá Fljótum, Hofsósi, Hólum og Varmahíð.
Fleiri fréttir
-
Dagur Þór heiðraður með Silfurmerkinu
feykir.is Skagafjörður, Íþróttir, Lokað efni 17.03.2025 kl. 12.24Þann 15. mars sl. fór fram Körfuknattleiksþing KKÍ á Grand Hótel í Reykjavík en þingið er haldið annað hvert ár. Á þessu þingi sitja fulltrúar frá aðildarfélögum og sambandsaðilum KKÍ og er stjórn KKÍ kosin á þessu þingi. Þá eru einnig veitt heiðursviðurkenningar og var Dagur Þór Baldvinsson, formaður Körfuknattleiksdeildar Tindastóls, heiðraður með Silfurmerkinu að þessu sinni. Þeir sem hljóta Silfurmerkið þurfa að hafa unnið vel og dyggilega að eflingu körfuknattleiksíþróttarinnar í áratug eða lengur. Feykir óskar Degi til hamingju með viðurkenninguna.Meira -
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.