Skemmtileg Sódóma
Nemendafélag FNV frumsýndi leikritið Sódómu eftir Felix Bergsson á Sal Bóknámshússins í gærkvöldi. Margt var um manninn bæði í salnum sem og á sviðinu.
Sýningin stóð vel undir væntingum og meira en það. Leikarar eru mjög góðir og valda sínum hlutverkum með ágætum og allir aðalleikarar ná að halda góðu tempói í sýningunni. Það er varla hægt að draga einn leikara fram fremur en annan en samt langar mig að minnast á persónuna Guggu sem var Brjánsi í kvikmyndinni. Ekki veit ég hvort Gugga sé í handriti Felix eða hvort leikstjórarnir hafi breytt Brjánsa í trukkalessuna Guggu í þessari uppsetningu, en hvort sem er þá er hún óborganleg persóna og vel leikin.
Hvernig setur maður bíómynd á svið? Þessari spurningu skaust upp í huga mér áður en ég hélt á sýningu. Ég sá myndina fyrir mörgum árum og man að sögusvið hennar var um allan Reykjarvíkurbæ og hugsaði hvernig þetta yrði leyst. Leikmynd leikritsins Sódómu var eins einföld og hægt er að hafa í leikriti án þess að það komi niður á sýningunni og í raun skemmtilegt að sjá hvað hún virkaði vel í samspili ljósa og reykvélar. Nokkur atriðin voru tekin upp á myndband og varpað á sýningartjald og voru það nokkrar útisenur. Þetta féll vel að sýningunni og tókst vel í alla staði. Notast var við lifandi tónlistarflutning sem gerir sýninguna enn skemmtilegri en ella og frábærir tónlistarmenn á ferðinni.
Leikstjórarnir Stefán Friðrik Friðriksson og Sigurlaug Vordís Eysteinsdóttir hafa náð að gera skemmtilega sýningu úr Sódómu enda með góðan efnivið leikara, tónlistarmanna og að sjálfsögðu þeirra sem ekki sjást á sviði en í raun eiga stóran hlut í að skapa leikritið. Það eru allir þeir sem vinna á bakvið og þeir sem hafa lagt mikla vinnu í undirbúning og umgjörð sýningarinnar. Ég get óhikað hvatt alla til að mæta á sýningu NFNV og skemmta sér eina kvöldstund.
E.s. Einhversstaðar var varað við ógætilegum munnsöfnuði í leikritinu og gott að hafa það í huga áður en farið er á sýningu. Annars tók ég 7 ára gamla dóttur mína með sem fannst leikritið frábært og hún veit að þennan munnsöfnuð má hún ekki hafa eftir.
Fleiri fréttir
-
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira -
Ísmót á Svínavatni
feykir.is Austur-Húnavatnssýsla, Lokað efni 14.03.2025 kl. 09.45Til stendur að halda Ísmót á Svínavatni laugardaginn 22. mars eða sunnudaginn 23. mars það getur verið áskorun á Íslandi að ákveða dagsetningu fyrir þessa tegund af móti því þetta verður ekki gert nema veður, ís og önnur skilyrði reynast í lagi.Meira -
Stærsta gjöf í sögu Skagfirðingasveitar | Hafdís Einarsdóttir skrifar
feykir.is Skagafjörður, Aðsendar greinar 14.03.2025 kl. 09.30Á laugardaginn fáum við í Skagfirðingasveit rausnarlegustu gjöf í sögu björgunarsveitarinnar afhenta. Flestir hér í Skagafirði þekkja væntanlega raunasöguna um það hvernig nýjum og fullkomnum björgunarbáti sem við höfðum keypt og greitt fyrir var að stórum hluta til beinlínis stolið af okkur. Báturinn var því aldrei smíðaður og hátt í tíu milljónir króna sem við höfðum safnað fóru í súginn. Færri vita e.t.v. að FISK Seafood, sem styrkt hafði kaupin með umtalsverðum hætti ákvað að bæta okkur skaðann með því að fjármagna að fullu nýjan og jafnvel enn fullkomnari björgunarbát. Andvirði bátsins, sem hlotið hefur nafnið Aldan, er um 20 milljónir króna og þarf kannski ekki að taka það fram að þessi gjöf er sú langstærsta sem Skagfirðingasveit hefur nokkru sinni veitt viðtöku.Meira -
Ákveðið að selja skrifstofuhúsnæði sveitarfélagsins við Faxatorg
feykir.is Skagafjörður, Lokað efni 14.03.2025 kl. 08.09Á fundi sveitarstjórnar Skagafjarðar þann 12. mars sl. var samþykkt samhljóða að selja skrifstofuhúsnæði í eigu sveitarfélagsins við Faxatorg á Sauðárkróki. Feykir spurði Einar E. Einarsson (B), forseta sveitarstjórnar, út í ástæður þess að Skagafjörður leitast nú við að selja eigninaMeira -
Þriðja mótið í Skagfirsku mótaröðinni framundan
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 13.03.2025 kl. 15.30Þriðja mótið í Skagfirsku mótaröðinni verður haldið í Svaðastaðahöllinni 22.mars næstkomandi kl 10:00. Keppt verður í Tölti og skeiði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.