Skagfirðingar slógu öðru sinni í gegn í Borgarfirði
Hið árlega golfmót burtfluttra Skagfirðinga, er heitir einfaldlega Skagfirðingamótið, fór fram í miklu blíðskaparveðri á laugardaginn í Borgarnesi. Mótið hefur verið haldið í meira en tíu ár sunnan heiða, og fór fram annað árið í röð í Borgarnesi. Yfir 80 kylfingar mættu til leiks, þar af um 20 að norðan, og komust færri að en vildu, slík er aðsóknin orðin í mótið.
Skal engan undra þar sem verðlaun eru jafnan glæsileg, hver einasti keppandi kemur heim með verðlaun - bara mismikil eftir því hve árangurinn hefur verið á golfvellinum og heppnin í úrdrætti á skorkortum!
Fyrir Skagfirðinga á höfuðborgarsvæðinu lofaði dagurinn góðu því á skiltum Vegagerðarinnar í Mosfellsbæ stóð LOGN undir Hafnarfjalli. Þegar á leiðarenda kom árla morguns var reyndar kuldatrekkur að norðan, en það breyttist fljótt í stafalogn og hita. Varla hægt að spila golf við betri aðstæður á þessum árstíma og völlurinn aldeilis frábær.
Langbesta skor dagsins, á 73 höggum, eða tveimur höggum yfir pari vallarins, átti Halldór Heiðar Halldórsson. Næstu menn voru á 80 höggum. En Skagfirðingamótið er punktakeppni og aðalverðlaunin, farandbikar, fær sá er flestum punktum nær. Það gerði Arnar Snær Kárson Maríssonar, með 41 punkt. Í næstu tveimur sætum í flokki karla komu Kristján Grétar Kristjánsson Skarphéðinssonar, með 39 punkta, og Guðbjartur Haraldsson Guðbergssonar með 38 punkta. Verðlaun voru það glæsileg að þau náðu yfir 10 efstu sætin í karla- og kvennaflokki. Geri önnur stórmót betur!
Punktahæst meðal kvenna var Sólrún Steindórsdóttir, með 37 punkta. Í öðru sæti var Kristín Inga Þrastardóttir (tengdadóttir Kára Valla) með 36 punkta og Hjördís Kristinsdóttir (kona Þórðar Hilmarssonar fv Steinullarforstjóra) varð í 3. sæti með 34 punkta.
Hjón eða pör hafa verið að auka þáttöku sína á Skagfirðingamótinu, nú kepptu alls 18 pör og flestu punkta hlutu heiðurshjónin Gunnar Þ. Guðjónsson (Gunni bakari) mótsnefndarmaður og Sólrún Steindórs, sem borið hafa hitann og þungann að undirbúningi mótsins. Samanlagt voru þau með 69 punkta. Næst þeim komu Björn Sigurðsson og Ingibjörg Guðjónsdóttir með 65 punkta.
Margs konar aukaverðlaun voru veitt, eins og fyrir næst holu og lengstu högg. Keppendur voru sumsstaðar í ham, þannig var Kristín Inga Þrastardóttir aðeins 15 cm frá holunni á 16. braut, sem er ein erfiðasta braut vallarins. Arnar Kárason var 42 cm frá holu á 2. braut, svo dæmi séu tekin. Önnur nándarverðlaun fengu Þorsteinn Þórsson, Kári Arnar Kárason, Svanborg Guðjónsdóttir, Sigurjón Hávarsson og Kristján Blöndal. Lengstu högg á 18. braut áttu Elsa Björk Péturssdóttir og Elías Þór Grönvold.
Styrktaraðilar voru fjölmargir að vanda, allt frá einstaklingum til risafyrirtækja, og vill mótsstjórn koma á framfæri kæru þakklæti til þeirra allra fyrir stuðninginn:
Flugfélag Íslands, Hótel Hamar, Alcan í Straumsvík, Icelandair, Reebook umboðið, Nike-umboðið, Golfbúðin Hafnarfirði, Hole in One, Sjöfn Sigfúsdóttir, Steinullarverksmiðjan, Orkuveita Reykjavíkur, Nói-Síríus, Kaupfélag Skagfirðinga, Sauðárkróksbakarí, Fjarðarbakarí, Reynir bakari, Passion Bakarí, Smith og Norland, Íslenska auglýsingastofan, Morgunblaðið, Steypustöðin, Veiðibúðin, Vífilfell, Vírnet Borgarnesi, Ömmubakstur, Fiskkaup, HH Trésmiðir, Íslenska umboðssalan, Nafir fasteignafélag, Lýsing og Málarasmiðjan.
Fleiri fréttir
-
Dagur Þór heiðraður með Silfurmerkinu
feykir.is Skagafjörður, Íþróttir, Lokað efni 17.03.2025 kl. 12.24Þann 15. mars sl. fór fram Körfuknattleiksþing KKÍ á Grand Hótel í Reykjavík en þingið er haldið annað hvert ár. Á þessu þingi sitja fulltrúar frá aðildarfélögum og sambandsaðilum KKÍ og er stjórn KKÍ kosin á þessu þingi. Þá eru einnig veitt heiðursviðurkenningar og var Dagur Þór Baldvinsson, formaður Körfuknattleiksdeildar Tindastóls, heiðraður með Silfurmerkinu að þessu sinni. Þeir sem hljóta Silfurmerkið þurfa að hafa unnið vel og dyggilega að eflingu körfuknattleiksíþróttarinnar í áratug eða lengur. Feykir óskar Degi til hamingju með viðurkenninguna.Meira -
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.