Skagfirðingablót í Reykjavík 2010
Þorrablót Skagfirðinga á suðvesturhorninu verður haldið föstudaginn 12. febrúar nk. Boðið verður uppá skagfirska tónlist og skemmtiatriði, en það er enginn annar en Hörður Ólafsson (Bassi) sér um dinnertónlistina, leikur undir fjöldasöng og spilar svo dúndrandi danstónlist að borðhaldi loknu.
Valinkunnir skagfirskir söngvarar taka lagið, s.s. Guðbrandur Ægir, Sandra Þorsteins, Hreindís Ylva og Ása Svanhildur, auk sem gott grín og léttur skagfirskur þorrapistill verða á sínum stað. Fleiri góðir Skagfirðingar munu einnig stíga á stokk og láta ljós sitt skína (upplýst síðar:).
Skagfirðingablót 2010 verður haldið í Húnabúð í Skeifunni 11. Húsið opnar kl 19:00 og borðhald hefst uppúr kl. 20:00. Boðið verður uppá veglegt þorrahlaðborð með öllu tilheyrandi og fyrir þá sem finnst það ómissandi verður snafs af íslensku Brennivíni á borðum. Léttvín, bjór og gos verður selt á vægu verði á staðnum, en annars mætir hver og einn með sín drykkjarföng. Miðar (fyrir þorrahlaðborð, snafs, söng, skemmtiatriði og ball) verða seldir í forsölu fram til fimmtudagsins 4. febrúar.
Miðakaup fara þannig fram að þú millifærir á reikning (sjá nr. að neðan), sendir staðfestingu á netfangið hulda.jonasdottir@glitnir.is og prentar út greiðslukvittun. Hún gildir sem aðgangsmiði og hana þarf að sýna við innganginn í Húnabúð 12. febrúar. Í forsölu, fram til fimmtudags 4. febrúar, kostar miðinn kr. 3.900,- pr pers, en kr. 4.500,- eftir það. Reikningurinn heitir Þorrablót Skagfirðinga og er nr. 0549-14-401111 – kt. 0101634479.
Ef kvöldstund með skemmtilegu fólki í ekta skagfirskum þorrablótsham er eitthvað sem hljómar spennandi í þínum eyrum, þá skaltu skrá þig hið fyrsta því sætafjöldi er takmarkaður. Hlökkum til að sjá þig á Skagfirðingablóti í Reykjavík 2010, föstudaginn 12. febrúar.
Kveðja frá undirbúningsnefnd,
Birkir Már, Hulda Jónasar (s. 866-0114), Jón Þór, Lúlla, Radda Ástvaldar (692-3924), Gústi Kára (899-6402)og Einar Sævars.
Fleiri fréttir
-
Dagur Þór heiðraður með Silfurmerkinu
feykir.is Skagafjörður, Íþróttir, Lokað efni 17.03.2025 kl. 12.24Þann 15. mars sl. fór fram Körfuknattleiksþing KKÍ á Grand Hótel í Reykjavík en þingið er haldið annað hvert ár. Á þessu þingi sitja fulltrúar frá aðildarfélögum og sambandsaðilum KKÍ og er stjórn KKÍ kosin á þessu þingi. Þá eru einnig veitt heiðursviðurkenningar og var Dagur Þór Baldvinsson, formaður Körfuknattleiksdeildar Tindastóls, heiðraður með Silfurmerkinu að þessu sinni. Þeir sem hljóta Silfurmerkið þurfa að hafa unnið vel og dyggilega að eflingu körfuknattleiksíþróttarinnar í áratug eða lengur. Feykir óskar Degi til hamingju með viðurkenninguna.Meira -
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.