Skagafjarðarrall um helgina
Skagafjarðarrallið fer fram föstudag og laugardag og munu væntanlega 23 bílar mæta til leiks og þar á meðal Íslandsmeistararnir í rallakstri, Sigurður Bragi og Ísak, sem hafa ekkert verið með í sumar. Ef þeim tekst að sigra rallið verður það í þriðja sinn í röð sem þeir vinna Skagafjarðarrallið.
Til að áhugasamir átti sig þá er hér leiðarlýsing rallsins: Keppnin er ræst frá Vörumiðlun á Sauðárkróki, ekið suður Eyrarveg – Strandveg og sem leið liggur út úr bænum og veginum fylgt þar til beygt er til vinstri inn á veg nr. 76 í átt til Siglufjarðar. Beygt til vinstri inn á afleggjaran að bænum Bakka í Viðvíkursveit og eknir 3,3 km eftir þeim vegi þar til beygt er til hægri inn á gamlan malarveg. Þar mun sérleiðin hefjast. Eknir verða 5,3 km. Að næstu ferjuleið. Þá er beygt til hægri inn á afleggjara sem merktur er Kolkuós/Ásgarður og ekið eftir honum þar til beygt er til vinstri inn á þjóðveg nr. 76, en eftir honum verða eknir 12,5 km þar til beygt er til hægri inn á veg um Deildardal gegnum hlið á móts við bæin Grafargerði. Skömmu eftir beygjuna hefst næsta sérleið og er hún 7,4 km löng. Eftir það eru aðrir 7,4 km eknir að þjóðvegi nr. 76 þar sem beygt er til vinstri og eknir um 600 m og beygt aftur inn á veginn um Deildardal. Þessi hringur verður ekinn tvisvar en að seinni umferðinni lokið verður ekið að þeim stað þar sem fyrstu sérleiðinni lauk og hún ekin í öfuga átt miðað við fyrr. Með þessu lýkur keppni á föstudagskvöldi og haldið verður aftur til Sauðárkróks fyrir næturhlé. Steinar í upphafi og lok sérleiða hafa verið merktir með appelsínugulum lit.
Á laugardagsmorgni verður keppnin einnig ræst frá Vörumiðlun og ekið til hægri (suðurs) inn á veg nr. 75 til Varmahlíðar áfram til suðurs gegnum Varmahlíð. Beygt til vinstri inn á veg 752 Mælifell ekið áfram til suðurs u.þ.b. 11 km þar sem beygt er til hægri inn á veg 751 Efribyggð. Beygt til vinstri inn á brú(Mælifellshnjúkur, Hveravellir 35) eftir u.þ.b. 1,7 km og þaðan ekið að upphafi sérleiðar u.þ.b 4,7 km frá brúnni. Sérleiðin um Mælifellsdal er 25 km og verður ekin tvisvar fram og til baka 4 sérleiðarhlutar, samtals 100 km.
Eftir er að ganga frá merkingum um upphaf og enda sérleiðar, en það mun verða gert með sama hætti og undanfarin ár.
Að loknum akstri um sérleiðir á Mælifellsdal er ekið til baka til Sauðárkróks og ekin sérleiðin Nafir.
Fleiri fréttir
-
Sveinbjörg Rut Pétursdóttir tekur við sem tímabundinn framkvæmdastjóri
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 18.03.2025 kl. 14.28Sagt var fá því í frétt fyrr í dag að Katrín M. Guðjónsdóttir hefur sagt starfi sínu lausu sem framkvæmdastjóri Samtaka sveitarfélaga á Norðurlandi vestra (SSNV) og mun láta af störfum 1. apríl nk. Stjórn SSNV hefur ákveðið að ráða Sveinbjörgu Rut Pétursdóttur, verkefnastjóra SSNV tímabundið, sem framkvæmdastjóra til 1. september 2026.Meira -
Nýjung á heimasíðu safnsins
feykir.is Skagafjörður, Lokað efni 18.03.2025 kl. 14.20Fyrir þau sem hafa í hyggju að bjóða Byggðasafni Skagfirðinga grip geta nú nálgast eyðublað á heimasíðu safnsins þar sem hægt er að senda inn upplýsingar um gripinn.Meira -
Viðgerð á götulögn
feykir.is Skagafjörður 18.03.2025 kl. 11.00Vegna viðgerða á götulögn hitaveitu við Sauðármýri verður lokað fyrir rennsli kl. 13:00 í dag, þriðjudaginn 18. mars.Meira -
Breyting á talmeinaþjónustu í Húnaþingi vestra
feykir.is Vestur-Húnavatnssýsla 18.03.2025 kl. 10.55Þann 1. apríl 2025 verður breyting á talmeinaþjónustu í Húnaþingi vestra, þetta kemur fram á vef þeirra hunathing.is. Hingað til hefur Tappa séð um fjarþjónustu í gegnum tölvu en eftir 1. apríl mun Brynhildur Þöll Steinarsdóttir talmeinafræðingur sjá um þjónustu, greiningar og gerð þjálfunaráætlana fyrir nemendur, starfsfólk og foreldra.Meira -
Langþráður nýr björgunarbátur í Skagafjörðinn
feykir.is Skagafjörður, Aðsendar greinar 18.03.2025 kl. 09.29Sl. laugardag afhenti FISK Seafood Björgunarsveitinni Skagfirðingasveit nýjan björgunarbát að gjöf. Andvirði bátsins, sem hlotið hefur nafnið Aldan, er um 20 milljónir króna og boðar koma hans á Sauðárkrók byltingu í búnaði til sjóbjörgunar og sömuleiðis björgunarstörf á hinum mikilfenglegu en um leið viðsjárverðu vötnum héraðsins. Með tilkomu Öldunnar eru tveir öflugir harðbotna björgunarbátar beggja vegna í Skagafirðinum. Aldan er í vestri en að austanverðu er Skafti í eigu björgunarsveitarinnar Grettis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.