Skagabyggð kynnir nýja heimasíðu og byggðarmerki
Nú um áramótin tók Skagabyggð í notkun nýja heimasíðu og í leiðinni var kynnt til sögunnar nýtt byggðarmerki sveitarfélagsins. Fram kemur að heimasíðan sé enn í þróun og allar góðar hugmyndir vel þegnar. Nú þegar má finna á síðunni fundargerðir sveitarstjórnar auk almennra upplýsinga um sveitarfélagið, þjónustu, sveitarstjórn og nefndir auk frétta.
Sem fyrr segir var nýtt byggðarmerki kynnt nýverið og í frétt á nýja vefnum segir að Skagabyggð hafi fengið góða jólagjöf. Hönnuður merkisins er Birgir Breiðfjörð, starfsmaður Húsnæðis- og mannvirkjastofnunar og gaf hann Skagabyggð leyfi til að nota það að vild. „Sveitarstjórn tók það fyrir á fundi sínum og samþykkti það sem byggðarmerki sveitarfélagsins. Færum við Birgi bestu þakkir fyrir þetta fallega merki,“ segir í fréttinni en fundur sveitarstjórnar fór fram 29. desember sl.
Um 90 manns búa í Skagabyggð sem er á vestanverðum Skaga í Austur Húnavatnssýslu og liggur frá Laxá í Refasveit norður að Hrafná og aftur frá Sveitarfélaginu Skagaströnd og norður á Skagatá. Þegar kosið var um sameiningu sveitarfélaganna fjögurra í Austur Húnavatnssýslu sumarið 2021 reyndust bæði Skagabyggð og Skagaströnd vera á móti sameiningu en í kjölfarið sameinuðust Blönduós og Húnavatnshreppur í sveitarfélagið Húnabyggð. Kannaður var grundvöllur fyrir sameiningu Skagastrandar og Húnabyggðar og voru íbuar Skagastrandar mjög jákvæðir fyrir sameiningu en mjótt var á munum í Skagabyggð og fór svo að ekki reyndist samstaða innan sveitarstjórnar Skagabyggðar um sameiningarviðræður og varð því ekkert af þeim.
Fleiri fréttir
-
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.