Sigurmark á síðustu stundu
Tindastóll vann mikilvægan sigur á Hetti á Sauðárkróksvelli í kvöld í spennandi leik en Stólarnir hreinlega urðu að sigra til að koma sér betur fyrir í botnslagnum. Árni Einar gerði sigurmark Stólanna í uppbótartíma í 2-1 sigri og skömmu síðar flautaði dómari leiksins til leiksloka en það var nánast í eina skiptið sem hann flautaði að einhverju gagni fyrir heimamenn.
Fyrri hálfleikur var nokkuð jafn en strax frá byrjun bar á tuði og væli hjá leikmönnum, enda var dómarinn ekki í takti við leikinn og dæmdi lítið. Það var fátt um færi og fyrsta mark leiksins kom uppúr miðjum fyrri hálfleik. Árni Einar tók þá aukaspyrnu frá vinstri kanti og setti boltann á kollinn á Stefáni Arnari sem sneiddi boltann upp í hægra bláhornið. Davíð Rúnars sýndi ágæta takta í sókn Stólanna og var ógnandi, nautsterkur og gráðugur. 1-0 í hálfleik.
Gestirnir komu ákafari til leiks í síðari hálfleik og pressuðu Tindastólsmenn nokkuð. Þeir áttu margar hættulegar sendingar fyrir mark Stólanna en lukkan lék við heimamenn þangað til að um 20 mínútur voru eftir af leiknum. Þá opnuðu Hettirnir vörn Tindastóls og skoruðu laglega stöngin inn. Loks sýndu Stólarnir sóknartilburði og reyndu að halda boltanum betur innan liðsins. Bæði lið fengu tækifæri til að komast yfir; Davíð átti hörkuskot rétt framhjá og á 90. mínútu skaut Guðni naumlega yfir úr ágætu færi eftir hornspyrnu. Sigurmarkið kom þegar þrjár mínútur voru liðnar fram yfir venjulegan leiktíma; Alli tók langt innkast inn á vítateig Hattar og eftir smá darraðadans í teignum barst boltinn til Árna Einars í upplögðu skotfæri og hann flengdi boltann í markið við mikinn fögnið leikmanna og stuðningsmanna Tindastóls. Gestirnir fengu í kjölfarið gott færi til að jafna en brást sem betur fer bogalistinn. Lokatölur 2-1.
Með sigrinum skaust Tindastóll úr ellefta sæti í það tíunda en heil umferð var leikin í kvöld í 2. deildinni. Magni tapaði heima gegn Hvöt og færðist við það niður í fallsæti en Víðir gerði jafntefli og er stigi ofar en Stólarnir. Botnlið Hamars sigraði hins vegar topplið Reynis úr Sandgerði og botnbaráttan er því að verða æsispennandi og ljóst að í þessari deild geta allir unnið alla.
Fleiri fréttir
-
Sveinbjörg Rut Pétursdóttir tekur við sem tímabundinn framkvæmdastjóri
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 18.03.2025 kl. 14.28Sagt var fá því í frétt fyrr í dag að Katrín M. Guðjónsdóttir hefur sagt starfi sínu lausu sem framkvæmdastjóri Samtaka sveitarfélaga á Norðurlandi vestra (SSNV) og mun láta af störfum 1. apríl nk. Stjórn SSNV hefur ákveðið að ráða Sveinbjörgu Rut Pétursdóttur, verkefnastjóra SSNV tímabundið, sem framkvæmdastjóra til 1. september 2026.Meira -
Nýjung á heimasíðu safnsins
feykir.is Skagafjörður, Lokað efni 18.03.2025 kl. 14.20Fyrir þau sem hafa í hyggju að bjóða Byggðasafni Skagfirðinga grip geta nú nálgast eyðublað á heimasíðu safnsins þar sem hægt er að senda inn upplýsingar um gripinn.Meira -
Viðgerð á götulögn
feykir.is Skagafjörður 18.03.2025 kl. 11.00Vegna viðgerða á götulögn hitaveitu við Sauðármýri verður lokað fyrir rennsli kl. 13:00 í dag, þriðjudaginn 18. mars.Meira -
Breyting á talmeinaþjónustu í Húnaþingi vestra
feykir.is Vestur-Húnavatnssýsla 18.03.2025 kl. 10.55Þann 1. apríl 2025 verður breyting á talmeinaþjónustu í Húnaþingi vestra, þetta kemur fram á vef þeirra hunathing.is. Hingað til hefur Tappa séð um fjarþjónustu í gegnum tölvu en eftir 1. apríl mun Brynhildur Þöll Steinarsdóttir talmeinafræðingur sjá um þjónustu, greiningar og gerð þjálfunaráætlana fyrir nemendur, starfsfólk og foreldra.Meira -
Langþráður nýr björgunarbátur í Skagafjörðinn
feykir.is Skagafjörður, Aðsendar greinar 18.03.2025 kl. 09.29Sl. laugardag afhenti FISK Seafood Björgunarsveitinni Skagfirðingasveit nýjan björgunarbát að gjöf. Andvirði bátsins, sem hlotið hefur nafnið Aldan, er um 20 milljónir króna og boðar koma hans á Sauðárkrók byltingu í búnaði til sjóbjörgunar og sömuleiðis björgunarstörf á hinum mikilfenglegu en um leið viðsjárverðu vötnum héraðsins. Með tilkomu Öldunnar eru tveir öflugir harðbotna björgunarbátar beggja vegna í Skagafirðinum. Aldan er í vestri en að austanverðu er Skafti í eigu björgunarsveitarinnar Grettis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.