Siglarar funduðu í gærkvöldi
Í gærkvöldi var haldinn aðalfundur Siglingaklúbbsins Drangey á Sauðárkróki þar sem framtíðarsýn siglinga í Skagafirði og hugmyndir um skipulag umhverfis Suðurgarðs voru rædd.
Auk almennra aðalfundarstarfa voru tillögur að húsnæði og aðstöðu Siglingaklúbbsins Drangey á dagskrá sem og verkáætlun vegna framkvæmda. Klúbburinn er starfræktur í bráðabirgðaaðstöðu við Suðurgarðinn á Sauðárkróki en fram kom að verið er að reyna að koma aðstöðu klúbbsins á skipulagstillögu svetarfélagsins. Þá voru væntanleg bátakaup skoðuð en klúbburinn er í stöðugri sókn með námskeiðum og væntanleg verður tekið upp samstarf við grunnskólana í firðinum. Þá kom fram að fjárhaldsmálin væru í jafnvægi en jafnframt ákveðið að taka upp félagsgjöld sem ekki var krafist áður. Sama stjórn bauð sig fram til áframhaldandi starfa og var hún kosin með dynjandi lófaklappi. Stjórnin er þannig skipuð:
- Jakob F. Þorsteinsson formaður,
- Hallbjörn Björnsson gjaldkeri
- Hjördís E. Guðjónsdóttir ritari
- Ingvar Páll Ingvarsson
- Steinunn Rósa Guðmundsdóttir
Síðast liðið sumar tóku nokkrir meðlimir klúbbsins sig til og keyptu skútu sem ber nafnið Ögn en hún er smíðuð hjá Trefjum í Hafnarfirði. Ögnin er af gerðinni Micro 18 og er 18 feta, smíðuð 1981 og er fyrsta skútan sinnar tegundar, eintak númer 01. Það var á stofnfundi félagsins sem sú hugmynd kviknaði að nokkrir félagar tækju sig saman og keyptu litla skútu. Síðsumars fannst svo heppileg skúta og varð áhuginn það mikill að alls urðu eigendurnir 18 að tölu. Mikill áhugi er hjá félögum innan klúbbsins að kaupa aðra skútu og má ætla að slík kaup muni hleypa auknum krafti og áhuga í starfið.
Fleiri fréttir
-
Breyting á talmeinaþjónustu í Húnaþingi vestra
feykir.is Vestur-Húnavatnssýsla 18.03.2025 kl. 10.55Þann 1. apríl 2025 verður breyting á talmeinaþjónustu í Húnaþingi vestra, þetta kemur fram á vef þeirra hunathing.is. Hingað til hefur Tappa séð um fjarþjónustu í gegnum tölvu en eftir 1. apríl mun Brynhildur Þöll Steinarsdóttir talmeinafræðingur sjá um þjónustu, greiningar og gerð þjálfunaráætlana fyrir nemendur, starfsfólk og foreldra.Meira -
Langþráður nýr björgunarbátur í Skagafjörðinn
feykir.is Skagafjörður, Aðsendar greinar 18.03.2025 kl. 09.29Sl. laugardag afhenti FISK Seafood Björgunarsveitinni Skagfirðingasveit nýjan björgunarbát að gjöf. Andvirði bátsins, sem hlotið hefur nafnið Aldan, er um 20 milljónir króna og boðar koma hans á Sauðárkrók byltingu í búnaði til sjóbjörgunar og sömuleiðis björgunarstörf á hinum mikilfenglegu en um leið viðsjárverðu vötnum héraðsins. Með tilkomu Öldunnar eru tveir öflugir harðbotna björgunarbátar beggja vegna í Skagafirðinum. Aldan er í vestri en að austanverðu er Skafti í eigu björgunarsveitarinnar Grettis.Meira -
Katrín segir upp sem framkvæmdastjóri SSNV
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 18.03.2025 kl. 08.54Í fundargerð SSNV frá 11. mars síðastliðnum kemur fram að Katrín M Guðjónsdóttir, sem verið hefur framkvæmdastjóri SSNV í um það bil tvö og hálft ár, hefur lagt fram uppsögn á starfi sínu með ósk um að láta að störfum hið fyrsta. Stjórn SSNV þakkaði Katrínu fyrir vel unnin störf í þágu samtakanna og samfélagsins alls og óskar henni velfarnaðar í nýju starfi.Meira -
Stólastúlkur með sigur í síðustu umferð Lengjubikarsins
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 17.03.2025 kl. 23.08„Við erum mjög ánægð með leikinn í gær heilt yfir. Fylkir féll í fyrra og hefur misst nokkra öfluga leikmenn en voru þó með hörku leikmenn i gær og úr varð mjög flottur leikur,“ sagði Donni þjálfari Sigurðsson þegar Feykir spurði hann hvað honum hefði fundist um leikinn en lið Tindastóls bar sigurorð af Fylki í lokaumferð riðlakeppni Lengjubikarsins á sunnudaginn. Lokatölur 2-0.Meira -
Dagur Þór heiðraður með Silfurmerkinu
feykir.is Skagafjörður, Íþróttir, Lokað efni 17.03.2025 kl. 12.24Þann 15. mars sl. fór fram Körfuknattleiksþing KKÍ á Grand Hótel í Reykjavík en þingið er haldið annað hvert ár. Á þessu þingi sitja fulltrúar frá aðildarfélögum og sambandsaðilum KKÍ og er stjórn KKÍ kosin á þessu þingi. Þá eru einnig veitt heiðursviðurkenningar og var Dagur Þór Baldvinsson, formaður Körfuknattleiksdeildar Tindastóls, heiðraður með Silfurmerkinu að þessu sinni. Þeir sem hljóta Silfurmerkið þurfa að hafa unnið vel og dyggilega að eflingu körfuknattleiksíþróttarinnar í áratug eða lengur. Feykir óskar Degi til hamingju með viðurkenninguna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.