Saga Þuríðar Hörpu Kafli 3
Við hófum á dögunum að fylgjast með sögu Þuríðar Hörpu hér á Feyki en Þuríður bloggar á síðu sinni oskasteinn.com. Í dag birtum við kafla þrjú í sögu Þuríðar og minnum á á sala óskasteinanna er hafin.
Ég vaknaði seinni partinn eða undir kvöld minnir mig, man lítið nema ég var á gjörgæslu og mikið af blikkandi tækjum og snúrum allt í kring og annað slasað fólk í næstu rúmum. Hvítir englar komu reglulega til mín skoðuðu tækin og töluðu til mín. Önnur nóttin á spítalanum leið, ég rankaði við mér öðru hvoru en veit ekki hversu oft, finnst þó að ég hafi þjáðst af uppköstum og ógleði sem stafaði líklega af morfíni. Daginn eftir var ég færð inn á einstaklingsstofu þar sem gjörgæslan var full. Mér leið ágætlega en var svoldið verkjuð, skurðlæknirinn kom og talaði við mig og sagði mér að aðgerðin hefði heppnast vel. Hann hefði þurft að fjarlægja beinbrot úr 7 hryggjarlið og búa þannig um að hryggjarliðurinn fylltist aftur af beini (skrifa þetta bara eins og ég skyldi það) síðan hefði þurft að spengja yfir 5 hryggjarliði þ.e. frá 5. til 9. Ég gerði mér enga grein fyrir því þá að hér eftir yrði bakið á mér stífur klumpur með litla sem enga sveigju. Læknirinn sagði mér líka að mænan hefði ekki verið í sundur heldur mikið marin. Hann sagði að lokum að litlar líkur væru á því að ég gæti gengið aftur. En næstu mánuðir mundu skera úr um það þar sem bati kæmi í ljós í allt að ár eftir slys. Svona minnir mig að hann hafi sagt þetta, ég tók strax út setninguna að batinn kæmi í ljós á næstu mánuðum, ég var alveg viss um að það myndi gerast hjá mér, batinn kæmi hægt og sígandi, ég sem var svo heilsuhraust, varla orðið misdægurt um æfina, auðvitað færi ég á fætur. Ég lá alveg flöt og þoldi ekki að hafa kodda undir höfðinu, mér fannst best að setja hendurnar upp fyrir höfuðið þannig náði ég bestri öndun því rifbeinin sem brotnuðu gerðu mér eitthvað erfiðara að anda. Með jöfnu millibili komu hjúkrunarfræðingarnir og sprautuðu morfíni í æð við viðbeinið á mér en þar hafði verið settur æðaleggur (held það heiti það). Mér varð strax meinilla við morfínið það olli mér ógleði og svo þoldi ég ekki hvernig æðarnar þöndust út í hálsinum á mér eftir sprautuna ég fékk líka óbragð í munnin af því. Ég fékk alltaf lyf við ógleðinni þannig að ég kastaði ekki upp. Annars lá ég bara í móki og talaði við Árna sem sat hjá mér alltaf þegar ég opnaði augun.
Framhald seinna
Fleiri fréttir
-
Madagascar frumsýnt í Bifröst
feykir.is Skagafjörður, Lokað efni 20.03.2025 kl. 15.05Það var líf og fjör í Bifröst á Sauðárkróki í morgun þegar blaðamaður Feykis leit inn. Þar voru krakkarnir í 10. bekk í Árskóla að gera sig klár fyrir generalprufu en þau eru að frumsýna í kvöld leikritið Madagascar í leikstjórn Sigurlaugar Vordísar Eysteinsdóttur og Eysteins Ívars Guðbrandssonar og svo var það Emelíana Lillý Guðbrandsdóttir sem hannaði dansana.Meira -
900 þús. úr Hvatasjóði til Norðurlands vestra
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 14.57Á umfi.is segir að þrjátíu verkefni um allt land hljóta styrki upp á samtals 20,3 milljónir króna úr Hvatasjóði íþróttahreyfingarinnar. Þetta var í fyrsta skiptið sem veitt er úr sjóðnum, sem styrkir verkefni sem stuðla eiga að útbreiðslu íþróttastarfs og þátttöku allra barna á Íslandi. Næsti umsóknarfrestur verður nú í vor en alls eru 70 milljónir króna í sjóðnum árlega.Meira -
Mislitir sokkar til að fagna fjölbreytileikanum
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 14.43Á morgun er alþjóðlegur dagur Downs-heilkennis en 21. mars ár hvert er tileinkaður heilkenninu og honum fagnað víða um heim. Allsherjarþing Sameinuðu þjóðanna samþykkti árið 2011 að 21. mars ár hvert skuli vera Alþjóðlegur dagur Downs-heilkennis en eitt barn af hverjum sjö hundruð sem fæðast í heiminum er með Downs-heilkenni.Meira -
Lára Sigurðardóttir söng sig inn á Samfés
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 13.38Síðastliðinn föstudag, 14. mars, fór fram Norður Org, söngkeppni félagsmiðstöðva á Norðurlandi, fram í íþróttahúsinu á Sauðárkróki. Var þetta í fyrsta skipti sem þessi keppni er haldin á Króknum og voru þar samankomin um 550 ungmenni frá félagsmiðstöðvum víðsvegar af Norðurlandi til þess að fylgjast með sínum fulltrúum spreyta sig á sviðinu.Meira -
Neikvæð áhrif innviðagjalds mikil á Norðurlandi | Arnheiður Jóhannsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.03.2025 kl. 13.12Áhrif innviðagjalds sem lagt var á skemmtiferðaskip fyrir ferðaþjónustuna eru orðin greinileg á landinu. Áhrifanna gætir með mismunandi hætti þar sem með svo skyndilegri gjaldtöku, falla áfangastaðir úr ferðaáætlun skipanna, helst þeir sem eru lengst frá suðvesturhorninu. Þetta hefur þær afleiðingar að á meðan það verður kannski 10% samdráttur heilt yfir í höfuðborginni, þá getur orðið tugprósenta samdráttur á öðrum stöðum á landinu. Í einhverjum tilfellum stefnir í að sumir áfangastaðir missi allar skipakomur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.