Rifinn grís og kjúklingur á vöfflu
Matgæðingurinn í tbl 5 á þessu ári var Gunnar Bragi Sveinsson en sonur hans, Róbert Smári Gunnarsson, skoraði á pabba sinn að taka við boltanum í þessum matarþætti. Gunnar Bragi hefur verið áberandi í pólitíkinni fyrir hönd Framsóknarmanna en í dag er hann kenndur við Miðflokkinn og er búsettur á Reykjavíkursvæðinu en fæddur og uppalinn á Sauðárkróki.
„Hér eru tvær uppskriftir sem eru einfaldar en góðar. Sú fyrri er rifinn grís eða „pulled pork“ en seinni er sáraeinföld og kemur skemmtilega á óvart“, segir Gunnar Bragi.
RÉTTUR 1
Hægeldaður rifinn grís (pulled pork)
1 stk. grís, nei þetta er nú djók, grísabógur
2-3 laukar (til þess að setja í botninn á pottinum).
Sweet Baby BBQ sósa
hamborgarabrauð
álegg eins og t.d. salat og tómata
Ég nota grísabóg því hann fæst oft á góðu verði og þrátt fyrir að beinið sé stórt er einnig mikið af kjöti. Ég sker mest af þykku fitunni af því mér finnst allt verða löðrandi í fitu ef hún er með en það skal tekið fram að þetta er nú bara smekksatriði.
Kryddblandan á bóginn:
200 g púðursykur
4 hvítlauksrif (pressuð)
1 tsk. reykt paprikukrydd
1 tsk. paprikukrydd
1 tsk. cuminkrydd
½ tsk. cayennepipar
1 msk. ólífuolía
salt og pipar
Aðferð: Fyrst er bógurinn snyrtur og síðan kryddaður með pipar og salti eftir smekk. Blandið saman púðursykri, kryddunum og ólífuolíunni og makið vel á bóginn. Best að gera þetta með höndunum (gott að nota einnota hanska) og nudda vel á allan bóginn. Ef blandan er ekki næg að ykkar mati þá er bara að búa til meira. Ekki er verra að krydda bóginn sólarhring áður. Skerið nú tvo til þrjá lauka og setjið í botninn á potti sem rúmar bóginn. Svörtu steikarpottarnir eru fínir en ekki síðri eru steypujárnspottarnir því hvoru tveggja má fara í ofn. Leggið svo bóginn ofan á laukana, lokið pottinum og eldið í ofni við 150°C í 4 klst. (Það má hafa hitann lægri en auka þá tímann). Þegar ca. 30 mínútur eru eftir af eldunartímanum takið þá pottinn út og penslið kjötið með BBQ sósu,
ég nota sjálfur Sweet Baby Ray BBQ sósuna. Setjið pottinn aftur inn án loks og klárið eldunartímann. Þegar kjötið er fulleldað er það tekið úr pottinum og látið kólna á eldhúsbekknum. Þegar það er orðið þokkalega kalt þá takið þið tvo gaffla og rífið kjötið af beininu og tætið í sundur með þeim. Takið hamborgarabrauð, setjið BBQ sósu á botninn og lokið, salatblað og t.d. góða tómatsneið, því næst vel af rifna kjötinu og njótið. Það má vel leika sér með meðlætið með kjötinu og hvað þú vilt hafa með. Það má vel frysta rifið grísakjöt og munið að þetta er fulleldað. Mér finnst hins vegar best að hita það upp í potti og hræra smá BBQ sósu saman við.
RÉTTUR 2
Kjúklingur á vöfflu
kjúklinganaggar
vöffludeig
1/2 dós sýrður rjómi
harissa „paste“
hlynsýróp, (maple syrop)
ferskur kóríander
Aðferð: Bestu naggarnir sem ég hef komist í tæri við (hef ekki prufað að gera þá sjálfur) fást í Costco og heita Flaming Chicken Nuggets. Þeir
eru vel kryddaðir og spicy. Hitið naggana í ofni og á meðan búið þið til vöfflur og mæli ég með Vilko vöfflunum, mjög fljótlegar. Síðan takið þið ½ dós af sýrða rjómanum og hrærið saman við hann u.þ.b. msk. af Harissa kreminu (paste). Harissa er sterkt svo ég mæli með því að þið smakkið ykkur áfram með þetta. Þegar kjúklingurinn og vöfflurnar eru tilbúnar er bara að njóta. Setjið kjúklinganagga á vöffluna, setjið smávegis yfir naggana af Harissablöndunni, vel af sýrópi og stráið yfir ferskum kóríander.
Verði ykkur að góðu!
Sigga sigga sigga
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.