Rekstur Háskólans á Hólum í jafnvægi á árinu 2009
Í ljósi frétta af skýrslu Ríkisendurskoðunar um að Hólaskóli – Háskólinn á Hólum sé í hópi þeirra ríkisstofnana sem hafi ekki brugðist við rekstravanda sínum á þessu ári vill skólinn leiðrétta þennan miskilning og koma eftirfarandi á framfæri.
Brugðist hefur verið við rekstrarvandanum með mjög afgerandi hætti. Umfangsmikil hagræðing hefur átt sér stað í rekstri skólans á þessu ári og er reksturinn nú kominn í jafnvægi. Rekstraráætlun ársins 2009 gerði ráð fyrir um 113 m.kr. hagræðingu miðað við árið 2008 og að skólinn yrði rekinn innan fjárheimilda ársins.
Allt lítur út fyrir að þessu marki verði náð að mestu og viðsnúningurinn á þessu ári verði a.m.k. 100 m.kr. Þennan árangur þakkar skólinn skipulögðum vinnubrögðum, ötulli þátttöku allra starfsmanna og góðu samstarfi við menntamálaráðuneytið. Rekstrarstjórn hefur verið efld meðal annars með dyggri aðkomu tilsjónarmanns sem menntamálaráðherra skipaði í janúar 2009. Starfi tilsjónarmanns lauk í júní sl. þegar sýnt var að rekstur skólans var kominn í jafnvægi en skólinn heldur þó áfram að njóta ráðgjafar hans. Af þessu má sjá að skólinn hefur gripið til aðgerða til að bæta reksturinn á þessu ári.
Fyrrnefndur fréttaflutningur á ekki við rök að styðjast, heldur byggir bersýnilega á ófullnægjandi upplýsingum. Þó tölur Ríkisendurskoðunar um uppsafnaðan halla skólans séu réttar er ljóst að rekstrarárangur innan ársins 2009 er mjög mikill.
Háskólinn á Hólum hefur verið í örri þróun undanfarin ár, nemendum hefur fjölgað mikið og skólinn sinnir mörgum rannsóknaverkefnum. Háskólastarf Hólaskóla hlaut viðurkenningu menntamálaráðuneytis árið 2008. Fjárveitingar hins opinbera jukust þó ekki í samræmi við þessa þróun skólans. Í ljósi aðhalds í fjárlagagerð haustið 2008 varð áætlun stjórnvalda um aukin opinber framlög til skólans fyrir yfirstandandi ár ekki að veruleika. Því var gripið til ofangreindra aðgerða á þessu ári til að rétta rekstur skólans við til framtíðar og hefur árangurinn orðið sá sem að ofan greinir.
Fleiri fréttir
-
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira -
Ísmót á Svínavatni
feykir.is Austur-Húnavatnssýsla, Lokað efni 14.03.2025 kl. 09.45Til stendur að halda Ísmót á Svínavatni laugardaginn 22. mars eða sunnudaginn 23. mars það getur verið áskorun á Íslandi að ákveða dagsetningu fyrir þessa tegund af móti því þetta verður ekki gert nema veður, ís og önnur skilyrði reynast í lagi.Meira -
Stærsta gjöf í sögu Skagfirðingasveitar | Hafdís Einarsdóttir skrifar
feykir.is Skagafjörður, Aðsendar greinar 14.03.2025 kl. 09.30Á laugardaginn fáum við í Skagfirðingasveit rausnarlegustu gjöf í sögu björgunarsveitarinnar afhenta. Flestir hér í Skagafirði þekkja væntanlega raunasöguna um það hvernig nýjum og fullkomnum björgunarbáti sem við höfðum keypt og greitt fyrir var að stórum hluta til beinlínis stolið af okkur. Báturinn var því aldrei smíðaður og hátt í tíu milljónir króna sem við höfðum safnað fóru í súginn. Færri vita e.t.v. að FISK Seafood, sem styrkt hafði kaupin með umtalsverðum hætti ákvað að bæta okkur skaðann með því að fjármagna að fullu nýjan og jafnvel enn fullkomnari björgunarbát. Andvirði bátsins, sem hlotið hefur nafnið Aldan, er um 20 milljónir króna og þarf kannski ekki að taka það fram að þessi gjöf er sú langstærsta sem Skagfirðingasveit hefur nokkru sinni veitt viðtöku.Meira -
Ákveðið að selja skrifstofuhúsnæði sveitarfélagsins við Faxatorg
feykir.is Skagafjörður, Lokað efni 14.03.2025 kl. 08.09Á fundi sveitarstjórnar Skagafjarðar þann 12. mars sl. var samþykkt samhljóða að selja skrifstofuhúsnæði í eigu sveitarfélagsins við Faxatorg á Sauðárkróki. Feykir spurði Einar E. Einarsson (B), forseta sveitarstjórnar, út í ástæður þess að Skagafjörður leitast nú við að selja eigninaMeira -
Þriðja mótið í Skagfirsku mótaröðinni framundan
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 13.03.2025 kl. 15.30Þriðja mótið í Skagfirsku mótaröðinni verður haldið í Svaðastaðahöllinni 22.mars næstkomandi kl 10:00. Keppt verður í Tölti og skeiði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.