Rækjur á salati, nautabuff og eplakaka frá mömmu
Matgæðingar vikunnar í 9. tbl. Feykis 2017 voru þau Bryndís Bjarnadóttir og Ágúst Jónsson á Ytra-Skörðugili. Þau buðu upp á rækjuforrétt með sterkri sósu, sinepskryddað nautabuff í aðalrétt og að lokum ljúffenga eplaköku í eftirrétt. „Ég er heimilisfræðikennari í Varmahlíðarskóla og hef áhuga á matseld en húsbóndinn sér um að grilla. Forrétturinn er mjög góður á hlaðborð og eplakakan er uppskrift frá móður minni og var mjög oft á sunnudögum á mínu æskuheimili. Hún er líka vinsæl á okkar heimili,“ segir Bryndís.
FORRÉTTUR
Rækjur á salati m/ sterkkryddaðri dressingu að hætti Louisana-búa
Fyrir 6 manns
500 g rækjur
2 stk. avókadó
½ haus íssalat
⅓ gúrka, kjarnhreinsuð og skorin í sneiðar
2 stk. sítrónur
12 stk. kirsuberjatómatar
Dressing:
1 laukur
1 chili-pipar, kjarnhreinsaður og skorinn gróft
5 - 8 hvítlauksgeirar, gróft saxaðir
1 tsk cummin
1 tsk kóríander
1 msk maisolía
1 dl hvítvínsedik
1 dl púðursykur
1 dl barbekjúsósa
2 msk tómat-púrra
2½ dl kjúklingasoð
1 rauð paprika, kjarnhreinsuð og skorin í strimla
¼ blaðlaukur, skolaður og skorinn í strimla
Aðferð:
Laukur, chili-pipar og hvítlauksgeirar léttsteiktir upp úr maisolíu ásamt cummin og kóríanderdufti. Hellið hvítvínsediki, barbekjúsósu og tómatpúrru ásamt púðursykri yfir. Látið allt krauma vel saman og hellið soðinu yfir. Látið sjóða í u.þ.b. 20 mín. við vægan hita. Sigtið vel og látið paprikustrimlana og blaðlaukinn út í heita, sigtaða sósuna. Kælið sósuna.
Skerið avókadóin í teninga, blandið saman við rækjur. Hellið kaldri sósunni yfir og blandið vel saman. Setjið salatið á fat, síðan rækjur ásamt avókadóinu og skreytið með tómötum, gúrkum og sítrónum.
AÐALRÉTTUR
Sinnepskryddað nautabuff fyrir 4
800 g nautalund/hrossalund
hvítlaukspipar
olía
1 laukur
u.þ.b. 10 ferskir sveppir í sneiðum
2 paprikur (græn og rauð), skornar í strimla
1 dl rjómi
1 - 2 dl vatn
1 tsk kjötkraftur
2 msk sinnep
græn piparkorn
skvetta af cognac eða sherry
Aðferð:
Skerið kjötið í 3-4 cm þykkar sneiðar, berjið aðeins með hnefanum ofan á sárið. Kryddið með hvítlaukspipar og látið standa í 5-10 mín. Steikið sneiðarnar í olíu á vel heitri pönnu í 3-5 mín. á hvorri hlið. Takið af og setjið inn í álpappír til að halda þeim heitum á meðan sósan er löguð. Laukur, sveppir og paprika eru látin krauma í feiti á pönnunni smá stund. Bætið rjóma, vatni, kjötkrafti og sinnepi á pönnuna, bragðbætið með grænum pipar ef þurfa þykir. Látið sjóða í nokkrar mín. Að lokum er víni bætt út í og sósan bragðbætt.
Kjötið sett á fat og sósunni helt yfir. Borið fram með kartöflum og grænmeti að eigin vali.
EFTIRRÉTTUR
Eplakaka
½ kg epli
sykur eftir smekk
1 dl vatn
150 g brauðmylsna (best heima gerð)
50 g sykur
50 g smjör
rjómi
saxað súkkulaði
Aðferð:
Eplin afhýdd og skorin í bita, soðin í mauk, ásamt sykri og vatni, kæld. Smjörið brætt á pönnu, sykri og brauðmylsnu bætt út í og látið hitna vel og bakast aðeins, kælt. Síðan er þetta sett í lögum í mót, fyrst smá brauðmylsna, síðan eplamauk og til skiptis og endað á brauðmylsnu.
Þeyttur rjómi settur ofan á og saxað súkkulaði.
Best er að láta kökuna bíða yfir nótt og setja síðan rjómann yfir, áður en borið er fram.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.