Pétur Jóhann Sigfússon sturlaðist af hræðslu þegar móðir hans skellti sér í grænan jólasveinabúning
Suður-Ameríski draumurinn hefur slegið í gegn hjá áhorfendum Stöðvar 2 en þar þeysast tvö lið skipuð þeim Audda og Steinda jr. annars vegar og Sveppa og Pétri Jóhanni hins vegar um Suður-Ameríku í kapphlaupi við tímann og leysa ævintýralegar þrautir. Auk þess koma strákarnir sér í vægast sagt afkáralegar og sprenghlægilegar aðstæður sem eru að sjálfsögðu ætlaðar til að kæta áhorfendur.
Allir vita að Auddi er Króksari fram í fingurgóma og hefur lagt sig í líma við að kynna bæinn fyrir landanum í gegnum tíðina en færri vita að Pétur Jóhann tengist Sauðárkrók sterkum böndum. Á eftirminnilegan hátt veifaði hann fæðingarvottorði sínu af sviðinu í íþróttahúsinu á Sauðárkróki á Króksblóti fyrir fáum árum. Á því stendur að hann er fæddur á Sauðárkróki 21. apríl 1972.
Þannig var að Pétur Jóhann bjó með foreldrum sínum Miklabæ í Akrahreppi þar sem faðir hans var prestur. Hann var þó ekki lengi búsettur í Skagafirði þar sem foreldrar hans, Sigfús Jón Árnason og Jóhanna Sigríður Sigurðardóttir, ákváðu að slíta samvistum og hann flutti suður með móður sinni ungur að árum. En Feykir langaði til að vita hvort hann myndi eitthvað frá Skagafjarðarárunum.
„Við vorum sem sagt fjórir bræður á þessum árum. Sigurður Kári, (1962); Árni Jón, (1969) ég, (1972) og Sigfús (1974). Ég var nú svo ungur þegar ég flutti í borgina, ég held að ég hafi verið fimm ára, þannig að það er ekki mikið sem ég man frá þessum árum. Þær fáu minningar sem ég hef um Skagafjörðinn eru virkilega góðar. Pabbi var prestur á Miklabæ í Blönduhlíðinni í Skagafirðinum og það var alltaf mikið um að vera. Bæði sem tengdist búskap og kirkjunni. Mamma spilaði á orgelið í kirkjunni og fólk kom alltaf eftir Guðsþjónustu og fékk sér kaffi og með því. Það var alltaf mikið fjör man ég.“
Hafa jólin einhverja sérstaka merkingu fyrir þig?
„Ég upplifi jólin voða mikið í gegnum börnin nú orðið. Það er svo gaman að upplifa jól í gegnum börnin. Það er svo mikil spenna í kringum það. Og svo náttúrlega samanber með fjölskyldunni.
Hver er fyrsta minning þín tengd jólum?
„Það er þegar móðir mín skellti sér í grænan jólasveina búning á Miklabænum. Það var svakalegt! Ég gjörsamlega sturlaðist af hræðslu. Enda ekki við öðru að búast. Grænn jólasveinabúningur!“
Hver er eftirminnilegasta jólagjöfin?
„Það er gul snjóþota með bremsum.“
Hvernig eru dæmigerð jól hjá þér í dag?
„Það er bara verið að hafa það eins rólegt og afslappað og hægt er. Allur asi fer illa í mig.“
Hver er uppáhalds jólakökusortin?
„Brún randalína.“
Nú er verið að sýna Suður-Ameríska drauminn á Stöð 2, hvað var skemmtilegast við tökur á honum?
„Við vorum þarna í fjórar vikur. Það er frekar erfitt að setja fingur á eitthvað eitt. Þetta er allt gríðarlega skemmtilegt og algjör forréttindavinna.“
Hvor er meiri Skagfirðingur þú eða Auddi?
„Tja…….nú veit ég ekki. Ég fæ alltaf mikla vellíðunartilfinningu þegar ég kem í Skagafjörðinn. Ég var náttúrulega líka í sveit þar, á Uppsölum í Blönduhlíðinni. En ég veit svo sem ekki með það hvor okkar er meiri Skagfirðingur. Enda kannski erfitt að skera úr um það.“
Eitthvað sem þú vilt koma á framfæri?
„Nei, ég er rosa góður bara . Takk takk.“
Áður birst í 25. tbl. Feykis 2018
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.