Pestó kjúklingaréttur og meðlæti
Sigrún Elva Benediktsdóttir var matgæðingur í tbl 5 á þess ári og er Sigrún fædd og uppalin á Sauðárkróki en flutti heim í fyrra sumar eftir að hafa búið síðustu tíu ár í Svíþjóð þar sem hún kynntist barnsföður sínum, Shaher, sem kemur frá Sýrlandi og eiga þau saman tvo stráka.
Hvað varðar matseldina á heimilinu þá hafa þau verið frekar dugleg að prófa sig áfram og gera rétti úr hinum ýmsum áttum, en Shaher er snillingur í arabískri matargerð og fær reglulega að njóta sín í eldhúsinu. Sigrún er meira fyrir að gera rétti sem taka ekki langan tíma að elda en eru þó bragðgóðir og næringarríkir.
Pestó kjúlli
Kjúklingur (best að hafa lundir eða bringur)
2 krukkur af rauðu pestói
1/3 - ½ kassi af ferskum döðlum
½ krukka svartar ólífur
1 krukka fetaostur
kasjúhnetur
steinselja
Aðferð: Hitið ofninn og stillið á 180°C. Kjúklingur settur í eldfast mót, pestói dreift yfir kjúklinginn og síðan er restin af innihaldsefnunum skorið niður og dreift yfir kjúklinginn, fetaostinum er dreift yfir eins og hann er, s.s. ekki skorinn niður. Í þessum rétti er best að hafa nóg af öllu, sérstaklega nóg af pestói, döðlum, ólífum og fetaosti og ekki skera ólífurnar né döðlurnar of smátt. Rétturinn fer síðan inn í ofn og eldaður í 35-45 mín. eða þar til kjúklingurinn er fulleldaður. Gott er að bera fram hrísgrjón og salat með þessum rétti.
Hrísgrjón:
Ghee eða smjör
salt eða krydd eftir smekki
Aðferð: Eitt stórt glas af hrísgrjónum sett í skál og vatn yfir. Hrísgrjónin látin liggja í bleyti í 30 mín. -1 klst. áður en byrjað er að sjóða þau. Vatninu er síðan hellt í vaskinn (þetta vatn er s.s. ekki notað meira). Því næst er 1 msk. af Ghee eða smjöri sett í pott og látið bráðna og hrísgrjónin sett í pottinn og þetta hrært saman í smá stund. Gott að setja smá salt yfir. Síðan er 1½–2 glösum af vatni bætt við og sett á hæstu stillingu. Þegar vatnið er næstum allt farið er hitinn lækkaður niður í tvo, smá smjörklípa sett á grjónin og lokið sett yfir pottinn. Þegar vatnið er alveg gufað upp þá eru hrísgrjónin tilbúin. Til þess að gera hrísgrjónin „perfecto“ þá er æðislegt að þurrrista t.d. valhnetur, kasjúhnetur, möndlur (án hýðis) eða/ og salthnetur og leggja yfir hrísgrjónin. Best er að byrja á því að setja hrísgrjónin i vatn áður en byrjað er að matreiða kjúklingaréttinn.
Tabbouleh salat:
¼ -½ glas Bulgur (mjög fínar)
100 g steinselja (slatti af steinselju og helst steinselja með stórum blöðum)
50 g mynta
4 vorlaukar eða 1 rauðlaukur, má líka sleppa
3-4 tómatar
1 gúrka
2-3 sítrónur
1-2 chili, má líka sleppa
3-4 tsk. ólífuolía
1 tsk. salt
Á virkum dögum þá höfum við oftast venjulegt salat með matnum en um helgar eða þegar við fáum gesti til okkar í mat finnst okkur gaman að gera
Tabbouleh sem er mjög ferskt salat frá Miðjarðarhafinu og er mikið borðað í Miðausturlöndum. Það tekur smá tíma að gera salatið en það er alveg þess virði og algjört partý fyrir bragðlaukana. Tabbouleh er steinseljusalat þannig það þarf að hafa nóg af henni.
Aðferð: Byrjað er á því að setja Bulgur í glas og kreista sítrónusafa yfir og blanda þessu saman. Á meðan þetta bíður í glasinu þarf að saxa allt grænmetið mjög smátt. Þegar það er búið þá er grænmetinu og Bulgur blandað saman og salti stráð yfir og ólífuolíunni helt yfir salatið og öllu blandað saman og Voila!
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.