Partýréttir sem aldrei klikka
Það voru þau Hrefna Dögg Þorsteinsdóttir og Guðmundur Henry Stefánsson á Skagaströnd sem sáu um matarþátt Feykis í 47. tbl. Feykis í desember árið 2018. Þau gáfu lesendum uppskriftir að nokkrum partýréttum sem klikka aldrei. „Fyrsti rétturinn er frá Maju vinkonu,“ sagði Hrefna Dögg, „ég smakkaði hann fyrst þegar ég var hjá henni á áramótunum og tengi ég hann því alltaf við áramótin. Þetta er fljótlegt og ofureinfalt og er gert við hvert tækifæri hjá okkur.“
RÉTTUR 1
Maju lefsur
1 pakki Vestlands lefsa (fæst í flestum búðum)
Ég hef tvenns konar fyllingar í þeim, annars vegar túnfisk og svo reyktan silung.
Ég byrja á því að mýkja lefsurnar. Breiði út plastfilmu sem er aðeins stærri en ein lefsa á borðið , læt kalt vatn renna yfir eina lefsu í einu og passa að það fari vatn á alla lefsuna, báðar hliðar. Stafla svo blautu lefsunum á plastfilmuna. Þegar ég er búin að bleyta þær allar set ég plast yfir og pakka þeim vel inn á meðan ég geri fyllingarnar.
Fylling 1:
2 dósir túnfiskur
majónes
Aromat krydd
laukduft
Aðferð:
Byrjið á því að láta vatnið/olíuna leka af túnfisknum, setjið hann svo á disk og tætið hann vel niður með gaffli. Hrærið svo majónesi saman við þannig að þetta verði eins og salat og kryddið eftir smekk með Aromati og laukdufti.
Fylling 2:
1 flak reyktur silungur (má líka vera lax)
majónes
sýrður rjómi
Aromat
sítrónusafi
Aðferð:
Skerið silunginn niður, mjög smátt, hrærið honum svo saman við majónes og sýrðan rjóma til helminga. Kryddið með Aromati og setjið smá sítrónusafa í fyllinguna.
Ein fylling dugar á um helminginn af lefsunum (sem sagt, fimm lefsur með túnfiskfyllingu og fimm með silungsfyllingu). Smyrjið fyllingunni á hverja lefsu fyrir sig, passið að skilja smá rönd eftir við endann á lefsunum til að loka þeim. Rúllið svo lefsunum upp í lengjur og geymið í ísskáp yfir nótt eða a.m.k. nokkra klukkutíma. Rétt áður en þær eru bornar fram eru þær skornar niður í sneiðar og þeim raðað á bakka. Frábær fingramatur.
RÉTTUR 2
Samlokuteningar
Brauðtertubrauð, eitthvað sem hægt er að skera í teninga (ég nota Ragnars brauðtertubotnana).
Emmenthal eða goudaostur í sneiðum
vænar skinkusneiðar
Rjómaostakrem:
150 g skinka
1 rauð paprika, smátt söxuð
220 g hreinn rjómaostur
2 msk. sætt sinnep
1 tsk. paprikuduft
2 msk. söxuð steinselja
1 msk. blaðlaukur (græni hlutinn) saxaður smátt
sítrónusafi
Aðferð:
Hrærið rjómaostinn mjúkan. Skinkan skorin smátt ásamt paprikunni og blaðlauknum. Allt sett út í rjómaostinn og hrært saman.
Majónesblanda:
100 g majónes
100 g sýrður rjómi
1 tsk. sætt sinnep
sítrónusafi
Hrærið öllu saman. Smyrjið rjómaostakreminu á neðsta brauðið, setjið brauð ofan á, smyrjið það með majónesblöndunni og raðið ostsneiðunum og skinkusneiðunum ofan á hana. Næsta brauð yfir, rjómaostakreminu smurt á það og svo er aftur sett brauð á og majónesblöndunni smurt á með osta og skinkusneiðum yfir. Síðasta brauðið er svo sett yfir, brauðtertan skorin í litla teninga og stungið í gegn með tannstöngli eða skrautpinna.
RÉTTUR 3
Marensrúlla með lakkrístoppatvisti
Marensrúllan:
Byrjið á því að stilla ofninn á 140 gráður.
4 eggjahvítur
3 dl púðursykur
1 poki piparhúðað lakkrískurl
Eggjahvítur og púðursykur þeytt vel saman. Lakkrískurli blandað varlega saman við með sleif.
Smurt á bökunnarpappírsklædda plötu og bakað í 45-50 mínútur. Takið úr ofninum og setjið smjörpappír yfir, snúið við.
Þegar botninn hefur kólnað er fyllingin sett á hann:
Fylling:
½ l þeyttur rjómi, smurður yfir botninn
1 poki Nóakropp með pipar
Botninum er svo rúllað upp.
Lakkríssósan:
1 pakki grænn Ópal
2 msk. flórsykur
2- 3 msk. rjómi
Allt sett í pott og brætt saman við lágan hita, þessu er svo hellt óreglulega yfir rúlluna þegar hún er komin á diskinn sem á að bera hana fram á.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.