Pantaði eitt kíló af flestum litum og fékk tvo fulla ruslapoka
Unnur Sævarsdóttir er fædd og uppalin í Skagafirði og hefur búið með honum Sævari sínum á Hamri í Hegranesi í 33 ár.
Hve lengi hefur þú stundað hannyrðir? Ég held að ég hafi byrjað að prjóna og sauma út í handavinnukennslu í barnaskólanum og það voru þær heiðurskonur Friðbjörg Vilhjálmsdóttir (Bíbí) og Sólveig Arnórsdóttir sem kenndu mér að sauma, prjóna og hekla.
Hvaða handavinna þykir þér skemmtilegust? Ég elska að prjóna, mér finnst það veita svo mikla slökun og hugarró, en ég hef gaman að öllu handverki og finnst t.d bútasaumur og leðurvinnsla mjög skemmtileg, og frábært þegar hægt er að tvinna það saman. Annars er gert mjög mikið grín að mér í fjölskyldunni því þegar ég fæ áhuga á einhverju nýju þá þarf ég að kaupa allt sem því tilheyrir og helst mjög mikið þar sem ég bý í sveit og get ekkert skotist út í búð ef eitthvað vantar. Ég fékk til dæmis mikinn áhuga á að vinna úr ullarkembu eitt árið og pantaði kembu frá Álafoss en áttaði mig ekki á hvað kemban er létt, ég pantaði eitt kíló af flestum litum og fékk tvo fulla ruslapoka.
Hverju ertu að vinna að um þessar mundir? Ég er aldrei með eitt verkefni í gangi. Núna er ég að prjóna peysu eftir mynstrinu Skipperinn frá knits.by.linda virkilega skemmtilegt að prjóna þetta mynstur, hekla dúllur í teppi og sauma út.
Hvar færðu hugmyndir? Hér áður fyrr fór ég mikið á bókasafnið og skoðaði bækur og einnig keypti ég mikið af handavinnubókum, en nú er það mest netið, þar finnur maður allt. Ég er í mörgum handavinnuhópum og finnst gaman að skoða hvað aðrir eru að gera.
Hvaða handverk sem þú hefur unnið ertu ánægðust með? Ég held mjög mikið upp á klukkustreng sem ég saumaði þegar ég var 14 ára og hefur hangið upp á vegg hjá mér síðan, en líklegast er ég ánægðust með skírnarkjóla sem ég gerði, annar er heklaður og hinn saumaður.
Áður birst í tbl. 38 Feykis 2022.
Fleiri fréttir
-
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.