Ósanngjörnum niðurskurði mótmælt
Boðað hefur verið til tveggja mótmælafunda vegna niðurskurðar á Heilbrigðisstofnununum á Sauðárkróki og á Blönduósi nú í dag, föstudag. Fyrir fundunum standa annars vegar Hollvinasamtök Heilbrigðisstofnunarinnar á Sauðárkróki og hins vegar fólk sem staðið hefur fyrir undirskriftasöfnun til þess að mótmæla miklum niðurskurði Heilbrigðisstofnunarinnar á Blönduósi.
En um hvað snýst málið? Og eru þetta réttmæt mótmæli?
Jú, þannig er mál með vexti að ríkisstjórnin ákvað við fjárlagagerð að marka málaflokkum sínum tiltekna fjárlagaramma. Gert var ráð fyrir að skera niður minna á velferðar og heilbrigðissviði, en öllu meira í öðrum málaflokkum. Í sjálfu sér ekki gagnrýniverð nálgun og svipar til þess sem oft hefur verið gert í aðhaldsaðgerðum ríkisins.
Síðan fylgdi sögunni að ekki ætti að skera niður flatt, sem einnig er skynsamlegt. En sú ákvörðun leggur á hinn bóginn mikla ábyrgð á herðar fagráðuneytum. Niðurskurður sem ekki er flatur verður að vera rökstuddur og á það hefur einmitt skort.
Niðurskurðurinn hlutfallslega mestur á Blönduósi og Sauðárkróki
Niðurskurðurinn sem bitnar svo harkalega á heilbrigðisstofnunum á Blönduósi og í Skagafirði er hlutfallslega miklu meiri en almenna reglan gerir ráð fyrir í heilbrigðismálunum. Niðurskurður í málaflokkum heilbrigðisráðuneytisins er að jafnaði 5%, en amk. 10 prósent hjá þessum stofnunum. Niðurskurðurinn á þessum sveimur stofnunum er lang samlega mestur, þegar skoðaðar eru tölur um sambærilegar heilbrigðisstofnanir.
Hvaða skilaboð eru það? Þau eru einföld. Það er greinilega mat heilbrigðisráðuneytisins og ráðherrans að á þessum stofnunum sé verið að halda úti þjónustu sem ekki sé ástæða til. Er það svo? Er það upplifun íbúanna? Skilaboðin eru bersýnilega að fjárframlög til þessara stofnana séu hlutfallslega of mikil. Þess vegna sé ástæða til að lækka þau. Flóknara er það ekki.
Þessu mati heilbrigðisráðuneytisins erum við að mótmæla sem ætlum að mæta til þessara funda. Við erum ósátt við þetta álit ráðuneytisins og ráðherrans.
Kallað eftir sanngirni og réttlæti
Það gera sér allir grein fyrir að draga þurfi saman seglin. Marg oft hefur komið fram hjá heimamönnum að þeir séu tilbúnir að taka á sig lægri fjárframlög, eins og aðrir. En menn kalla eftir sanngirni og réttlæti.
Það hafa ekki verið sett fram nein sannfærandi rök úr heilbrigðisráðuneytinu fyrir því að standa þannig að málum að þessar tvær stofnanir taki á sig svona mikinn niðurskurð. Mun meiri niðurskurð en aðrar stofnanir. Allt tal um að ekki eigi að skera niður flatt er í þessu tilviki skálkaskjól til þess að skera niður með óeðlilegum hætti á þessum mikilvægum heilbrigðisstofnunum, sem þar að auki eru svo gríðarlega mikilvægar stoðir í byggðunum, ekki síst í atvinnulegu tilliti.
Það er þessu sem við mótmælum og það er þessu sem við getum ekki unað. Alls ekki.
Einar Kristinn Guðfinnsson, alþingismaður
Fleiri fréttir
-
Viðgerð á götulögn
feykir.is Skagafjörður 18.03.2025 kl. 11.00Vegna viðgerða á götulögn hitaveitu við Sauðármýri verður lokað fyrir rennsli kl. 13:00 í dag, þriðjudaginn 18. mars.Meira -
Breyting á talmeinaþjónustu í Húnaþingi vestra
feykir.is Vestur-Húnavatnssýsla 18.03.2025 kl. 10.55Þann 1. apríl 2025 verður breyting á talmeinaþjónustu í Húnaþingi vestra, þetta kemur fram á vef þeirra hunathing.is. Hingað til hefur Tappa séð um fjarþjónustu í gegnum tölvu en eftir 1. apríl mun Brynhildur Þöll Steinarsdóttir talmeinafræðingur sjá um þjónustu, greiningar og gerð þjálfunaráætlana fyrir nemendur, starfsfólk og foreldra.Meira -
Langþráður nýr björgunarbátur í Skagafjörðinn
feykir.is Skagafjörður, Aðsendar greinar 18.03.2025 kl. 09.29Sl. laugardag afhenti FISK Seafood Björgunarsveitinni Skagfirðingasveit nýjan björgunarbát að gjöf. Andvirði bátsins, sem hlotið hefur nafnið Aldan, er um 20 milljónir króna og boðar koma hans á Sauðárkrók byltingu í búnaði til sjóbjörgunar og sömuleiðis björgunarstörf á hinum mikilfenglegu en um leið viðsjárverðu vötnum héraðsins. Með tilkomu Öldunnar eru tveir öflugir harðbotna björgunarbátar beggja vegna í Skagafirðinum. Aldan er í vestri en að austanverðu er Skafti í eigu björgunarsveitarinnar Grettis.Meira -
Katrín segir upp sem framkvæmdastjóri SSNV
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 18.03.2025 kl. 08.54Í fundargerð SSNV frá 11. mars síðastliðnum kemur fram að Katrín M Guðjónsdóttir, sem verið hefur framkvæmdastjóri SSNV í um það bil tvö og hálft ár, hefur lagt fram uppsögn á starfi sínu með ósk um að láta að störfum hið fyrsta. Stjórn SSNV þakkaði Katrínu fyrir vel unnin störf í þágu samtakanna og samfélagsins alls og óskar henni velfarnaðar í nýju starfi.Meira -
Stólastúlkur með sigur í síðustu umferð Lengjubikarsins
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 17.03.2025 kl. 23.08„Við erum mjög ánægð með leikinn í gær heilt yfir. Fylkir féll í fyrra og hefur misst nokkra öfluga leikmenn en voru þó með hörku leikmenn i gær og úr varð mjög flottur leikur,“ sagði Donni þjálfari Sigurðsson þegar Feykir spurði hann hvað honum hefði fundist um leikinn en lið Tindastóls bar sigurorð af Fylki í lokaumferð riðlakeppni Lengjubikarsins á sunnudaginn. Lokatölur 2-0.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.