Öruggur sigur Stólanna á Kópavogspiltum í Ými
Tindastóll fékk Ými í heimsókn á Sauðárkróksvöll í dag og fóru leikar þannig að heimamenn unnu næsta auðveldan sigur, 4-0. Ýmir er nokkurs konar ódýrari útgáfa af HK úr Kópavogi en eftir ágæta byrjun í leiknum gáfu þeir eftir og Stólarnir gengu á lagið.
Fyrsta markið leit dagsins ljós um miðjan fyrri hálfleik en fram að því höfðu bæði lið átt ágæta möguleika. Konni fékk boltann inn fyrir vörn gestanna og þrumaði boltanum upp í þaknetið með glæsibrag. Ekki leið á löngu þangað til Árni Einar bætti við öðru marki Tindastóls með viðstöðulausu þéttingsföstu skoti úr miðjum teignum eftir glæsilegan undirbúnings tenniskappans Arnars Sig. Sá kappi var í miklu stuði í fyrri hálfleik og plataði bakverði Ýmis ítrekað upp úr skónum og skapaði hvað eftir annað hættulega sénsa fyrir Stólana. Þriðja mark Tindastóls kom skömmu fyrir hlé. Loftur Páll stal boltanum af harðfylgi af bakverði Ýmis, sendi fyrir markið og Ingvi Hrannar varð á undan markmanni Ýmis í boltann, komst framhjá honum og lagðann í markið án vandræða. 3-0 í hálfleik eftir ágætan leik.
Seinni hálfleikurinn var frekar leiðinlegur á að horfa en Stólarnir tóku lífinu með ró. Það var helst að sendingar Árna Einars um völlin þveran og endilangan glöddu augað en fátt markvert gerðist í síðari hálfleik annað en að Ingvi Hrannar skóflaði boltanum í markið eftir skalla frá Bjarka og gleðigjafinn og knatttæknirinn Marri fékk að spreyta sig síðustu mínúturnar.
Lokatölur 4-0 og Stólarnir fara vel af stað í C-riðli 3. deildar, búnir að vinna fyrstu þrjá leikina og markatalan klassísk, 10-0.
Fleiri fréttir
-
Góð byrjun á árinu hjá Júdódeild Tindastóls
feykir.is Skagafjörður, Aðsendar greinar 04.04.2025 kl. 12.20Loka undirbúningur fyrir mótin á vorönninni hófst á fyrstu æfingu ársins 6. janúar.Meira -
Annað skiptið sem safninu hlotnast þessi viðurkenning
feykir.is Skagafjörður, Lokað efni 04.04.2025 kl. 12.04Á dögunum hlaut Byggðasafn Skagfirðinga viðurkenningu frá CIE Tours vegna ánægju gesta með heimsókn á safnið. CIE Tours er Írskt ferðaþjónustufyrirtæki sem var stofnað árið 1932 en fyrirtækið skipuleggur og heldur utan um ferðir í Evrópu. Í tilkynningunni segir að 2024 hafi verið annað árið í röð sem hópar frá þessu fyrirtæki sóttu safnið heim og þetta er jafnframt í annað skiptið sem safninu hlotnast þessi viðurkenning.Meira -
UMFÍ með sínar fyrstu sumarbúðir á Reykjum í sumar
feykir.is Skagafjörður, Austur-Húnavatnssýsla, Vestur-Húnavatnssýsla 04.04.2025 kl. 11.33Í sumar ætlar UMFÍ að halda sínar fyrstu sumarbúðir og verða þær staðsettar á Reykjum í Hrútafirði. Sumarbúðirnar eru ætlaðar krökkum sem eru fædd frá 2011-2013, segir á heimasíðu UMFÍ. Nú spyr ég... hafa ekki allir krakkar gott af því að prufa að fara í sumarbúðir og kynnast nýjum krökkum og hafa gaman? Þetta getur ekki klikkað!Meira -
Yndisleg kvöldstund á Löngumýri
feykir.is Skagafjörður, Lokað efni 04.04.2025 kl. 11.10Það voru fallegir tónar já eða hljómar sem komu frá Löngumýri sl.þriðjudagskvöld þegar tríóið Hljómbrá stóð fyrir vægast sagt notalegri kvöldstund. Tríóið Hljómbrá er skipað þeim Guðrúnu Helgu í Miðhúsum, Kolbrúnu Erlu á Úlfsstöðum og Írisi Olgu í Flatatungu og Rögnvaldur Valbergsson sér um undirleik.Meira -
Nýtt listaverk á Skagaströnd
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.04.2025 kl. 09.58Feykir sagði frá því um miðjan febrúar að nokkur ný ruslatunnulistaverk hafi bæst í safnið á Skagaströnd en þá var búið að mála á þrjár nýja tunnur, hver öðrum glæsilegri. Listamaðurinn sem á heiðurinn af tunnumálverkunum er Gígja Heiðrún Óskarsdóttir og nú er hún aftur á ferðinni því á dögunum bættist við ein ný tunna eftir Gígju.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.