Öruggur 22 stiga sigur í unglingaflokki.
Strákarnir í unglingaflokki Tindastóls í körfubolta léku sinn annan heimaleik í deildinni á laugardag. Mótherjarir voru sunnlendingarnir í Laugdælum. Stólarnir sigruðu leikinn 77 - 55. Stigahæstur Stóla var Halldór Halldórsson, eða Halli Dóra, með 21 stig.
Hópurinn hjá Tindastóli innihélt: Sigga, Loft, Pálma, Tobba, Einar, Tryggva, Hreinsa, Reynald, Halla, Sigmar og Hákon.
Tindastóll byrjaði leikinn betur og komst í 7 - 2. Laugdælir náðu að minnka muninn í tvo stig í stöðunni 11 - 9, en þá lokuðu Stólarnir körfunni hjá sér og skoruðu sjálfir síðustu níu stig leikhlutans. Staðan að honum loknum 20 - 9.
Meira jafnræði var með liðunum í öðrum leikhluta. Tindastóll leiddi mest með 16 stigum, en Laugdælir söxuðu á forskotið öðru hverju. Í hálfleík var staðan 40 - 25. Axel þjálfari keyrði á flestum sínum leikmönnum í hálfleiknum og voru átta af þeim komnir á blað í hléinu. Hreinsi var með 9 stig í fyrsta leikhluta, en síðan tók Halli við í þeim öðrum og skoraði 8 stig.
Laugdælir hófu síðari hálfleik af meiri krafti en heimamenn og minnkuðu muninn í 11 stig í stöðunni 44 - 33. Þá gáfu Stólarnir aftur í og settu muninn í mest 18 stig, en Laugdælir löguðu stöðuna aðeins í lok þriðja leikhluta og því var bilið enn 15 stig þegar einn fjórðungur var eftir.
Stólarnir bættu heldur í síðasta leikhlutann og unnu hann 19 - 12 og gestirnir kannski orðnir þreyttir þar sem þeir mættu bara með 7 leikmenn. Þeir héldu þó í Stólana lengst af leikhlutanum en staðan var 70 - 55 þegar stutt var eftir. Sjö síðustu stigin voru Tindastólsdrengja og þar af var þriggja stiga flautukarfa frá Tobba. Lokatölur 77 - 55.
Stigaskor Tindastóls: Halli 21, Sigmar 13, Hreinsi 9, Loftur 8, Tobbi 8, Hákon 6, Tryggvi 3, Pálmi 3, Reynald 2, Siggi 2, Einar Bjarni 2,
Laugdælir: Anton Kárason 21, Arnór Hermundarson 18, Sigurður Hafþórsson 12, Aron Skaftason 4, en Daníel Jóhannsson, Baldur Samúelsson og Örvar Þorláksson náðu ekki að skora.
Tindastóll er með 2 stig eftir fjóra leiki, en næsti leikur er heimaleikur gegn Val þann 7. nóvember.
Fleiri fréttir
-
Dagur Þór heiðraður með Silfurmerkinu
feykir.is Skagafjörður, Íþróttir, Lokað efni 17.03.2025 kl. 12.24Þann 15. mars sl. fór fram Körfuknattleiksþing KKÍ á Grand Hótel í Reykjavík en þingið er haldið annað hvert ár. Á þessu þingi sitja fulltrúar frá aðildarfélögum og sambandsaðilum KKÍ og er stjórn KKÍ kosin á þessu þingi. Þá eru einnig veitt heiðursviðurkenningar og var Dagur Þór Baldvinsson, formaður Körfuknattleiksdeildar Tindastóls, heiðraður með Silfurmerkinu að þessu sinni. Þeir sem hljóta Silfurmerkið þurfa að hafa unnið vel og dyggilega að eflingu körfuknattleiksíþróttarinnar í áratug eða lengur. Feykir óskar Degi til hamingju með viðurkenninguna.Meira -
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.