Orkuskot inn í daginn og besta ídýfan, auðveldur fiskréttur og baunaréttur
Sigfríður Eggertsdóttir og Guðjón Valgeir Guðjónsson á Hvammstanga voru matgæðingar Feykis í 10. tbl. 2017. Þau buðu upp á uppskriftir að orkuskoti inn í daginn og bestu ídýfunni, auðveldum fiskrétti og baunarétti.
Það er Sigfríður sem hefur orðið: „Þó ég sé nú stolt bóndadóttir og meiri hluti fjölskyldunnar stundi fjárbúskap, elda ég sjaldan rautt kjöt núorðið. Það er þó ekki gert af ásettu ráði, heldur er nú bara smekkur mannanna misjafn. Fiskur, kjúklingur, grænmetis- og baunaréttir og súpur eru oftast í boði á minu heimili.
Fyrst gef ég uppskrift af safa, eða orkuskoti, sem ég bý til og á alltaf til í ísskápnum og síðan ídýfu sem er mjög góð og hollari en margt annað, geri hana oft um helgar, fyrir saumaklúbbinn og við ýmis tækifæri. Næst er auðveldur fiskréttur sem ég elda oft. Hann er góður og fljótlegur og hægt að nota ýmiss konar fisk eða kjúkling. Síðan er það baunaréttur og heimagert quacamole. Nota oft líka sama grunn en skipti út baunum fyrir fisk eða kjúkling.
RÉTTUR 1
Orkuskot
1 greip
3 appelsínur
1 pk. gulrætur
2 cm túrmerikrót
1 msk hörfræjaolía
svartur pipar
Aðferð: Sett í gegnum safapressu og sigtað. Geymist í ísskáp í u.þ.b. 5 daga.
RÉTTUR 2
Ídýfa með nachosflögum
1 stór dós kotasæla
1 krukka salsasósa
Aðferð: Hrært saman og sett í botninn á eldföstu móti. Paprikur í alls konar litum, gúrka (taka kjarnann), avokado og púrrulaukur saxað smátt og sett ofan á.
RÉTTUR 3
Fiskréttur (hægt er að nota hvaða fisk sem er)
Rótargrænmeti að eigin vali, brytjað smátt og sett í eldfast mót, mitt uppáhald er sætar kartöflur, sellerírót og rauðrófa.
Olívuolía sett yfir og sett í ofn við 180° í 20 mínútur. Tekið út og næst er spínat sett yfir, magn að vild.
Fisknum (ófreðnum) raðað yfir spínatið og saltað og piprað. Síðan er 1 lítil krukka,( ja, eða stór) af fetaosti í olíu hellt yfir.
Sett aftur í ofninn og haft í ca 20 mín....passið að ofelda ekki fisk.
RÉTTUR 4
Indverskur baunarétttur með heimagerðu quacamole
4 hvítlauksrif
1 laukur
1 chili aldin, fræhreinsað
2 cm engiferrót
Aðferð:
Sett á pönnu með olíu og látið malla á vægum hita. Kryddað með góðri teskeið af túrmerik, karrí, garam masala, cumin og kanil.
2 gulrætur, saxaðar smátt
1 rauð paprika, söxuð smátt
1 gul paprika, söxuð smátt
½ haus spergilkál, saxað smátt
Grænmeti bætt á pönnuna og látið malla áfram.
1 ds kjúklingabaunir, skolaðar
1 ds svartar baunir, skolaðar
1 ds Hunts sause (með söxuðum tómötum)
Bætt á pönnuna og látið malla þar til grænmetið er orðið meyrt. Borðist með taco pönnukökum, grænu salati, heimagerðu quacamole og sýrðum rjóma.
RÉTTUR 5
Heimagert quacamole
4 stk lárperur, mjúkar
safi úr einu lime
olívuolia
ferskur kóriander
salt og svartur pipar
Mixað saman.
Verði ykkur að góðu.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.