Ópera Skagafjarðar frumsýnir á Uppstigningardag
Ópera Skagafjaðrar frumsýnir óperuna Rigoletto eftir G. Verdi í Miðgarði fimmtudaginn 21. maí kl. 20:30.
Ópera Skagafjarðar var stofnuð síðla árs 2006 og var La Traviata fyrsta verkefni Óperu Skagafjarðar, sýnd víðs vegar um landið við góðar undirtektir árin 2007-2008.
Ópera Rigoletto er ein þekktasta og vinsælasta ópera G. Verdi. Uppsetningin er sambland af leik, söng og tónlist. Verkefnið hefur átt sér langan aðdranganda en byrjað var að æfa óperuna á síðasta ári. Á sæluvikunni í fyrra voru valdar perlur úr verkinu teknar upp og gefnar út á geisladisk. Keith Reed stjórnaði 14 manna kammerhljómsveit, hljóðfæraleikara úr Sinfóníuhljómsveit Íslands, sem lék undir á disknum. Hægt er að kaupa diskinn í Skagfirðingabúð og á sýningum Óperu Skagafjarðar.
Að verkefninu stendur Ópera Skagafjarðar en í Óperu Skagafjarðar er áhugafólk um þátttöku og uppsetningu á óperum og klassískri tónlist. Þetta fólk kemur víðs vegar að, þó flestir úr Skagafirði. Guðrún Ásmundsdóttir leikkona og leikstjóri er okkur innan handar með leikstjórn og verður auk þess í hlutverki sögumanns. Pamela De Sensi verður stjórnandi tónlistar og kórs og Aladár Rácz píanóleikari. Alexandra Chernyshova er listrænn stjórnandi verkefnisins og hefur borið hitann og þungann af undirbúning verkefnisins sem hefur tekið um eitt ár. Fjölmargir einsöngvarar koma síðan að verkefninu og kór Óperu Skagafjarðar.
Með helstu hlutverk í Rigoletto fara:
Rigoletto – Þórhallur Barðason, baritón
Duca – Sigurður Þengilsson, tenór
Gilda – Alexandra Chernyshova, sópran
Miðaverð er kr. 2900, forsala er á www.midi.is
Fleiri fréttir
-
Sögur og sagnir af Skaga og upp til heiða og dala
feykir.is Austur-Húnavatnssýsla, Listir og menning, Lokað efni 02.04.2025 kl. 14.36Skagabyggð fékk á árinu 2024 styrk úr Uppbyggingarsjóði Norðurlands vestra til að safna og taka upp á stafrænt form ýmsar sagnir og fróðleik sem nota mætti í sögutengda ferðaþjónustu. Starfshópur á vegum Skagabyggðar og síðan Húnabyggðar eftir sameiningu, tók upp töluvert efni í viðtölum við fólk sem hafði sögu að segja og fróðleik að miðla.Meira -
Úrslitakeppnin hjá strákunum hefst í Síkinu í kvöld
feykir.is Skagafjörður, Íþróttir, Lokað efni 02.04.2025 kl. 09.04Úrslitakeppnin í Bónus deild karla hefst í kvöld en á Króknum taka deildarmeistarar Tindastóls á móti óútreiknanlegu liði Keflavíkur. Leikurinn hefst kl. 19:00 og má reikna með að stuðningsmenn fjölmenni í Síkið. Lið gestanna rétt skreið inn í úrslit...Meira -
Það fer hlýnandi þrátt fyrir hvíta jörð í morgun
feykir.is Skagafjörður, Austur-Húnavatnssýsla, Vestur-Húnavatnssýsla 02.04.2025 kl. 09.02Það slyddar eða snjóar hér á Norðurlandi vestra fyrri part dags og jörð víðast hvar hvít þegar íbúar opnuðu augun í morgunsárið. Snjóþekja er víða á vegum, skyggni sums staðar ekki gott og því æskilegt að fara að öllu með gát. Unnið er að mokstri á Öxnadalsheiði en færð er fín í Vestur-Húnavatnssýslu þó reikna megi með hálfkublettum. Það dregur úr úrkomunni þegar líður að hádegi.Meira -
Ljóðasöngur í Árskóla
feykir.is Skagafjörður, Listir og menning, Lokað efni 02.04.2025 kl. 08.42Á heimasíðu Árskóla segir af því að Alfreð Guðmundsson, kennari við skólann, hafi gefið út skemmtilega ljóðabók, Dýrin á Fróni, með vísum sem hann orti um íslensku dýrin. Síðastliðinn mánudag mættu hjónin Guðrún Jóhanna Ólafsdóttir mezzósópran og Francisco Javier Jáuregui gítarleikari, sem skipa tvíeykið Dúó Atlantico, í Árskóla og fluttu ljóðin fyrir nemendur mið- og yngsta stigs.Meira -
Fáliðaðar Stólastúlkur áttu ekki roð í Íslandsmeistarana
feykir.is Skagafjörður, Íþróttir, Lokað efni 01.04.2025 kl. 09.37Úrslitakeppnin í Bónus deild kvenna hófst í gærkvöldi og lið Tindastóls sótti þá Íslandsmeistara Keflavíkur heim. Israel og Hlynur mættu með aðeins átta stúlkur til leiks en meðal annars vantaði bæði Ilze og Rannveigu í hópinn en þær voru veikar. Heimaliðið byrjaði vel og hleypti gestunum í raun aldrei inn í leikinn. Staðan í hálfleik var 46-33 en lokatölur 91-62.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.